ஜீவி.காத்தையா, செம்பருத்தி.காம். பிடிக்கிறதோ, இல்லையோ, அவருடைய பெயரைக் குறிப்பிடாமல் மலேசிய நாட்டின் வரலாறு எழுதப்பட முடியாது என்ற அளவிற்கு நாட்டை கைப்பற்றிய ஜப்பானியர்களையும், நாட்டை ஆண்டு வந்த பிரிட்டீஷ் காலனித்துவவாதிகளையும் எதிர்த்துப் போராடி நாட்டின் வரலாற்றோடு இரண்டறக் கலந்து விட்ட மலாயா கம்யூனிஸ்ட் கட்சியின் முன்னாள் தலைமைச் செயலாளர் சின் பெங் இன்று தமது 89 ஆவது வயதில் நாடற்றவராக தாய்லாந்து நாட்டின் தலைநகர் பேங்கோக் மருத்துவமனை ஒன்றில் காலை மணி 6.20 அளவில் காலமானார்.
தென்ஆப்ரிக்காவில் பிரிட்டீஷாருக்கு ஆதரவாக போராடிய மகாத்மா காந்திக்கு பிரிட்டீஷ் பேரரசு தங்கப் பதக்கம் அளித்து கௌரவித்தது. அவர் பிரிட்டீஷாரை எதிர்த்துப் போராடிய போது, மகாத்மா காந்தியை அதே பிரிட்டீஷ் பேரரசு “பயங்கரவாதி” என்று பிரகடனம் செய்தது.
அதே பிரிட்டீஷ் பேரரசின் பிரதிநிதி லார்ட் லூய்ஸ் மவுண்ட்பேட்டன் இரண்டாவது உலகப் போருக்குப் பின்னர் சிங்கப்பூரில் நடந்த வெற்றிப் பேரணியில் சின் பெங்கிற்கு தங்கப் பதக்கம் அளித்து கௌரவித்தார். லண்டனில் நடந்த வெற்றிப்
பேரணியிலும் சின் பெங் பங்கேற்றார். அவரின் சேவைக்கு பிரிட்டீஷ் பேரசு அத்தகையச் சிறப்பை அளித்தது. ஒபியி (Order of the British Empaire) என்ற சிறப்பு பட்டத்தையும் வழங்க முன்வந்தது.
பிரிட்டீஷ் பேரரசின் வரலாற்றில் அதனை ஆதிர்ப்பவர்கள் புனிதர்கள். எதிர்ப்பவர்கள் பயங்கரவாதிகள்! மலாயவில் பிரிட்டீஷ் ஆட்சியை எதிர்த்த சின் பெங் பயங்கரவாதி என்று அறிவிக்கப்பட்டு அவரின் தலைக்கு $25,000 விலை என்றும் அறிவிக்கப்பட்டது. காந்தியை பயங்கரவாதி என்ற பிரிடீஷ் நாக்கிற்கு சின் பெங்கை ஒரு பயங்கரவாதி என்று கூறுவது ஒரு பெரிய விவகாரமல்ல.
சின் பெங்கின் போராட்டமும், அகில மலாயா தொழிற்சங்க சம்மேளத்தின் தலைவர் எஸ். எ. கணபதியின் தலைமையிலான தொழிலாளர்களின், குறிப்பாக தோட்டத் தொழிலாளர்களின், போராட்டமும் மலாயாவில் பிரிட்டீஷ் பேரரசின் ஆட்சியை நிலைகுலையச் செய்தது. அவசரகாலச் சட்டத்தைப் பிரகடனப்படுத்தி கம்யூனிஸ்ட் மற்றும் தொழிற்சங்கத் தலைவர்களை வேட்டையாடிய பிரிட்டீஷ் அரசாங்கம் மலாயாவை தங்களின் நம்பிக்கைக்குப் பாத்திரமானவர்களிடம் ஒப்படைத்து விட்டு வெறியேறும் திட்டத்தை வகுத்தது.
நாடு சுதந்திரம் அடைந்த பல ஆண்டுகளுக்குப் பின்னர், டிசம்பர் 2, 1989 இல் மலேசியா மற்றும் தாய்லாந்து அரசாங்கங்களும் மலாயா கம்யூனிஸ்ட் கட்சியும் அமைதி ஒப்பந்தம் ஒன்றில் கையொப்பமிட்டன.
