பள்ளி, கல்லூரி என அனைத்து இடங்களிலும் 80 களில் மாணவர்களுக்கு டப்பிங் வாய்ஸாக இருந்தவர் கவுண்டமணி, இவரை தொடர்ந்து இந்த இடத்தை நிரப்ப வேறு யாருமே இல்லை, ஆனால், கவுண்டமணியை போலவே பல கவுண்டர் டயலாக்குகளை சின்னத்திரையில் பேசி கலக்கி கொண்டிருந்தவர் தான் சந்தானம்.

சென்னையில் சாதரண குடும்பத்தில் பிறந்த இவர் சிறு வயதிலிருந்தே தன் குடும்பத்தினர், நண்பர்கள் என கலாட்டா செய்து வளர்ந்தார். சிறு வயதில் பள்ளிக்கு நோட்டு புத்தகம் எடுத்து செல்லாமல், ஆசிரியர் கேட்டதற்கு அவரை அழைத்து சென்று பாரதியார் சிலையை காட்டி இவர் தான் சார் திருடி விட்டார் என்று கூறி அங்கிருந்து ஓடி கலாட்டா செய்தவர் தான் சந்தானம்.

சின்னத்திரையில் கலக்கி கொண்டிருந்த சந்தானத்தை, உன் இடம் இது இல்லை, நீ பெரிய ஆளாக வரவேண்டும் என வெள்ளித்திரைக்கு இவரை அழைத்து வந்தார் சிம்பு. அவரின் சொல் இன்று பலித்து விட்டது. தற்போது தமிழகத்தின் அனைத்து கல்லூரி, பள்ளிகளிலும் மாணவ, மாணவிகளுக்கு சந்தானம் தான் டப்பிங் வாய்ஸ். சந்தானம் எளிதில் எல்லோரையும் கவர ஒரு காரணம் அவரின் நகைச்சுவை நம் வாழ்விம் நடைமுறையில் நடந்தது போலவே இருப்பது தான்.

தற்போதை நம் வாழ்வில் யார் யாரை கலாய்த்தாலும் சந்தானம் வசனமே முதலில் இடம்பெறும் ஏனென்றால் அது தான் Fact, Fact, Fact. ரஜினி, அஜித், விஜய், சூர்யா, விக்ரம், ஆர்யா, ஜீவா, விஷால், ஜெயம் ரவி, தனுஷ், சிம்பு என இவர் நடிக்காத தமிழ் சினிமா நடிகர்களை கூகுளில் தான் தேட வேண்டும். தமிழ் சினிமாவில் ஒரு காமெடியன் ஹீரோ ஆவதை இதுவரை யாரும் ஏற்று கொண்டதில்லை.

சந்திரபாபு, கவுண்டமணி, விவேக் என அனைவரும் ஹீரோ என்ற கோட்டிற்குள் வந்து தோல்வியடைந்து வெளியேறி விட்டார்கள். இதை உடைத்தெறிந்த அரிய நகைச்சுவை கலைஞர்களில் சந்தானமும் ஒருவர். இவர் நடிப்பில் வெளிவந்த வல்லவனுக்கு புல்லும் ஆயுதம் திரைப்படம் ஒரு மாஸ் ஹீரோவிற்கான வரவேற்பு பெற்றது.

இதை தொடர்ந்து எந்த ஈகோவும் பார்க்காமல் மீண்டும் காமெடியனாக பல படங்களின் தலையை காட்டினார். ஆனால், இவரை ஹீரோவாக பார்க்க விரும்பிய ரசிகர்களுக்காகவே விரைவில் வரவிருக்கின்றது காமெடி திருவிழாவான ’இனிமே இப்படி தான் படம்’. இப்படத்தின் சந்தானம் ஒரு ஸ்டைலிஷ் ஹீரோவாகவே மாறி விட்டார்.

இப்படத்தின் பாடல்கள் நாளை வெளிவர சிறப்பு விருந்தினராக சிம்பு, ஆர்யா, கௌதம் மேனன், ’வீரம்’ சிவா ஆகியோர் கலந்து கொள்ளவிருக்கின்றனர். ஒரு நடிகனுக்கு இத்தனை பேர் வருவதில் பெரிய ஆச்சரியம் இல்லை, ஆனால், ஒரு நகைச்சுவை நடிகருக்கு இவர்கள் வருவதற்கு ஒரே காரணம் சந்தானம் எல்லோருக்கும் நல்ல ‘நண்பேண்டா’..இப்படத்தின் பாடல் ரசிகர்களிடையே நல்ல வரவேற்பு பெற சினி உலகம் சார்பாக வாழ்த்துக்கள்.

-http://www.cineulagam.com