தமிழ் – சீன பள்ளிகள் நீண்ட காலமாக கல்வி அமைப்பின் சட்ட கட்டமைப்பில் அங்கீகரிக்கப்பட்டுள்ளன என்று மேல்முறையீட்டு நீதிமன்றம் இன்று கூறியது.

மத்திய அரசமைப்புச் சட்டத்தின்படி, ஆரம்பப் தாய் மொழிப் பள்ளிகளில் மாண்டரின் அல்லது தமிழ் மொழியைப் பயன்படுத்துவது சட்டவிரோதமானது என அறிவிக்கக் கோரி நான்கு மலாய்-முஸ்லிம்  குழுக்களின் மேல்முறையீட்டு மனுவை மேல்முறையீட்டு நீதிமன்றம் இன்று ஒருமனதாக தள்ளுபடி செய்துள்ளது.

நீதிபதி அஜிசுல் அஸ்மி அட்னான் கூறுகையில், மலாயா சுதந்திரம் பெறுவதற்கும் 1957 அரசியலமைப்பு இருப்பதற்கும் முன்பே, கல்வி முறையின் சட்ட கட்டமைப்பில் உள்ளூர் மொழிப் பள்ளிகள் நீண்ட காலமாக அங்கீகரிக்கப்பட்டுள்ளன என்றார்.

“அரசியலமைப்புச் சட்டத்தின் ஒரு சூழல் கட்டுமானமானது, அத்தகைய பள்ளிகளின் இருப்பு நாட்டின் உச்ச சட்டத்திற்கு முரணானது என்ற மேல்முறையீட்டாளர்களின் முறையீட்டை ஆதரிக்கவில்லை,” என்று தீர்ப்பின் பரந்த அடிப்படைகளைப் படித்த அஜிசுல் கூறினார்.

ஒரு பல்கலைக்கழகத்தைப் போலல்லாமல், ஒரு தாய்மொழிப் பள்ளி ஒரு அரசு சார்ந்த பொது அதிகாரம் அல்ல என்றும், மலாய் அல்லாத மொழியால் பயிற்றுவிக்கும் பயிற்றுவிப்பைப் பயன்படுத்துவது உத்தியோகபூர்வ நோக்கங்களுக்காக அல்ல என்றும் அவர் கூறினார்.

இந்த மூன்று பேர் கொண்ட மேல்முறையீட்டு நீதிமன்ற அமர்வில் நீதிபதி சுபாங் லியான் தலைமையில் நீதிபதி எம் குணாளன் ஆகியோரும் அடங்குவர்.

இந்த வழக்கை தொடுத்தவர்கள் – இஸ்லாமிய கல்வி மேம்பாட்டு கவுன்சில் (மாப்பிம்), மலேசிய மலாய் எழுத்தாளர்கள் சங்கத்தின் கூட்டமைப்பு (கபேனா),   முஸ்லிமின் மலேசியா (இஸ்மா) மற்றும் முஸ்லிம் மலேசியா ஆசிரியர் குழு

[The Islamic Education Development Council (Mappim), the Confederation of Malaysian Writers Association (Gapena), Ikatan Muslimin Malaysia (Isma) and Ikatan Guru-Guru Muslim Malaysia (I-Guru)]

இவர்கள் தாய்மொழிக் கல்விக்கு ஆதரவான இரண்டு தனித்தனி உயர் நீதிமன்றத் தீர்ப்புகளின் அடிப்படையில் இந்த மேல்முறையீடு செய்தனர்,

மாண்டரின் மற்றும் தமிழை முக்கிய மொழிகளாகப் பயன்படுத்தும் தாய்மொழிப் பள்ளிகளை அமைக்க அனுமதிக்கும் கல்விச் சட்டம் 1996 இன் பிரிவு 2, 17 மற்றும் 28 ஆகியவை அரசியலமைப்பின் 152 (1) க்கு முரணானவை என்று அறிவிக்க அவர்கள் கோருயிருந்தனர்.

மேலும் தாய் மொழிப்பள்ளிகள் ஆறு ஆண்டுகளுக்குள் தேசியப் பள்ளிகளாக மாற்ற வேண்டும் என்றும், இந்தப் பள்ளிகளில் மாணவர்கள் ஒன்று மற்றும் இரண்டில் தமிழையும், மூன்று மற்றும் நான்காம் ஆண்டுகளில் மாண்டரின் மொழியையும், ஐந்து மற்றும் ஆறில் அரபிக் மொழியையும் கற்க வேண்டும் என்றும் அவர்கள் கோரினர்.

1957 இல் அரசியலமைப்பு சாசனம் நடைமுறைக்கு வந்தவுடன், சுதந்திர மலாயா இந்த பள்ளிகளில் தமிழ் மற்றும் மாண்டரின் கற்பித்தலை “பாதுகாக்கவும் தக்கவைக்கவும்” தொடர்ந்து செயல்பட்டது என்று நீதிபதி அஜிசுல் கூறினார்.