அந்த ஒப்பந்தத்தின் அடிப்படையில், நாட்டிற்கு திரும்ப விரும்பும் கம்யூனிஸ்ட் கட்சி உறுப்பினர்கள் அதில் கூறப்பட்டுள்ள நிபந்தனைக்களுக்கு ஏற்ப திரும்பி வர வகைசெய்யப்பட்டுள்ளது. அதன் அடிப்படையில் 300 க்கு மேற்பட்ட முன்னாள் 
உறுப்பினர்கள், எம்சிபியின் தலைவர் அப்துல்லா சிடி, இதர உயர்மட்ட தலைவர்களான ரஷிட் மைடின் மற்றும் பத்தாம் ரெஜிமெண்டின் பெண்கள் பிரிவு கமாண்டர் ஷம்சியா பாக்கே போன்றோர் உட்பட, மலேசியாவுக்கு திரும்பி வந்து நிரந்தரமாக அனுமதிக்கப்பட்டுள்ளனர்.
ஆனால், சின் பெங்கிற்கு மட்டும் அந்த அனுமதி மறுக்கப்பட்டது. அவர் மலாயாவில் பிறந்தவர் என்பதற்கு அத்தாட்சி பத்திரம் வேண்டுமாம்!
உலகிற்கே தெரியும் சின் பெங் சித்தியவானில் பிறந்தவர் என்று. அதன் அடிப்படையில்தான் முன்னாள் கம்யூனிஸ்ட் உறுப்பினர்கள் நாட்டிற்கு திரும்புவதற்கு ஒப்பந்தம் செய்யப்பட்டது.
இந்த அமைதி ஒப்பந்தத்தில் மலேசிய அரசின் சார்பில் கையொப்பமிட்டவர்களில் ஒருவரான முன்னாள் போலீஸ் படைத்
தலைவர் அப்துல் ரஹிம் நோர் மலேசிய அரசாங்கம் சின் பெங் நாட்டிற்கு திரும்பவதற்கு அனுமதி கொடுக்க மறுப்பதைக் கடுமையாகக் குறைகூறியுள்ளார். கம்யூனிஸ்ட் கட்சியின் தலைவர் அப்துல்லா சிடி, இதர உயர்மட்ட தலைவர்களான ரஷிட் மைடின் மற்றும் பத்தாவது ரெஜிமெண்டின் பெண்கள் பிரிவு கமாண்டர் ஷம்சியா பாகே ஆகியரோடு 300 க்கும். மேற்பட்டோர் நாட்டிற்குத் திரும்ப அனுமதிக்கப்பட்டதோடு பேராக் மாநில சுல்தான் அவர்களில் சிலருக்கு தரிசனம் அளித்திருந்ததை ரஹிம் நோர் சுட்டிக் காட்டினார். அவர்களுடைய பிறப்புப் பத்திரம் கேட்கப்படவில்லையே என்றும் அவர் கூறினார்.
தமக்குத் தெரிந்த வரையில், சின் பெங் தரப்பினர் அமைதி ஒப்பந்தத்தின் ஒவ்வொரு ஷரத்தையும் கடைபிடித்துள்ளனர் என்று கூறிய ரஹிம் நோர் மலேசியா அவ்வாறு நடந்துகொள்ளவில்லை என்றார்.
“சின் பெங்கிற்கு மட்டும்தான் அனுமதி மறுக்கப்பட்டுள்ளது”, என்று அவர் வலியுறுத்திக் கூறினார்.
ஏன்? அவர் மலாய்க்காரர் அல்ல என்பதுதான் காரணம் என்று பொதுவாக கூறப்பட்டாலும், அவர் நாடு திரும்பினால், அரசியல் மாற்றங்கள் ஏற்படக்கூடிய சாத்தியம் இருப்பதுதான் அவரை நாட்டிற்குள் விடாமல் இருப்பதற்கான உண்மையான காரணம். சின் பெங் இதனை ஒப்புக்கொண்டுள்ளார்.
முறையாக, முத்தரப்பினரால் கையொப்பட்ட ஓர் அமைதி ஒப்பந்தத்தை மீறியது மலேசிய அரசுக்கு ஒரு பெருங்களங்கத்தை ஏற்படுத்தியுள்ளது. மலேசிய அரசாங்கம் கையொப்பமிடும் ஓர் ஒப்பந்தத்தை எப்படி நம்புவது? இதுதான் சின் பெங்கின் இறுதி சவால்!
களங்கப்பட்டு நிற்பது சின் பெங் அல்ல. அவர் ஒரு கனவான் என்று கூறுகிறார் போர்க் காலத்தில் அவரின் பரம வைரியான அப்துல் ரஹிம் நோர்!
