ஞாயிறு நக்கீரன், ஜனவரி 15, 2018.
ஆன்மிகம் என்பதே இறைநெறியைப் பின்பற்றி நன்னெறியில் வாழத்தான். உண்மை நிலை இவ்வாறிருக்க, அடுத்தவரின் நிலத்தில் அல்லது புறம்போக்கு நிலத்தில் இந்து ஆலயத்தை எழுப்புவது என்ன இறைநெறி, என்ன நன்னெறி என்று புரியவில்லை!
மொத்தத்தில் நிலத்தை வாங்காமல் ஊராரின் நிலத்தில் வழிபாட்டுத் தலத்தை எழுப்புவதும் பின் கனரக இயந்திரங்களைக் கொண்டு இடித்துத் தள்ளுவதும் உடனே சமய-சமூக முறுகல் நிலை தோன்றுவதும் என்றைக்குதான் இந்த மண்ணில் முற்றுபெறும் என்று தெரியவில்லை.
அரசியல் சாசனப்படி இந்த நாட்டில் சமய சுதந்திரத்திற்கு முழு உரிமையும் சுதந்திரமும் உள்ளன. அதன் அடிப்படையில் மலேசிய மக்கள் இந்து சமயம் உட்பட பல சமயங்களையும் பின்பற்றி வாழ்கின்றனர். அந்தந்த சமயத்திற்கும் வழிபாட்டுத் தலங்கள் இருக்கின்றன. ஆனால், இந்து சமய ஆலயங்கள் மட்டும் இப்படி காலமெல்லாம் உடைபட வேண்டிய அவசியம் ஏன் எழுகிறது?.
ஓர் ஆலயத்தை அகற்றுவதாக இருந்தாலும் வேறு இடத்திற்கு மாற்றுவதாக இருந்தாலும் அதை ஆகம முறைப்படித்தான் செய்ய வேண்டும். அதுவும், இந்து சமய ஆலயம் என்றால் இன்னும் கூடுதலான சமயக் கோட்பாடுகள் உள்ளன. அப்படி இருக்கும்பொழுது, ஜோகூர் மாநிலத்தில் மாசாய் பட்டணத்தில் உள்ள ஒரு தோட்டப்புறத்தில் இப்படி அதிரடியாக இயந்திரங்களைக் கொண்டு ஆலயத்தை இடித்துத் தள்ளுவதையும் காலணி அணிந்த கால்களுடன் வழிபாட்டு இறை உருவங்களை சிதைப்பதையும் காணும் இந்து பக்தர்களின் மனம் மிகவும் வருத்தத்திற்கு உள்ளாகிறது.
இப்படிப்பட்ட நிலை தோன்றுவதற்கு சம்பந்தப்பட்ட ஆலயத்தை எழுப்பியவர்களும் அதன் தற்கால நிருவாகப் பொறுப்பாளர்களுமே முழு காரணம். சம்பந்தப்பட்ட ஆலயம் எழுப்பப்பட்ட இடத்திற்கு சொந்தக்காரரோ, மூன்றாந்தரப்பினரோ முன்வைத்த சமரத்தை ஏற்றுக் கொள்ளாமல் இங்கேயேத்தான் ஆலயம் இருக்க வேண்டும்; வேற்றிடத்திற்கு மாற்ற மாட்டோம் என்று அடம்பிடித்த பொறுப்பாளர்கள், எப்பாடு பட்டாவது.., எந்த எல்லைக்கும் சென்றாவது அந்த ஆலயத்தைத் தற்காத்திருக்க வேண்டும். தங்களால் அது முடியாத நிலையில், அடக்கமாக அந்த ஆலயத்தை வேறு இடத்திற்கு ஆகம முறைப்படி மாற்றி இருக்க வேண்டும்.
இப்படி எதையும் செய்யாமல், வல்லடித்தனமாக அடம்பிடித்து செயலற்றுக் கிடந்ததால், இப்பொழுது ஆலயம் உடைபடவும் பக்தர்கள் மனம் வேதனைப்படவும் தேர்தல் நேரத்தில் தலைவர்கள் அறிக்கை மேல் அறிக்கைவிடவும் என கொந்தளிப்பான நிலை ஏற்பட்டுவிட்டது. ஆனால், சம்பந்தப்பட்ட நிருவாகத்தினர் ஒதுங்கிக் கொண்டு கமுக்கமாக வேடிக்கைப் பார்க்கின்றனர்.
இதற்கெல்லாம் அடிப்படைக் காரணம் ஒன்றேவொன்றுதான்; ஆலயப் பொறுப்பாளர்களின் சுயநலப் போக்குதான் அக்காரணம். அவர்களுக்கு சமயப் பற்று இருந்தாலோ அல்லது ஆன்மிக நெறியில் ஈடுபாடு இருந்தாலோ சமரச முடிவை ஏற்றுக் கொண்டு வேற்றிடத்திற்கு ஆலயத்தை மாற்றி இருப்பார்கள்.
