சிங்கம் 2வின் வெற்றிக்குப் பிறகு சூர்யா லிங்குசாமியின் படத்தில் நடித்து வருகிறார். இப்படத்தில் சூர்யாவுக்கு ஜோடியாக சமந்தா நடிக்கவுள்ளார்.

சந்தோஷ் சிவன் ஒளிப்பதிவு செய்யும் இப்படத்திற்கு யுவன் ஷங்கர் ராஜா இசையமைக்கிறார். இன்னும் பெயரிடப்படாத இப்படத்தின் படப்பிடிப்பு சமீபத்தில்தான் மும்பையில் தொடங்கியது.

இந்நிலையில் இப்படத்தினைத் தொடர்ந்து சூர்யா, வெங்கட் பிரபுவின் இயக்கத்தில் நடிக்கப் போவதாக செய்திகள் வெளியானது நினைவிருக்கலாம். ஆனால், இப்போது அந்தச் செய்தி உறுதிபடுத்தப்பட்டுள்ளது. வெங்கட் பிரபு – சூர்யா கூட்டணி படத்தை ‘ஸ்டுடியோ கிரீன்’ நிறுவனம் சார்பில் கே.ஈ.ஞானவேல் ராஜா பிரம்மாண்டமான முறையில் தயாரிக்க இருக்கிறார்.

படத்தின் மற்ற நட்சத்திரங்கள், தொழில்நுட்பக் கலைஞர்கள் பற்றிய அறிவிப்பு விரைவில் வெளியிடப்படும் என்று தயாரிப்பு நிறுவனம் அறிவித்துள்ளது. லிங்குசாமி இயக்கத்தில் சூர்யா நடிக்கும் படத்தின் படப்பிடிப்பு முடிந்ததும் இப்படத்தின் படப்பிடிப்பு தொடங்க இருக்கிறது.