தோற்றது சின் பெங் அல்ல, மலேசிய அரசாங்கம்!
வரலாற்று நாயகனான சின் பெங் வரலாற்று நாளான இன்று விடைபெற்று விட்டார்; அவருக்கு விடை கொடுப்போம்!
“சுதந்திரத் தந்தை” என துங்கு அப்துல் ரஹ்மானை புகழ்கிறோம். அதே போன்று நம் நாட்டிற்கு சுதந்திரம் வேண்டும் என ஜப்பானியர்களையும், பிறகு பிரிடிஷாரையும் எதிர்த்து போராடியவர் சின் பெங். ஆக, சின் பெங்கிற்கு “சுதந்திர போராட்ட தந்தை” என அழைப்பது சாலப் பொருந்தும்.
மலேசிய அரசாங்கம் மலாயா கம்யூனிஸ்ட் கட்சியுடன் செய்துக் கொண்ட அமைதி ஒப்பந்தத்தைப் பின்பற்ற தவறிய வரலாற்று நிகழ்வு தெரிந்தும் ஹின்றாப்ட் மக்கள் தலைவர் கடந்த பொது தேர்தலுக்கு முன் அவசர அவசரமாக இந்த மலேசிய அரசாங்கத்துடன் புரிந்துணர்வு உடன்பாடு செய்து கொண்டது ஏனோ? சின் பெங்கும் இறுதியில், வேதமூர்த்தியைப் போன்று ஏதோ ஒரு நப்பாசைக்காக உடன்படிக்கையில் கையெழுத்து போட்டு ஏமாந்து போனார் போலும். J.W. Birch – யை கொன்ற மகாராஜலேலா கொலைகாரன் என்ற வரலாறு மாறி இன்று சுதந்திர போராட்ட வீரர் என்று ஆகவில்லையா அதைப்போல சின் பெங்கின் வரலாறும் இன்னும் 50 வருடங்களில் மாறி சுதந்திர போராட்ட வீரர் என்று வரும், கவலையை விடுங்கள்.
சின் பெங் இல்லாதிருந்தனால்தான் இப்போது அம்நோகாரன் கள் ஆட்டம் போடுகின்றான்கள். சின் பெங் மட்டும் இன்னும் இருந்தால் எவ்வளவோ பேர் அவரிடம் போய் சேர்ந்து இருப்பார்கள் அம்நோகாரன் கள் இப்படி ஆட்டம் போட மாட்டான் கள் –கைகூலிகளும் அடக்கி வாசிப்பான் கள் –
எது எப்படி இருப்பினும் அவர் தீராத ஆசைகளுடன் இறந்ததே உண்மை. அவரை மலேசியனாக அங்ககரிக்கா விட்டாலும் மனிதராக அங்ககரித்து அவரது பூர்விக இடத்தில் அவரருடைய அஸ்தியை புதைக்க அனுமதி வழங்க வேண்டும்.
நல்ல மனிதர் இவர் உடலை மலேசியாவுக்குள் அனுமதிக்க கூடாதா???
சிங்கம் அவர்களே, விட்டால் சின் பெங்கிர்க்கு “Tun” பட்டம் கொடுக்கலாம் என்று கூட வழிமொழிவீர்கள் போலிருகின்றதே! 1975-ம் ஆண்டு நான் மருத்துவமனையில் இருந்த காலத்தில், 22 & 23 வயதே நிரம்பிய இராணுவத்தில் கேப்டன் பதவியில் இருந்த இரண்டு மலாய்க்கார இளைஞர்கள் பேராக், கிரீக் காட்டுப் பகுதியில் கம்னியூஸ்ட்காரர்களை வேட்டையாட ரோந்து நடவடிக்கையில் ஈடுபட்டு இருந்த பொழுது மலாயா கம்னியூஸ்ட் தீவீரவாதிகள் வைத்த கன்னி வெடியில் சிக்கி ஒவ்வொருவரும் ஒரு காலை இழந்து மருத்துவமனைக்கு வந்தனர். இது கடல் நீரில் ஒரு துளி மட்டுமே! சுதந்திர தினத்திற்குப் பிற்பட்ட காலங்களில் மலாயா கம்னியூஸ்ட் தீவீரவாதிகள் செய்த அட்டூழியங்கள் காலத்தால் மறக்கப்பட முடியாத, மன்னிக்க முடியாத உண்மைகள். சுதந்திரமாம், சுதந்திர போராட்ட தந்தையாம்!. தயவு செய்து நல்லதையும் கெட்டதையும் சீர் தூக்கிப் பார்த்து கருத்து எழுதுங்கள்.
