விக்ரமின் ‘ஐ’, விஷாலின் ‘ஆம்பள’ ஆகிய ஜாம்பவான்களின் படங்களுக்கு மத்தியில் பொங்கலுக்கு வெளியான ‘டார்லிங்’ படம் திரைக்கு வந்து ரசிகர்களின் பேராதரவை பெற்றுள்ளது. இதனால், இப்படத்தின் மூலம் கதாநாயகனாக அறிமுகமாகியுள்ள இசையமைப்பாளர் ஜி.வி.பிரகாஷ் மிகுந்த மகிழ்ச்சியில் உள்ளார்.

டார்லிங் படத்திற்கு கிடைத்திருக்கும் ஆதரவு அவரை ரொம்பவும் நெகிழ்ச்சியடைய வைத்திருக்கிறது. இதுகுறித்து அவர் கூறும்போது, எனக்கு தங்கள் ஆதரவை, அன்பை அளித்து வரும் ஊடக மற்றும் ரசிகர்கள், நண்பர்களுக்கு நன்றி கூற வார்த்தைகள் போதாது.

நான் நடித்துள்ள ‘டார்லிங்’ படத்திற்கு கிடைத்திருக்கும் ஆதரவு என்னை நெகிழ செய்கிறது. பெரும் ஆனந்தத்திற்கு அப்பாற்பட்டு, நல்ல படங்களின் மூலம் ரசிகர்களை மகிழ்விக்க வேண்டும் என்ற பொறுப்பையும் தந்துள்ளது. அரும்பாடுபட்டு எனது ரசிகர்களின் நம்பிக்கையை காப்பாற்றுவேன். அனைவருக்கும் இதயம் கனிந்த எனது புத்தாண்டு மற்றும் பொங்கல் நல்வாழ்த்துக்கள் என தனக்கே உரித்தான அமைதியான முகத்துடன் கூறினார்.

-http://cinema.maalaimalar.com