கா. ஆறுமுகம். செம்பருத்தி.காம்
மலேசியாவில் வாழும் மூன்று முக்கிய இனங்களில் இந்தியர்கள்தான் பலவீனமானவர்கள். அவர்களின் வாழ்வாதார உருமாற்றத்திற்குக் கல்வியால் முக்கிய பங்காற்ற இயலும். இந்த நிலைபாட்டுடன் கடந்த நாற்பது வருடங்களுக்கு மேலாக பல வகையான திட்டங்களில் அரசியல் அமைப்புகளும் சமூக அமைப்புகளூம் தீவிரமாக ஈடுபட்டு வருகின்றன. இருப்பினும் நமது வளர்ச்சி மற்ற இனங்களுடன் ஒப்பிடுகையில் மோசமாகியுள்ளது. அதிலும் பெண்களின் கல்வி நிலை சரிந்துள்ளது.
மலாயா பல்கலைக்கழகத்தின் புல்பிரைட் வருகை பேராசிரியர் சார்ல்ஸ் ஹெர்ஸ்மன் மற்றும் இணை பேராசிரியர் இரா.தில்லைநாதன் அவர்களின் ஆய்வுகள் இந்தியர்கள் நிலை மோசமடைந்து வருவதைக் காட்டுகின்றன.
கடந்த மாதம் மலாயா பல்கலைக்கழகத்தின் பொருளாதார துறை ஏற்பாடு செய்த சார்ல்ஸ் ஹெர்ஸ்மனின் சிறப்பு ஆய்வுக் கட்டுரை சொற்பொழிவின் போது இந்த திடுக்கிடும் தகவல்கள் வெளியிடப்பட்டன.
ஹெர்ஸ்மன் மேற்கொண்ட ஆய்வில் 1902-ஆம் ஆண்டுமுதல் 1984-ஆம் ஆண்டுவரை பிறந்தவர்கள் 1970 முதல் 2000 ஆண்டுவரையில் தங்களது கல்வியில் எந்த நிலைவரை எட்டியுள்ளனர் என்பதை ஆதாரப்பூர்வமாக விளக்கினார். அவரது முழு ஆய்வின் விபரத்தைக் காண இங்கே சொடுக்கவும். (Hirschman Ethnic Imequality in Education). இதன் முக்கியத்துவம் என்னவென்றால் புதிய பொருளாதார கொள்கையின் பூமிபுத்திரவுக்கான கல்வி இலக்குகள் 2000 ஆண்டிலேயே பூர்த்தி அடைந்து விட்டது என்பதை இந்த ஆய்வு காட்டுகிறது. அது இன்றும் தொடர்வது அந்த கொள்கையை தவறாக பயன் படுத்துவதற்கு ஒப்பாகும்.
அவரது ஆய்வு மூன்றாம் படிவம், ஐந்தாம் படிவம், உயர் கல்விவரை கல்வியை முடித்தவர்கள் எவ்வகையில் மலேசியாவின் வேலை வாய்ப்புகளை ஈடு செய்துள்ளனர் என்பதை காட்டியது.
2000-ஆம் ஆண்டில் மக்கள் தொகையில் 28 விழுக்காட்டினர் ஆரம்ப கல்வியைக் கற்ற நிலையிலும், 20 விழுக்காட்டினர் மூன்றாம் படிவம் வரையிலும், 29 விழுக்காட்டினர் ஐந்தாம் படிவம் வரையிலும், 14 விழுக்காட்டினர் உயர் கல்வி வரையிலும், 9 விழுக்காட்டினர் பள்ளி செல்லாத நிலையிலும் இருந்தனர்.
1970-ஆம் ஆண்டு ஐந்தாம் படிவம் வரையிலான கல்வி நிலையை 2000-ஆம் ஆண்டு ஐந்தாம் படிவ வரையிலான கல்வி நிலையுடன் ஒப்பீடு செய்தால் மலாய்க்காரர்களின் வளர்ச்சி 25 விழுக்காட்டிலிருந்து 65 விழுக்காட்டிற்கும், சீனர்களின் வளர்ச்சி 25 விழுக்காட்டிலிருந்து 45 விழுக்காட்டிற்கும் இந்தியர்களின் வளர்ச்சி 25 விழுக்காட்டிலிருந்து 41 விழுக்காட்டிற்கும் உயர்ந்துள்ளது. இனங்களுக்கிடையிலான வளர்ச்சியைக் கணிக்கும் போது இந்தியர்கள் மலாய்க்காரர்களை விட 2.8 மடங்கும், சீனர்களைவிட 1.25 மடங்கும் பின்தங்கியுள்ளனர்.
