ஹாரிபாட்டர் படத்தில் நடித்த இங்கிலாந்தின் பிரபல நடிகர் டேவிட் லெஜெனோ மர்மான முறையில் உயிரிழந்துள்ளார்.

வயது வரம்பின்றி அனைவரின் உள்ளம் கவர்ந்து உலகையே திரும்பி பார்க்க வைத்த ஒரு ஹாலிவுட் படம் ஹாரிப்பாட்டர்.

இந்த படத்தின் மூன்று பாகங்களில் ஓநாய் மனிதனான வேடத்தில் வலம் வந்து அனைவரையும் தன் வசம் இழுத்த நடிகர், இங்கிலாந்தை சேர்ந்த டேவிட் லெஜெனோ(50).

சமீபத்தில் இவர் அமெரிக்காவின் கலிபோனியா மாகாணத்தில் பிரசித்த பெற்ற ‘டெத்வேலி’ எனப்படும் மரண பள்ளத்தாக்கு பகுதியில் உள்ள பாலைவனத்தில் பிணமாக கிடந்துள்ளார்.

இத்தகவலை அறிந்த மீட்பு குழுவினர் உடனடியாக சம்பவ இடத்திற்கு விரைந்து வந்து, ஹெலிகொப்டரின் மூலம் இவரது சடலத்தை ஏற்றி சென்றுள்ளார்.

இந்நிலையில் இவர் ஏன் அங்கு சென்றார்? இந்த மரணத்திற்கான காரணம் என்ன? என்பது முதற்கட்ட விசாரணையில் பொலிசாருக்கு சரியாக தெரியவில்லை.

ஆனால் இச்சம்பவம் தொடர்பாக பொலிசார் தொடந்து நடத்திய விசாரணையில், அவர் பாலைவன பகுதியில் நீண்ட தூரம் நடை பயணம் சென்றுள்ளதாகவும், வெப்பம் தாங்காமல் அவர் உயிரிழந்திருக்கலாம் எனவும் கூறப்படுகிறது.

மேலும் ஹாலிவுட் திரையுலகில் தன்னை ஒரு பிரபல நடிகராய் முத்திரை பதித்து கொள்வதற்கு முன்பு, இவர் குத்துச்சண்டை வீரராக இருந்துள்ளார் என்பது குறிப்பிடத்தக்கது.