இலங்கையில் நடைபெறவிருக்கும் கச்சேரியில் கலந்துகொள்வதற்காக இசைஞானி இளையராஜா அவர்கள் இலங்கை செல்லவிருப்பதாக தகவல்கள் தெரிவிக்கின்றன.
இலங்கை தலைநகர் கொழும்புவில் வரும் யூன் மாதம் இசைஞானி இளையராஜாவின் மேடைக்கச்சேரி ஒன்று நடைபெறவிருக்கிறது.
ராஜபக்சேவின் நெருங்கிய உறவினர்கள் இந்த நிகழ்ச்சியை ஏற்பாடு செய்திருப்பதாக கூறப்படுகிறது.
சமீபத்தில் லைகா நிறுவனம் கட்டியுள்ள வீடுகளை ஈழத்தமிழர்களிடம் அளிப்பதற்காக நடிகர் ரஜினிகாந்த் இலங்கை செல்ல திட்டமிட்டிருந்தார்.
ஆனால், சில அரசியல் காரணங்கள் கருதில் அவரின் பயணம் ரத்து செய்யப்பட்டது. இதற்கிடையில், ரஜினியின் பயணத்துக்கு முட்டுக்கட்டை போட்டது போன்று, இளையராஜாவின் பயணத்தையும் தமிழக அரசியல்வாதிகள் தடுப்பார்களா? என்ற கேள்வி எழுந்துள்ளது.
-lankasri.com