இதன் தாக்கம் இனங்களுக்கிடையிலான வேலை வாய்ப்புகளில் தாக்கத்தை உண்டு பண்ணுவதாக ஹிரிஸ்மன் கூறுகிறார். அதோடு ஐந்தாம் படிவத்திற்குப் பிறகு சீனர்களின் தேவைக்கேற்றவாறு மேல் நிலைக்கல்வியும் தொழில் திறன் கல்வியும் பிரச்சனைகள் அற்ற நிலையில் கிடைக்கின்றன. ஆனால், அது போன்ற வாய்ப்புகள் அற்ற நிலையில் இந்தியர்கள் இருப்பதால், நாடு வளர்ச்சியடைந்த நிலையிலும் பொருளாதார பாதிப்புகளுக்கு ஆளாகிறார்கள் என்றார்.
நாட்டில் உருவாக்கப்படும் வேலை வாய்ப்புகளுக்கும் கல்வி தேர்ச்சிக்கும் நெருங்கிய உடன்பாடு இருப்பதால், குறைவான கல்வி தகுதி குறைந்த சம்பள வேலைகளுக்கே வழிவிடுகிறது என்றார். இதில் அதிகமான பாதிப்புக்கு உள்ளாகியிருப்பது இந்தியர்கள் ஆவர். அதிலும் இந்தியப் பெண்களின் தரமான வேலை வாய்ப்புகள் மற்ற இனப்பெண்களை விட சரிந்துள்ளதாக குறிப்பிட்டார். இதற்கு காரணம் மலாய்க்காரப் பெண்களின் துரிதமான வளர்ச்சி என்கிறார்.
இது சார்பாக கருத்துரைத்த பொருளாதார நிபுணரும் தற்போது மலாயா பல்கலைக்கழகத்தின் இணை பேராசிரியருமான இரா.தில்லைநாதன் அரசாங்கத்தின் புதிய பொருளாதார கொள்கையின் தாக்கம் தற்போது பலத்த ஏற்றத்தாழ்வுகளை உண்டாக்கியுள்ளது என்றார். பூமிபுத்திராக்கள் தற்போது தங்களது பின்னடைவு நிலையைச் சரிசெய்து இருப்பதால் அரசாங்கம் தனது கொள்கையை மறுபரிசீலனை செய்ய வேண்டும் என்றார்.
இந்திய சமூகம் பலதரப்பட்ட கல்வி மேம்பாடு சார்புடைய வகையில் சமூக இயக்கங்கள் வழி திட்டங்களை மேற்கொண்டு வந்தாலும், அவை நாட்டின் நீரோட்ட வளர்ச்சிக்கு ஈடு கொடுக்க இயலாது. அரசாங்கம் கல்வியைத் தனியார் மயப்படுத்தும் வழிமுறை இந்தியர்களின் கல்வி அடைவை மேலும் பலவீனமாக்கும். அதேவேளையில் குறைந்த சம்பளத்தில் வேலை செய்ய அரசாங்கம் தொடர்ந்து கொண்டு வந்து குவிக்கும் அயல் நாட்டு தொழிலாளர் இறக்குமதி கொள்கை, மலேசியாவில் ஒரு தரமான சம்பள கொள்கை உருவாகுவதற்குச் சவாலாகவே இருக்கும்.
இந்திய அரசியல் கட்சிகளும் அதன் தலைவர்களும் இதற்கு எப்படியான மாற்றுவகை திட்டங்களை முன்னெடுப்பது என்பது குறித்து தீவிரமாக சிந்திக்க வேண்டும். எதுவாயினும், அரசியல் தீர்வு வழிதான் நமது நிலையைச் சீரமைக்க முடியும்.
நல்ல கருத்து நல்ல உள்ளம் சர்…
ஆய்வுக்கட்டுரைகள் அற்புதமாக இருப்பினும் அதனை ஏற்றுக்கொள்ளும் தன்மை அரசாங்கத்திற்கு வேண்டுமே!!!!
தன் இனம் வாழ்ந்தால் போதும் என எண்ணி ஒரு இனத்திற்கே பாடுபடும் இந்த அரசாங்கம் நமது இனத்தின் மீது குறைந்தளவு ஜாடைக்கண் காட்டினாலும் போதுமே!!!
எமார்ந்தால் வேரோடு அழித்துவிடுவார்கள் போலிருக்கிறதே!!!!