இந்த மொழிகளின் பயன்பாட்டைத் தொடர்ந்து பாதுகாத்து நிலைநிறுத்துவது அரசியலமைப்புச் சட்டத்தின் கடமை என்பதை மத்திய அரசும் அங்கீகரித்துள்ளது என்றார்.

இந்த பள்ளிகளின் இருப்பு மற்றும் கல்விச் சட்டத்தில் உள்ள தொடர்புடைய விதிகள் அரசியலமைப்பின் 11 வது பகுதியில் உள்ள எந்த அடிப்படை சட்ட விதிகளுக்கும் முரண்பாடாக இல்லை என்றும் நீதிபதி கூறினார்.

இதற்கு முன்பு கோலாலம்பூர் உயர் நீதிமன்ற நீதிபதியாக இருந்த நீதிபதி நஸ்லான் கசாலியின் தீர்ப்பில் –  இந்தப் பள்ளிகள் பொது அரசு அதிகாரம் அல்ல – என்பதையும் நீதிமன்றம் உறுதி செய்தது.

நஸ்லான் இந்த வழக்கை மெர்டேக்கா பல்கலைக்கழக வழக்கிலிருந்து வேறுபடுத்திக் காட்டினார், அங்கு ஃபெடரல் நீதிமன்றம் ஒரு பல்கலைக்கழகம் பொதுக் கூறுகளைக் கொண்டுள்ளது, எனவே அது “பொது அதிகாரம்” என்று கூறியது.

டிசம்பர் 29, 2021 அன்று வழங்கப்பட்ட அவரது தீர்ப்பில், இப்போது மேல்முறையீட்டு நீதிமன்ற நீதிபதியாக உள்ள நஸ்லான், மாப்பிம், கபேனா மற்றும் இஸ்மா தாக்கல் செய்த வழக்கை தள்ளுபடி செய்தார்.

கோத்தா பாரு உயர்நீதிமன்றத்தின் நீதிபதி அபாசாஃப்ரீ அப்பாஸ் கடந்த ஆண்டு மே 30 அன்று ஐ-குருவின் வழக்கை அனுமதிக்கவில்லை.

தற்போதைய மேல்முறையீட்டில் மத்திய அரசின் மூத்த வழக்கறிஞர் Liew Horng Bin அரசு சார்பில் ஆஜரானார். வழக்கறிஞர் ஹனிஃப் காத்ரி அப்துல்லா மாப்பிம் மற்றும் கபேனாவுக்காக ஆஜரானார். கைருல் அஸாம் அப்துல் அஜீஸ் மற்றும் ஷாருதீன் அலி ஆகியோர் இஸ்மாவைப் பிரதிநிதித்துவப்படுத்தினர்; மற்றும் ரமேஷ் என்.பி.சந்திரன் ஐ-குருவை பிரதிநிதித்து வாதாடினார்கள்.

மலேசிய சீன மொழிப் பேரவை, தமிழ் மொழிச் சங்கம், முன்னாள் தமிழ்ப் பள்ளி மாணவர்களின் கூட்டமைப்பு, MCA, மற்றும் மலேசியாவின் ஐக்கிய சீனப் பள்ளிக் குழுக்கள் சங்கம் உள்ளிட்ட பல ஆர்வமுள்ள குழுக்கள் வழக்குகளில் தலையீடு செய்தன.

நான்கு மேல்முறையீடுதாரர்கள் சார்பாகப் பேசிய ஹனிஃப், கூட்டரசு  நீதிமன்றத்தில் மேல்முறையீடு செய்ய விடுப்பு விண்ணப்பத்தை தாக்கல் செய்ய இன்று முதல் 30 நாட்கள் அவகாசம் இருப்பதாகக் கூறினார்.

“மேல்முறையீட்டின் தகுதியை நீதிமன்றம் விசாரிக்க புதிய சட்ட கேள்விகளை நாங்கள் விவாதித்து வடிவமைப்போம்,” என்று அவர் கூறினார்.

இந்த வழக்கில் தாய் மொழி கல்விக்காக பங்கு கொண்டவர்களில் மலேசிய சீன மொழிப் பேரவை, தமிழ் மொழிக் கழகம், முன்னாள் தமிழ்ப் பள்ளி மாணவர்களின் கூட்டமைப்பு ஆகியோரும் அடங்குவர்.

அடுத்த கட்டம் கூட்டரசு நீதிமன்றமா? மலாய் அமைப்புகள் மேல் முறையீட்டை கைவிடுதல், இன ஒற்றுமையை வலுப்படுத்தும் என்கிறார் ஒரு ஆர்வலர்.

FMT