12வது மலேசியா திட்டம் (12MP) , சுற்றுச்சூழலுக்கு கேடு விளைவிப்பதாக நிரூபிக்கப்பட்ட நாட்டின் வழக்கமான நேரியல் பொருளாதார மாதிரியை, நிலையான சுழழ்ச்சி  பொருளாதார மாதிரிக்கு மாற்றுவதை நோக்கமாகக் கொண்டுள்ளது என்று பிரதமர் துறை பொருளாதாரம் அமைச்சர்  முஸ்தபா முகமது தெரிவித்தார்.

இத்தகைய மாற்றம் மலேசியா நீண்ட கால நோக்கிய ஒரு முறையான நகர்வை அடையவும், நீடித்து நிலைக்க முடியாத நுகர்வு மற்றும் உற்பத்தி நடைமுறைகளை அகற்றவும், காலநிலை மாற்றம், சுற்றுச்சூழல் சீரழிவு மற்றும் பல்லுயிர் இழப்பு போன்ற பிரச்சினைகளை தீர்க்கவும் உதவும் என்று அவர் கூறினார்.

“வட்டப் பொருளாதாரம் நிலையான நுகர்வு மற்றும் உற்பத்தி அணுகுமுறையில் கவனம் செலுத்துகிறது, இது வளங்களின் பயன்பாட்டைக் குறைப்பதன் மூலமும், பொருட்கள் மற்றும் சேவைகளின் வாழ்க்கை சுழற்சியில் சுற்றுச்சூழல் சீரழிவு மற்றும் மாசுபாட்டைக் குறைப்பதன் மூலமும் ‘மேலும் மேலும் சிறப்பாகவும்’ செய்ய முற்படுகிறது,” என்று அவர் மேலும் கூறினார்.

கோலாலம்பூரில் இன்று ஐக்கிய நாடுகள் சபையின் Global Compact Network Malaysia மற்றும் Brunei (UNGC) மற்றும் Bloomberg இணைந்து ஏற்பாடு செய்திருந்த வட்டமேசை விவாதத்தில் முஸ்தபா தனது தொடக்க உரையில் இதனைத் தெரிவித்தார்.

அமைச்சரின் கூற்றுப்படி, இந்த அணுகுமுறையைப் பயன்படுத்துவதன் மூலம், இயற்கை வளங்களுக்கான தேவை குறைந்து, சுற்றுச்சூழலின் மீதான அழுத்தத்தையும் தாக்கத்தையும் குறைக்கும்.

“இது இறுதியில் அனைத்து மலேசியர்களின் வாழ்க்கைத் தரத்தை மேம்படுத்தும்,” என்று அவர் கூறினார்

வினையூக்க முயற்சிகள்

மலேசியா சமீபத்திய ஆண்டுகளில், நிலையான நுகர்வு மற்றும் உற்பத்தி அணுகுமுறையை முன்னேற்றுவதற்கான ஊக்குவிப்பு முயற்சிகளை மேற்கொண்டதாக முஸ்தபா கூறினார்.

இதற்கு ஒரு எடுத்துக்காட்டு பசுமை அரசாங்க கொள்முதல் green government procurement (GGP)  முன்முயற்சியாகும், இது நாட்டில் ஒரு “பசுமை சந்தையை” உருவாக்க ஊக்கியாக 2014 ஆம் ஆண்டில் அறிமுகப்படுத்தப்பட்டது என்று அவர் கூறினார்.

2017 ஆம் ஆண்டில் 1,330 ஆக இருந்த பதிவு செய்யப்பட்ட பசுமை பொருட்கள் மற்றும் சேவைகளின் எண்ணிக்கையை டிசம்பர் 2021 நிலவரப்படி 9,647 ஆக உயர்த்துவதில் GGP  வெற்றி பெற்றது என்று அவர் கூறினார்.

“வட்டப் பொருளாதாரத்தை ஆதரிப்பதிலும், பூர்த்தி செய்வதிலும், தனியார் துறை ஒரு செயலாக்கமான பாத்திரத்தை வகிக்க வேண்டும்”.

“நிறுவனங்கள் தங்கள் வணிகத் திட்டங்களை உருவாக்குவதில் நிலைத்தன்மை நிகழ்ச்சி நிரலுக்கு முன்னுரிமை அளிக்க வேண்டும், இது சுற்றுச்சூழலுக்கு உகந்த தயாரிப்புகள் மற்றும் சேவைகளை வழங்குவதில் வழிவகுக்கும்,” என்று அவர் மேலும் கூறினார்.

ஐரோப்பிய ஆணையம் மற்றும் அமெரிக்க சுற்றுச்சூழல் பாதுகாப்பு முகமையின் தரவுகளை மேற்கோள் காட்டி, முஸ்தபா கூறுகையில், அனைத்து தயாரிப்பு தொடர்பான சுற்றுச்சூழல் தாக்கங்களில் 80% அதிகமானவை ஒரு தயாரிப்பின் வடிவமைப்பு கட்டத்தில் தீர்மானிக்கப்படுகின்றன என்று மதிப்பிடப்பட்டுள்ளது.

“நிலையான வளர்ச்சிக்கான 2030 நிகழ்ச்சி நிரலை அரசாங்கத்தால் மட்டுமே அடைய முடியாது. தனியார் துறை, முதலாவதாக, நமது பகிரப்பட்ட பொறுப்புகள் குறித்து விழிப்புடன் இருக்க வேண்டும், “என்று அவர் மேலும் கூறினார்.