உங்கள் ஆய்வுகள் சரியாகவே இருக்கும். நன்றி! ஆனால் எல்லாரையும் விட ஒரு பெரிய ஆய்வாளர் சாமிவேலு என்னும் பெயரில் நாட்டில் நடமாடிக் கொண்டிருக்கிறார். அவரிடம் உங்கள் ஆய்வுகள் எல்லாம் செல்லுபடியாகாது. இந்தியர்கள் தான் நாட்டில் செல்வச் செழிப்பாக வாழ்கிறார்கள் . அதற்கு சான்று மைக்கா ஹோல்டிங்ஸ் என்பார். பொறுத்திருந்து பார்ப்போம். அந்தப் பக்கம் இருந்து ஏதாவது சத்தம் கேட்கிறதா என்று!
இந்திய அரசியல் கட்சிகள் என்ன செய்யப் போகின்றது என்று பொறுத்திருந்து பார்த்தால் தான் தெரியும்……
ஆறு சார் ! ,துன் ரசாக்,துன் மகாதிர் காலத்தில் பிறந்தவர்கள் தான் இன்று குண்டர் கும்பலில் ஈடுபடுகிறார்கள் ! குண்டடி பட்டு சாகும் இளைஞரின் வயதை பார்த்தல் புரியும் ,மலாய்க்காரரின் புதிய பொருளாதார திட்டமும் ,BTN பற்சியும் நமது கல்வி மற்றும் பொருளாதார வாய்ப்பும் ,GLC ,அரசாங்க வேலை வாய்ப்பையும் பாதிப்பு அடைய செய்தது, மலாய்கார குழந்தைகளை அரசாங்கம் தத்து எடுத்தது , மாறா,டுசுன் துவா தொழில் பயிற்சி முகாம் மற்றும் பல . சீன குழந்தைகளை சீனர்களே தத்து எடுத்தார்கள் (பொருளாதார வசதியுடன் ) நமது குழந்தைகளை கை விட்டது நமது அரசாங்கமும், இந்திய அரசியல் அமைப்புக்களும் , சவ ஊர்வலத்தில் பார்க்கலாம் நமது இளைஞரின் கல்வி தகுதியை சார் !
போதிவர்மர் ,இல்லை புத்தி தடுமாரியவரோ !உங்களுக்கு இளிச்சவாய் சாமி வேளுதானே,அவர் இருந்த காலத்தில்தான் தமிழ் பள்ளி மாணவர்களை தேர்ச்சி அதிகரித்தது என்பதை மறுக்க முடியுமா?
எனக்கு மற்ற இனத்தவர்கள் மேல் பொராமயொ அல்லது கோபம் இல்லை. அவர் அவர்கள் சமுதாய தலைவர்கள் தங்கள் இனத்தை எல்லாவகையிலும் முன்னேற்ற வழி கண்டுக்கொண்டு மேலே கொண்டு செல்கிறார்கள். அனால் நமக்கு கிடைத்த தரித்திரம் MIC காரன் தலைவன் சாமீ வேலு குழியில் தள்ளிவிட்டான் இப்பொழுது மகன் இன்னொரு குழி தோண்டுகிறான்
அரசியல் வழியில் தீர்வு தேவை என்பதை ஏற்றுக்கொள்ளலாம். ஆனால், இடைத்தரகர்கள் நமது போரட்ட உணர்வை விலை பேசி விடுவதால், நமது பலம் பல்வீனமாகி விடுகிறது. இன்னொன்று ஒருவர் கருத்தில்ர் சாமிவேலு காலத்தில்தான் தமிழ்பள்ளி அதிகம் என்கிறார். அது தவறு. கடந்த சில ஆண்டுகளாகத்தான் நமது தேர்ச்சி விகிதம் அதிகரித்துள்ளது.
இனியும் நமது தலையில் அம்னோ தொடர்ந்து மிளகாய் அரைப்பதை நிறுத்த, நமது இளம் சிங்கம் கமலநாதன் வாலுடன் போராட களம் இறங்க வேண்டும். அவர் முஹிடின் கையை நக்கியது போதும் என, கடித்து குதர எழ வேண்டும். அவர் செய்வார் என்ற நம்பிக்கை மக்களுக்கு உண்டாக வேண்டும். அப்போதுதான் அவர் நம்பிக்கை துரோகியாக மாறமாட்டார்.
நம்மை முற்றாக அழிப்பதே அம்நோகாரன்களின் எண்ணம். இது 1969 பிறகும் 1981 -காகாதிர் அதிகாரத்திற்கு வந்த உடனும் எடுத்த முடிவு. MIC கூஜதூக்கிகள் அதற்க்கு ஆதரவு–கேடு கெட்ட ஜென்மங்கள்.