என்னே theni avargale மலேசியாவை வெள்ளைக்காரன் விட்டுவிட்டு ஓடியதற்கு நீங்கள் தான் காரணம் என்று சொல்விர்கள் போல.இதற்கு முக்கிய காரணமே இ வர்தான் என்பதை புரிந்து கொள்ளுங்கள் .உன்னை போல ஒருவன் அந்த காலத்தில் இருந்திருந்தால் மலேசியாவுக்கு கண்டிப்பாக சுதந்திரம் கிடைதிருக்காது .
Mr .Theni நமக்குள் வாதம் தேவையில்லை. நீங்கள் கூறுவது உண்மையாகவே இருக்கட்டும். நீங்கள் கூறுவது போல பட்டம் பதவிகளுக்கு ஆசைப்படுபவர்களல்ல போராளிகள். மேலும், சீர்தூக்கி பாராமல் கருத்துக்கள் கூறும் அவசியம் எனக்க்கு கிடையாது. மேலே நான் கூறியவை அனைத்தும் மெய் .
வெள்ளைகாரனின் சதியை விளங்காமல் உளறிவிட்டார் தேனீ !
கமுனிசை கண்டு பயந்து ,தொல்லை தாங்க முடியாமல் வெள்ளைக்காரன் நாட்டை விட்டு ஓடினான் ,வேறு வழி இல்லாமல்
சுதந்திரம் கிடைத்தது. பாலிங் பேச்சுக்கு துங்கு ஒத்து வரவில்லை ,அதனால் முறிந்தது.கமுனிசை ஒழிக்க வேண்டும் என்று அம்னோ தலைவர் துங்கு முழங்கினர் ,அதன் விளைவு தான் நீங்கள் சொன்ன கால் இழப்பு.வரலாறு தெரியாத theni .
தேனீ ! இந்தியாவின் சுபாஸ் சந்திரபோஸையும் வெள்ளைக்காரன் இந்தியாவின் எதிரி என்று கதையை திருப்பி விட்டான் ! அறிவு கொண்ட இன்றைய இந்தியர்கள் சுபாஸ் சந்திரபோசை ஏற்றுக்கொண்டார்கள் !
அப்படி பீடார் தமிழ் பள்ளியை மூட நினைத்தால் ,அங்கே உள்ள தமிழர்கள் கையில் ஐயனார் கத்தியை தூக்குங்கள் !!தமிழ் பள்ளி என்றால் இந்த அம்நோக்கார பசங்களுக்கு காமடிய இருக்குதா ?? தமிழர்கள் ஒன்று சேருங்கள் ,,அம்னோவை ஒலித்துகட்டுங்கள்
ஐயோ சார் அப்புறம் நம்மளையும், நம்ம ஆளுங்கோ போலீஸ்லே சொல்லி சுட சொல்வாங்கோ. 15 வருசம் மலாய் காரர்களுக்கு சலுகை, 15 வருசம் சீனர்களுக்கு சலுகை, 15 வருசம் இந்தியர்களுக்கு சலுகை இது ஒபந்தம். சுதந்திரம் அடைந்து 56 வருடம் முடிஞ்சு, இன்னும் மலைய்ஸ் கு சலுகை டெர்ம் முடியலே. அப்போ நம்ம பயள்கே இப்படி ஏன் கீழ் மட்டத்தில் வளர வேணுமா. லோ கிளாஸ்லே இருந்து எப்போ மிடியும் கிளாஸ்கு வர்றது அப்புறம் ஹய் கிளாஸ் பொய் வொக்காரறது. குற்ற செயலில் ஈடுபட்டாங்கோ, நல்ல வாய்ப்பு கொடுங்கோ. உலகில் ஒழுக்கம் கற்று கொடுத்தவர் தமிழர். தமிழர்கே ஒழுக்கமா. நல்லா படிக்க வாய்ப்பு கொடுங்கோ கட்டாய தொழில் கல்வி கொடுங்கோ உடனே வேலை கொடுங்கோ. அப்போ ஓய் குற்றம் இல்லே, கே தி எம், ஜே கே ஆர் போன்ற துறை நம்ம ஆள் வசம் இருந்தது, சீக்ரம்-சீக்ரமா அவுங்க ஆளுக்கு பயிற்சி கொடுத்து அதையும் புடிங்கிட்டாங்கோ. இன்னைக்கு ரோடு போடுராங்கோ நாளைக்கு காணாமல் போவுது பட் நோ கொம்ப்ளின். போலிடிக்க யோசிங்கப்பா…….!!!!!!!!!!
