ராகவா லாரன்ஸ் இயக்கி, நடித்திருந்த ‘காஞ்சனா 2’ படம் கடந்த வாரம் வெளியாகி பெரும் வரவேற்பை பெற்றது. தனது முந்தைய பாகங்களைப்போலவே இப்படத்தை திகில் நிறைந்த காமெடியுடன் இயக்கியிருந்தார் ராகவா லாரன்ஸ்.

இப்படம் தமிழில் மிகப்பெரிய வசூலை ஈட்டித் தந்தது. இந்நிலையில், இப்படத்தை ‘கங்கா’ என்ற பெயரில் தெலுங்கிலும் வெளியிட்டார் ராகவா லாரன்ஸ்.

இப்படம் நேற்று அங்கு வெளியானது. தமிழில் வெற்றி பெற்றதைவிட தெலுங்கில் இரண்டு மடங்கு மக்களின் அமோக ஆதரவை பெற்றுள்ளதாம். இது, ராகவா லாரன்ஸ் உள்ளிட்ட படக்குழுவினருக்கு மிகவும் மகிழ்ச்சியை கொடுத்துள்ளது.

-http://cinema.maalaimalar.com