அரசாங்கத்தின் வஞ்சனை போக்கே இந்த நிலை.
நம்மையும் anak malaysia என்று ஏற்காமல்,………
நம் இந்தியன் பார்ட்டி ஆல்,ஆசரியர் களுக்கு இனம் சார்ந்த பயிட்சி தர வேணும்.இளைஞர் களுக்கு ஒதுக்கபட்ட துறையில் பயிட்சி கொடுத்து தயார் நிலையில் இருக்க வேணும்.கடைசி நேரதில் காரணம் சொல்லி சமாளிக்க வேணாம்.(வுபகார சம்பளம் ).தி வி யில் 1 நிகழ்சி,அரசாங்கம் 1 துறையை இந்தியர்களுக்கு ஒதுக்கி விட்டது பங்கு பெற்றவர் 40%தான் 60% ஏன்னாவச்சி என்று கேட்டார் பாண்டிதுறை,பதில் 60% ஆர்வமில்லை.ஏன்னா சார் கதை லாஸ்ட் மினிட்லே ஆள் தேடின எப்படி.பாது காவலர் வேலைக்கு 1000 பூமிகல் போலிஸ் டிறேநிங் போல் தயார் நிலையில் இர்ககாங்க்கோ எனி டைம் ஒல் வெளிநாட்டு பாதுகாவலர்கலை விரட்டிவிட்டு இந்த டீம் கவர் பண்ணும்.வோய் வி கென்ட். கேக்ரங்க்கோ கொடுத்த full பண்ண மாட்ரங்க்கோ எப்படி பா.
வேதவானம் அவர்களே! தமிழனை இளிச்சவாயன் ஆக்கி அவனை மூலதனமாக்கி, இன்று நாட்டில் இன்னும் தமிழனை இளிச்சவனாக்கிக் கொண்டிருக்கிறாரே அது ஒன்று போதாதா அவரின் அருமை பெருமைகளை சொல்ல! அன்று அவர் தமிழனுக்குச் செய்த , துரோகங்கள், பாதகங்கள் இவைகளால் தானே இந்த சமுதாயம் இப்போதும் தடுமாறிக் கொண்டிருக்கிறது. தலைவனாக இருப்பவனுக்கு தலை சொட்டையாகவோ, மொட்டையாகவோ இருக்கலாம். ஆனால் சமுதாயத்தை மொட்டையடிப்பவனாக இருக்கக் கூடாது. அது உங்களுக்கும் பொருந்தும். எனக்கும் பொருந்தும்.
அய்யா சாமியா இளிச்சவாயன்? நம்மையெல்லாம் இழிச்சவாயனாக் கியது யார்? இன்னும் இவனுக்கு வக்காலத்து வாங்கும் ஜென்மங்கள்?
எத்தனை ஆயிரம் பேர் தங்களுடைய சொத்துக்களை எல்லாம் விற்று இவனின் பேச்சை நம்பி நட்டாற்றில் தள்ளப்பட்டனர். இவனைப்போன்றவன்கள் எல்லாம் கழுவில் ஏற்றப்படவேண்டும்,துரோகிகளுக்கு அதுவே சரி யான பாடம்.
கல்வியில் இந்தியர்களின் நிலை மோசமாகியுள்ளது,,,இது ஒரு தவறான கட்டுரை !!!கல்வியில் இந்தியர்களின் நிலை மோசமாக்க பட்டுள்ளது ! இது தான் உண்மை ,,வளர்ந்து வரும் கல்வி மேதைகளை கல்வி அமைச்சு மறைமுகமாக அளித்து வருகிறது
கல்வியில் இந்தியர்களின் நிலை மோசமாக்கப் பட்டுள்ளது என்பதை ஏற்றுக்கொள்ளுகிறேன். இது அம்னோ அரசாங்கத்தின் திட்டமிட்ட ஒரு சதி என்றே சொல்ல வேண்டும். அப்போது சாமிவேலு வாய்த் திறக்காததால் கல்வியில் நமது உரிமைகளை இழந்தோம்.இத்தனைக்கும் அவர் மிகவும் சக்தி வாய்ந்த தலைவராகத் திகழ்ந்தவர், இப்போது உள்ள தலைவர்களுக்கு சக்தியும் இல்லை, தெம்பும் இல்லை. கேட்டாலும் எதுவும் கிடைக்காது என்று அவர்கள் நினைக்கிறார்கள். அப்புறம் ஏன் பதவி?