இவ்வேளையில் கட்டுரையாளர் ஜீவி காத்தையா அவர்களை நெஞ்சாரப் போற்றுகிறேன். பல ஆண்டுகளுக்கு முன், கம்யூனிசம் என வாய்த் தவறி உளறினாலே, நம் நாட்டு ராணுவம் நம்மை முற்றுகையிட்டுவிடும். அத்தருணத்தில் அஞ்சா நெஞ்சரான கட்டுரையாளர், வெளிநாடு சென்று, சின்பெங்கை சந்தித்து நலம் விசாரித்துள்ளார். சின் பெங்குடன் கட்டுரையாளர் கைகுலுக்கிக்கொண்ட புகைப்படம், மாத இதழான செம்பருத்தியில் வெளியாகி இருந்தது. அவரது நெஞ்சுரம் எனக்கில்லையே என நினைக்கும்போது, வெட்கித் தலைகுனிய வேண்டியதாகிறது. “வீரம், வீரனைத்தேடிச் சென்றுள்ளது.”
வரலாற்றை அறிந்துதான் பேசுகின்றேன். இரண்டாம் உலகப் போரின் பொது, ஜப்பானியர்கள் கொரியா வழி சீனாவைத் தாக்கிக் கொண்டிருந்தனர். அவ்வேளையில் மலாயாவில் களம் இறங்கிய ஜப்பானியர்கள் இங்குள்ள சீனர்களை வெட்டி சுட்டு வதம் புரிந்தனர். அந்த ஆத்திரத்திலேதான் இங்கே மலாயா கம்னியூஸ்ட் கட்சி உருவானது (சீனா கம்யூனிஸ்ட் கட்சியின் மறுபதிப்பு. ம.இ.க.-வைப் போல). ஜப்பானியர்களை பதம் பார்க்க வேண்டும் என்பதற்காகவே உருவானது. இவர்களுடன் நாட்டின் சுதந்திர வேட்கையுடன் இக்கட்சியில் பின்னர் சேர்ந்து கொண்டவர்களே மலாய்க்காரர்கள். இரண்டாம் உலகப் போர் முடிந்த உடன் பிரிடிஷ்காரர்களிடம் அதிகார பகிர்வு கோரி தோல்வி அடைந்ததாலே சுதந்திர போராளிகளானார்கள். அன்று பிரிடிஷ்காரன் சின் பெங்கிடம் நாட்டை விட்டு ஓடியிருந்தால் இன்று நாமெல்லாம் கோவிந்தா, கோவிந்தா! சுபாஷ் சந்திர போஸ் ஒரு ராணுவத்தை பட்டாளத்தை ஏற்படுத்தி பிரிட்டிஷ் ராணுவத்துடன் போர் புரிந்த சுதந்திர போராட்ட வீரர். அவர் நிலை வேறு. அப்பாவி மக்களை பயமுறுத்தி, அடிபணிய வைத்து, பலரை கொன்று குவித்த மலாயா கம்னியூஸ்ட் தீவீரவாதிகளின் நிலை வேறு. சுதந்திரக்குப் பிறகு, இவர்கள் எதற்காகப் போராடினார்கள் என்பதை யாராவது இங்கு கூற முடியுமா?
எந்த ஒரு போராட்டத்திற்கும் ஒரு அடிப்படை கராணம் உண்டு என்பதை மறுக்க முடியாது.போராட்டம் செய்பவன் அதிகார வர்கத்திற்கு பயங்கரவாதியாகதான் தெரிவான்.ஒவ்வொரு மாற்றமும் மாற்று சிந்தனையால் வந்த வெளிப்பாடு.மகாமத்மா காந்தி,மேதகு வேலுப்பிள்ளை பிரபாகரன்,நெல்சன் மண்டேலா என்று அடுக்கிகொண்டே போகலாம்.மாற்று கருத்து நிலை நாட்டும் போது பல இழப்புகள் நடப்பதை தவிர்க்கமுடியாமல் தடுமாறுகிறோம். .நியாமான போராட்டத்தை மதிப்போம்,நினைத்து பார்ப்போம்.
