பிரபல தனியார் தொலைக்காட்சி நடத்தும் பிக்பாஸ் நிகழ்ச்சியை தடை செய்து நிகழ்ச்சியை தொகுத்து வழங்கும் நடிகர் கமல்ஹாசனை கைது செய்ய வேண்டும் என இந்து மக்கள் கட்சியினர் புகார் அளித்துள்ளனர்.

அந்த புகாரில் சமூக சீரழிவுக்கும், கலாச்சார சீரழிவுக்கும் வித்திடும் வகையில் பிக்பாஸ் நிகழ்ச்சி இருக்கிறது. அதுமட்டுமின்றி தமிழ்த் தாய் வாழ்த்தை கேலி செய்யும் விதத்தில் பிக்பாஸ் நிகழ்ச்சி இருந்தது.

இதனால் கலாச்சார சீரழிவை ஏற்படாமல் இருக்க, இந்த நிகழ்ச்சியை தடைவிதிக்க வேண்டும் என தெரிவிக்கப்பட்டிருந்தது.

இந்நிலையில் இது தொடர்பாக நடிகர் கமல்ஹாசன் பத்திரிக்கையாளர் சந்திப்பின் போது பல்வேறு கருத்துக்களை கூறினார்.

அவர் கூறுகையில், பிக்பாஸ் நிகழ்ச்சியில் தமிழ்த்தாய் வாழ்த்து இழிவுபடுத்தவில்லை. கற்றுக்கொடுக்கப்பட்டது.

தமிழ்த்தாய் வாழ்த்தை கற்றுக்கொடுப்பது தவறு என்றால் நீங்கள் பேசுவதும் தவறுதான். பல நடிகர்களுக்கு தமிழ் தெரியாது என்பதால் தமிழ்தாய் வாழ்த்து கற்றுக் கொடுத்தார்கள் என்று விளக்கினார்.

மேலும் அவர் கிரிக்கெட் எந்த அளவிற்கு தேவையோ? அந்த அளவிற்கு பிக்பாஸ் நிகழ்ச்சியும் தேவையான ஒன்று தான். எனது பல படங்களின் வெளியீட்டின்போது கூட பலரும் எதிர்ப்பு தெரிவித்த போது அரசும், மக்களும் வேடிக்கை பார்த்தார்கள்.

முத்த காட்சியில் இல்லாத ஆபாசமா? பிக் பாஸ் நிகழ்ச்சியில் உள்ளது. நீங்கள் தெருவில் சென்று பாருங்கள் மக்கள் எப்படி உடை போடுகிறார்கள் என்று, அதை விட இந்த நிகழ்ச்சியில் ஆபாசம் இல்லை என கூறினார்.

-lankasri.com