ஜீவா நடித்த ‘சிவா மனசுல சக்தி’ என்ற படத்தில் அறிமுகமானவர் டைரக்டர் ராஜேஷ். அந்த படத்தில் நட்புக்காக நடித்த ஆர்யாவை வைத்து, அடுத்து, ‘பாஸ் என்ற பாஸ்கரன்’ என்ற ஹிட் படத்தையும் கொடுத்தார். அவர், சமீபத்தில் இயக்கிய, ‘ஆல் இன் ஆல் அழகுராஜா’ வெற்றி பெறவில்லை.
அதனால், தனது ஹிட் படங்களில் நடித்த ஜீவா – ஆர்யா இருவரிடமும், தன் அடுத்தடுத்த படங்களில் மீண்டும் நடிக்குமாறு கேட்டுக் கொண்டுள்ளாராம் ராஜேஷ். இதற்கு, இருவருமே எந்த மறுப்புமின்றி, உடனே கால்ஷீட் கொடுத்துள்ளனராம். இவர்களோடு, ராஜேஷ் இதுவரை இயக்கிய நான்கு படங்களிலுமே நடித்த சந்தானமும், எப்போது கேட்டாலும் கால்ஷீட் தருவதாக முன்வந்துள்ளாராம்.’அழகுராஜா’ படத்தின் தோல்வியால் சோர்ந்திருந்த ராஜேஷ், மேற்படி நடிகர்கள் தக்க சமயத்தில் கைகொடுத்திருப்பதால், மீண்டும் பழைய உற்சாகத்துக்கு மாறியுள்ளார்.