சார், போலிகள் மிளிரும் பூமியா, இந்தச் சுவர்ணபூமி? ஜப்பானியர்களையும், ஆங்கிலேயர்களையும் இந்தப் பூமியிலிருந்து விரட்டி விடுதலைக்கு வித்திட்டவருக்கு மலேசியத் தாயின் மடியில் துயில இடமில்லையே! நாட்டை விட்டு ஓடும் முன் ஆங்கிலேயன் உருவாக்கிய சந்தர்ப்பவாதக் கும்பலுக்கு நாட்டில் சகல ஏகப் போகம், ராஜ மரியாதை. ஆட்சிக் கட்டிலில் அமர்ந்துள்ள போலிகளிடம் உண்மை தோற்பது இங்கன்றி வேறு எங்கு நடக்கும்!
நம் நாட்டின் போற்றுதலுக்கு உரிய தலைவர்களில் ஒருவராக இன்றும் திகழ்கிறார் மாண்புடைய சின் பெங். இரண்டாம் உலகப்போருக்கு பின்னர் மலாயாவிற்கு சுதத்திரம் வேண்டும் என்று பிரகடனம் செய்த முதல் மாபெரும் தலைவர் இவர். அன்று அம்னோ என்ற கட்சியே கிடையாது. அந்த காலத்தில் நாட்டின் சுதந்திரத்திற்காக முதன் முதலில் பிரிட்டிஷ்சாருக்கு எதிராக போராடியவர்கள் மலேசியா கொமுனிஸ் கட்சியினர்தான் இது வரலாற்று உண்மை. நம் நாட்டின் சுதந்திரத்திற்காக உயிர் தியாகம் செய்தவர்கள் இவர்களே. காட்டிலிருந்து போராடியவர்களை நாம் மறக்க கூடாது. ஆயுதம் ஏத்தி போராடியதால் தான் பிரிட்டிஷ்சார் இறுதியில் பேச்சு வார்த்தைக்கு சம்மதம் தெரிவித்தனர். இந்த மாபெரும் உண்மை துங்கு அப்துல் ரஹ்மானுக்கும் தெரியும்.(ஆதாரம் MEMIOR OF ABDULLAH C D)
ஆனால் சுதந்திரத்திற்கு பிறகு பல்வேறு வரலாற்று மோசடிகள் நாட்டில் தொடர்ந்து நடை பெற்று கொண்டிருக்கிறது. நாட்டின் உண்மையான வரலாறு என்ன என்பதை நமது உண்மையான தேடலின் வழியே அறிந்துக்கொள்ள முடியும். அம்னோ அரசாங்கத்தால் எழுதப்படும் அனைத்து வரலாற்று ஆவணங்களும் ஓர் இனத்தின் அடையாளமாகவோ அல்லது ஒரு கட்சியின் அடையாளமாகவோ தான் இருக்கும். வரலாற்று மோசடிகள் தலைவர்கள் மட்டும் அல்ல மாறாக நம் நாட்டில் பல கல்வி மான்களும் உள்ளனர் என்பதை நாம் அனைவரும் உணர்த்து செயல் படுவோம் வாரீர்.
நாட்டின் வரலாற்றோடு நமது மலேசியா இந்தியர்களின் வரலாற்று உண்மையையும் நாம் தெரிந்துகொள்ளவேண்டும். இல்லையென்றால் நமது அடுத்த தலைமுறையினர் இந்த நாட்டில் சுய மரியாதையோடு வாழ விட மாட்டார்கள் இந்த அம்னோ திவிரவாதிகள். இதில் சீனர்கள் மிகவும் விழிப்பு நிலையில் உள்ளனர். ஆனால் நம்மவர்களிடம் இந்த வரலாற்று காப்பு பெட்டகம் உணர்வு சற்று குறைவாகவே உள்ளது. ஆகவே மலேசியா தமிழர்களின் வரலாறு, மலேசியா இந்தியர்களின் வரலாற்றை பதிவு செய்யும் கடப்பாட்டில் நம் அனைவரும் இணைத்து செயல் படுவோம் வாரீர். வாழ்க சின் பெங் புகழ். வளர்க நமது ஒற்றுமை. வாழ்தலும், வீழ்தலும் நமது மலேசியா மண்ணிலே என்று உறுதி கொண்டு போராடுவோம் வாரீர்.
சில காலங்களுக்கு முன்பு படித்ததுண்டு. “வரலாறு வெற்றி பெற்றவன் கூறும் கதை” என்று. வரலாற்றில் தொற்றவனுக்கு இடம் கிடையாது. அன்று வெற்றி பெற்ற umno மற்றும் வெள்ளையர்கள் கூறும் கதையை நாம் நம்பி ஆக வேண்டிய கட்டாயம்.