ஒற்றுமையில்லா சமுதாயம் எப்பொழுது உருப்படும்.இது நாம் வாங்கி வந்த வரம்.மலாய்க்காரர்கள் எந்த கட்சியில் இருந்தாலும் ஒரு பிரச்சினை என்றால் ஒன்றாக சேர்ந்து குரல் கொடுப்பார்கள்.ஆனால் நம்மவர்கள்?எல்லா இந்தியர்களும் ஒன்று சேர்ந்து அரசாங்கத்தை நெருக்கினால் நமக்கு கிடைக்க வேண்டியது கிடைக்கும்.இல்லா விட்டால் இனி எத்தனை ஜென்மங்கள் ஆனாலும் இப்படித்தான்.
தலைவன் என்பவன் தன்னை நம்பிய மக்களுக்கு ஏணியாக இருக்கணும் மாறாக தன்னையும் தன் குடும்பம் மற்றும் தன் ஜாதியை மட்டும் வாழ வைத்த தானை தலைவனாக சுயநலவாதியாக இருக்கக்குடாது.நம் அரசியல் சரித்திரத்தில் மாற்றம் தேவை.உரிமையை கேட்க துப்பில்லா தலைவர்கள் தூக்கியெரியப்படவெண்டும் .முடியுமா ?
nam நிலை ஒரு நாய் மலைஏய் பார்த்து குரைத்த கதை தான்..
தமிழ் SPM பள்ளியோடு முடியாமல் நான் மேற்கொண்டு தமிழையும், தமிழின் வரலாற்றையும், நம் மாதத்தை பற்றியும் மேலும் படிக்க ஆசை. மதிப்புக்கும் மரியாதைக்கும் உரிய திரு.ஆறுமுகம் சர் அவர்களே நான் என்ன செய்யவேண்டும்? நம் தமிழ் இனம் சீரழிவதை பார்க்கும்பொழுது காலப்போக்கில் முற்றிலும் போகாமல் தடுக்க வலி செய்யவேண்டும். தமிழர்களுக்கு விழிப்புணர்வு கொடுக்கவேண்டும் சார். பகுதி நேரம் படிக்க நம் நாட்டில் வழிசெய்யுங்கள்? என்னைப்போல் தமிழ் பற்று உள்ளவர்கள் நிறைய உண்டு. யாராவது வலி சொல்லுங்கள்? வலி ஏற்படுத்தி தாருங்கள்? ( gp.chandran@yahoo .com )
கல்வியில் நம் தமிழர்களை மோசமாக்கிய பெருமை நம் ‘1 மலேசியா’ அரசாங்கத்துக்கும் நம் இன அரசியல்வாதிகளுக்கு போய் சேரும். இதற்க்கு நானும் விதிவிலக்கு அல்ல. போளிடேக்னிகில் படித்த நான் முதல் நிலையில் தேற்சிப்பெற்றேன். ஆனால் எனக்கு நம் அரசாங்க பல்கலைகழகத்தில் படிக்க இடம் கிடைக்கவில்லை. என்னைவிட பின் நிலையில் இருந்த, இந்த நாட்டிற்கு சொந்தம் கொண்டாடும் என் சக நண்பர்களுக்கு இடம் கிடைத்தது. நான் என் நிலையை எடுத்து கூறி, எனக்கு இடமலிக்காமல் போன காரணத்தை கேட்டு மடல் போட்டதற்கு, ஒரு பதில் கடிதமும் வரவில்லை. நல்லவேளை, என் உறவினர்களின் உதவியினால் நான் தனியார் பல்கலைகலத்தில் படித்து அங்கேயும் முதல் தேற்சிப்பெற்றேன். அதனால், என் ‘பிபிடின்’ கல்வி கடனை ‘ச்க்கோலர்ஷிப்’ மாற்றுவதற்காக என் மனுவை சமர்பித்து ஒரு வருடம் ஆகப்போகிறது . ஆனால் இன்னும் எந்த ஒரு பதிலும் வரவில்லை. தொடர்புகொண்டு கேட்டால், “இன்னும் பரிசீலனை செய்யவில்லை” என்ற பதிலே ஒவ்வொரு முறையும் எதிர்முனையில் ஒலிக்கின்றது. என்னை கைக்கொடுத்து தூக்க அன்று என் உறவினர்கள் அன்று இல்லாவிட்டால், இன்று நானும் வாழ்வில் ஒரு பிடிப்பின்றி இருந்திருப்பேன். இதுபோல ஏமாற்றமே, நாம் இந்தியர்களை தப்பான வழியில் செல்வதற்கு ஒரு முக்கியக் காரணம் என்பது என் ஆணித்தரமான கருத்து.
nice sir