சமுத்திரக்கனி இயக்கத்தில் ‘ஜெயம் ரவி’ நடித்திருக்கும் படம் ‘நிமிர்ந்து நில்’.

இப்படத்தில் ஜெயம் ரவிக்கு ஜோடியாக அமலாபால் நடித்துள்ளார். ஜீ.வி.பிரகாஷ் இசையமைத்துள்ளார்.

இந்த படம் பல பிரச்சனைகளுக்கு இடையில் வெளியாகி பட்டயை கிளப்பிக் கொண்டிருக்கிறது. படத்திற்கு பல தரப்பில் இருந்து விமர்சனங்கள் வந்து கொண்டுதான் இருக்கின்றன.

டைரக்டர் ஷங்கர் இயக்கிய இந்தியன், அந்நியன், சிவாஜி பட வரிசையில் இப்படத்தையும் லஞ்சத்தை மையமாகக்கொண்டு இயக்கியிருக்கிறார் சமுத்திரகனி என்றும் விமர்சனங்கள் வருகின்றன.

இதையெல்லாம் பொருட்படுத்தாமல் சமுத்திரக்கனி ஏப்ரல் 14ம் திகதி நிமிர்ந்து நில் படத்தை தெலுங்கில் வெளியிடுகிறாராம்.

அதையடுத்து, இப்படத்தை இந்தியில் ரீமேக் செய்வதற்கான முயற்சிகளிலும் ஈடுபடப்போகிறாராம். இந்தியில் எந்த நடிகர் கால்ஷீட் தர முன்வந்தாலும் அவர்களை வைத்து இயக்குவாராம் சமுத்திரகனி.