இதில் நல்லவர் யார் மற்றும் கேட்டவர் யார் என விவாதம் செய்தல், அதற்க்கு முடிவு கிடையாது.
அகவே நான் முதலில் கூறியது போல, அவரை மனிதராகவது மதித்து அவருடைய கடைசி ஆசையை நிறைவேற்ற வழி விடுவோம்.
மலேசியர்கள் அன்பு நிறைந்தவர்கள் என பெருமையுடன் மார் தட்டி கொள்கின்றோம். அதனை இன்று நிரூபிக்க இது ஒரு நல்ல வாய்பு.
தேனீ அவர்களே நீங்கள் குறிப்பிட்ட அந்த 2 ராணுவ வீரர்கள் Malaysia அரசாங்கத்திற்கு வேலை செய்தாலும் மறைவில் அவர்கள் பிரிட்டிஷ் கைகூலிகளே .ஆகவே அவர்கள் நாட்டை விட்டு வெளியேறினாலும் அவர்கள் அமைத்து கொடுத்த மலேசியா ராணுவத்தினர் மூலமாக கம்யுனிஸ்ட் போராட்டவாதிகள் தொடர்ந்து வேட்டையாட பட்டனர் .அதன் விளைவுதான் நீங்கள் சந்தித்த அந்த ராணுவ வீரர்களாக இருக்ககூடும்.கம்யூனிசம் என்றால் சமத்துவ சித்தாந்தம். அது சரோ தேனீ அவர்களே சின் பேங்கின் 2 சக போராட்டவாதிகளான அப்துல்லா சிடி மற்றும் Rashid மைதீன் ஆகியோர்களுக்கு பொது மன்னிப்பு கொடுத்த இந்த அரசாங்கம் ஏன் சின் பேங்கிற்கு கொடுக்க வில்லை? அவ்விருவரும் சின் பெங்குடன் கோய் தியோ பிரட்டி கொண்டிருந்தார்கள் ? என்னப்பா நியாயம் இது.
நீதி நேர்மை நியாயம் இங்கு கிடைக்காது.எல்லாமே ஒரு பக்க சாயும் திராசு.ஒரு தரப்பினர்களுக்கு சாதகமாக இன்னாட்டையே திருப்பி விடப்பட்டு விட்டது.நம் இன துரோகிகளின் துணையுடன்.
theni சிறப்பாக உளறுகிறார் ! ஜப்பானியர்கள் கொரியா வழி சீனாவை தாக்கினர் என்று சொல்கிறார்,அந்த ஆத்திரத்தில் சீனர்கள் கமுனிஸ் கட்சி தொடங்கி பிரிட்டிஸ்காரர்களை தாக்கினர் என்கிறார்,ஒரே உளறல் ! கமுனிஸ் ஒரு அரசியல் கட்சியாக பதிவு கேட்டார் சின் பெங் ,துங்கு கொடுக்க மாட்டேன் என்றார் அதன் விளைவுதான் காட்டில் இருந்து ஆயுத போராட்டம். சுதந்திரத்திற்கு
பிறகும் கிடைக்கவில்லை ,இப்போ i .p f கட்சி 22 வருடம் பாரிசானில் சேர முடியாமல் தவிக்கிறதே அதை போல !
நண்பர்களே, சின் பெங் மலேசிய மக்கள் நலன் கருதி பயங்கரவாத போராட்டம் நடத்தினாரா அல்லது அவர் மற்றும் தம் சகாக்களின் சுயநலத்திற்காகவும் தம் கம்னியூஸ்ட் சித்தாந்த்துக்காகவும் போராட்டம் நடத்தினாரா என்பதை பாலிங் பேச்சுவார்த்தையில் அவர் பேசியதிலிருந்து தெரிந்து கொள்ளலாம். இதோ, நீங்கள் படிக்க விரும்பினால் பாலிங் பேச்சுவார்த்தையின் முழு ‘transcript’ – க்கான வலைப் பகுதியின் சுட்டி. http://www.ari.nus.edu.sg/docs/SEA-China-interactions-Cluster அல்லது ‘Baling Talks – National University of Singapore’ என்று வலைப்பகுதியில் தேடித் பாருங்கள். உண்மை புரியும். கம்னியூஸ்ட் சித்தாந்தத்தில் தவறில்லை ஆனால் அதன் செயல் முறையில் எல்லா கம்னியூஸ்ட் நாடுகளுமே தவறிழைத்தன என்பதில் அவற்றின் தோல்வியே சான்றாகும். நான் சின் பெங்கிர்க்கு பகைவன் அல்ல. பாவம் யார் பெற்ற பிள்ளையோ அவர். வாழ்க அவரின் தியாகம்.
