நீண்ட இடைவெளிக்குப் பிறகு ராமாராஜன் கும்பாபிஷேகன் என்ற படத்தில் நாயகனாக நடிக்க இருக்கிறார் என்பது அனைவரும் தெரியும்.

வேல் பிலிம் மேக்கர்ஸ் நிறுவனம் சார்பில் வே.ஜெயன் தயாரிக்கும் இப்படத்தின் படப்பிடிப்பு டிசம்பர் 9 ஆம் தேதி முதல் துவங்குகிறது. இவருக்கு ஜோடியாக அறிமுக நாயகி நூர்யா நடிக்கவுள்ளார். சௌந்தர்யன் இப்படத்திற்கு இசையமைக்கவுள்ளார்.

படப்பிடிப்பு துவங்குவதற்கு முன்பாகவே ராமராஜன் படத்தின் இயக்குனருக்கு ஒருசில கண்டிஷனை போட்டுள்ளாராம். மது, சிகரெட் குடிப்பது போன்ற காட்சிகள் இருக்கக்கூடாது, எந்த ஒரு தவறான பழக்கவழக்கத்தையும் மக்களிடம் கொண்டுபோகக்கூடாது என்பதில் இன்னும் உறுதியாக இருக்கின்றாராம். டாஸ்மாக் காட்சிகள் இல்லாத படமே இல்லை என்று இருக்கும் இன்றைய நிலையில் ராமராஜன் போட்டிருக்கும் கண்டிஷன் ஆச்சர்யப்பட வைத்துள்ளது.

மேலும் நடிப்பதோடு இல்லாமல் இந்த படத்தில் அவரே ஒரு பாடலையும் எழுதியுள்ளாராம். விவசாயி… விவசாயியே… அவன்தான் இங்கு எல்லாருக்கும் தாயே… என்று தொடங்கும் அந்த பாடலில் பல கருத்துக்களை சொல்லி உள்ளாராம்.