ஆசாமி அவர்கள் ! எந்த பல்கலை கழகத்தில் இருந்து ஆதாரம் கொண்டு வந்து தேனியை இடி இடி என இடிக்க போகிறார் ? சோணகிரி கட்சி ஐ பி எப் உதாரணம் சொன்னது வேடிக்கையாக இருக்கிறது ஆசாமி அவர்களே !
தமிழர் நந்தா அவர்களே பாவம் ஆசாமி தெரியாமல் சொல்லிவிட்டார். ஐபிஎப் கட்சியை கம்யுனிஸ்ட் கட்சியோடு (சமத்துவ சித்தாந்த) ஒப்பிடலாமா? .
வெள்ளியூர் முருகன் ! நோக்கம் ஒன்றுதான் ( சேர முயற்சிப்பது) கொள்கைகள் மாறுபட்டது , ஒன்று ஆயுதபோராட்டம் மற்றொன்று அரிசி, பருப்பு, வாங்கி கொடுக்கும் போராட்டம் .
தெனாலி சொல்வது முற்றிலும் உண்மை. சுதந்திரம் அடைந்து நாம் என்ன கண்டோம்? அம்நோகாரன் கள் தான் எல்லாவற்றையும் அனுபவித்துக்கொண்டிருக்கின்றான்கள்…..நம்மை சாக்கடைக்குள் தள்ளி தலை எடுக்க கூடாது என்று கங்கணம் கட்டி வேலை செய்து கொண்டிருக்கின்றான்கள்
நம் கைக்கூலிகள் அவன்களை …………. கொண்டிருகின்றான்கள்!!!!!!
அமரர் சின் பெங் புகழ் நாட்டில் தொடர்ந்து ஒலித்து கொண்டுதான் இருக்கும்.சீனர்கள் தங்களது வரலாற்று குறிப்புகளில் பதிவு செய்து விடுவார்கள்.இதே போல் நமது சமுதாயத்தை சேர்ந்த தலைவர்களின் வரலாற்று குறிப்பையும் நாம் முறையாக பதிவு செய்ய வேண்டும்.அரசங்க பதிவேட்டில் நம்மவர்களுக்கும் சீனர்களுக்கும் இந்த அம்னோ அரசு இடம் கொடுக்காது.ARKIB NEGARA போன்ற அரசாங்க பதிவேட்டில் நமக்கு இடம் கிடைக்காது.நாமே எல்லா வரலாற்று ஆவணங்களையும் பாதுகாத்து வைக்க வேண்டும்.நமது வரலாறு ,நமது தலை முறையினருக்கு நாம் தான் அறிவுறுத்த வேண்டும்.நமது வரலாற்றை நாமே பதிவு செய்து வைக்க வேண்டும்.
இந்திய தலைவர்களின் வரலாற்று ஆவணத்தை பாதுகாத்து பதிவு செய்ய யார் முன் வருவது? .போராட்டவாதிகள் வீரசேனன் ,எஸ் எ கணபதி ,சுங்கை சிப்புட் பெருமாள், படங் நல்ல தம்பி இவர்களை Malaysia இந்திய சமுதாயம் அநேகர் மறந்து விட்டனர் .
சொந்த இனத்தையும்,மொழியையும் பகடிச் செய்து எழுதிக் கொண்டிருக்கும் வாசகரிடத்தில், மனிதனைத் தொடுவதும் தொட்டுத் தூக்குவதற்கும் எழுதுவோர் மிகவும் குறைவு. மனிதனை இழிவுபடுத்துகிற எழுத்துகள் அம்மைத் தழும்புகளைப் போல அஞ்சத்தக்க கூடாரமாகி வருகின்றது. அன்று தோட்டப்புறத்தில் தமிழினத்தின் போராட்டவாதிகளாக இருந்து தூக்கு மேடைக்கண்ட கணபதியும், சுட்டுக் கொன்ற சுங்கை சிப்புட் காட்டுப்பெருமாள், பாடாங் நல்ல தம்பி இவர்களின் வரலாற்றில் மறந்து போனப் பக்கங்களை இந்தியன் மறக்கலாம். ஆனால் தமிழன் மறக்கலாமா? இவர்களை நினைவில் நிறுத்திய நல்லுள்ளங்களுக்கு மகுடம் சூட்டலாம். அன்றைய வீரத்தமிழனின் சத்தியங்கள் யாவும் சவக்குழிகளாகி விட்டன.