அணுவாகவும் அண்டமாகவும் அண்டத்தின் பிண்டமாகவும் ஒப்புயர்வற்று எங்கெங்கும் நீக்கமற நிறைந்திருக்கும் பரம்பொருளை வழிபடவும் வணங்கவும் எந்த இடத்திலும் வழிபாட்டுத் தலத்தை எழுப்பலாம். உண்மை என்னவெனில், ஆலய பராமரிப்பாளர்களுக்கு குறிப்பிட்ட அந்த இடத்தில்தான் பலவகையாலும் அனுகூலம் அதிகாக இருந்திருக்கிறது. அதனால்தான் அவர்கள் சமயத்தைப் பற்றியோ ஆன்மிக சேவையைப் பற்றியோ நிலத்திற்கு பாத்தியப்பட்டவர்களின் எண்ணத்தைப் பற்றியோ அல்லது எதைப் பற்றியும் கவலைப் படாமல் அங்கேயே நிலைகொள்ள சண்டித்தனம் புரிந்துள்ளனர்.
இப்படிப்பட்டவர்களை கண்டிக்காமலும் நிந்திக்காமலும் குறைந்தபட்சம் சுட்டிக் காட்டாமலும் ஆலயத்தை உடைத்தவர்களைச் சாடுவதும் திட்டுவதும் என்ன நியாயம் என்று தெரியவில்லை. இத்தகைப் போக்கு தொடர்வதால்தான், ஊராரின் நிலத்திலும் அடுத்தவரின் இடத்திலும் இப்படி வழிபாட்டுத் தலங்களை எழுப்பிக் கொண்டு கொஞ்சமும் மன்ங்கூசாமல் இப்படி குளிர்காய்வோரின் எண்ணிக்கை பெருகிக்கொண்டேப் போகிறது.
வேறு எந்த மதத்தைச் சேர்ந்த வழிபாட்டுத் தலமாவது இப்படிப்பட்டப் பிரச்சினையை எதிர்நோக்குகிறதா என்றால் இல்லை என்பதுதான் உண்மை நிலை. அப்படியே இருந்தாலும் எங்கேயாவது எப்போதாவதுதான் இப்படி நடக்கும். இந்து சமய வழிபாட்டுத் தலதங்களுக்கு மட்டும் இப்படிப்பட்ட அவலமும் நெருக்கடியும் காலமெல்லாம் தொடர்வது ஏன்?
உண்மையான ஆன்மிகப் பணியையோ அல்லது சமயக் கடப்பாட்டையோ இலக்காகக் கொண்டிராமல் பெரும்பாலும் வர்த்தக நோக்கத்தில் இப்படி செயல்படுவோரைக் கட்டுப்படுத்தவும் மட்டுப்படுத்தவும் மலேசிய இந்து சங்கமோ அல்லது மஇகா-வோ முனைப்புக் காட்டாமல், ஆலயம் உடைப்பட்டப் பிறகு மட்டும் வந்து அறிக்கை மேல் அறிக்கை விட்டு என்ன பயன்? நாங்களும் இருக்கிறோம் என்று அவர்கள் தங்களின் இருப்பை வெளிப்படுத்தத்தான் உதவி புரியுமேயன்றி பயனேதும் விளையப்போவதில்லை.
இதன் தொடர்பில் கருத்துத் தெரிவித்துள்ள இந்து சங்கத் தலைவர் ஆர்.எஸ்.மோகன்ஷான், “சம்பந்தப்பட்ட ஆலயப் பொறுப்பாளர்கள் நில உரிமையாளரும் மேம்பாட்டாளரும் முன்வைத்த மாற்றுத்திட்டத்தை ஏற்றுக் கொண்டு, வேறு இடத்திற்கு அவர்கள் ஏன் மாறவில்லை என்று தெரியவில்லை” என்று சொல்லி இருக்கிறார். அதை அவர்களிடம் கேட்டு சமுதாயத்திற்கு சொல்ல வேண்டிய கடப்பாடு அவருக்கு உள்ளது. இல்லாவிட்டால் எதற்கு இந்தப் பொறுப்பு?
அத்துடன் மஇகா தேசியப் பொறுப்பாளர்களில் ஒருவரும் மாநிலத் தலைவரும் இதன் தொடர்பில் நில உரிமையாளரையும் மேம்பாட்டாளரையும் சாடியுள்ளனரேத் தவிர, இந்த நிலைக்குக் காரணமான ஆலயப் பொறுப்பாளர்களை விட்டுவிட்டதுடன் கோழி தன் குஞ்சிகளை அரவணைப்பதைப் போல தற்காக்கின்றனர்.
“ஆலய உரிமையாளர் வெளிநாட்டுக்காரர்; மலேசிய மக்களைப்பற்றி அவருக்குத் தெரியாது. அதனால்தான் இப்படி செயல்பட்டுள்ளனர்” என்று அசோகனும் “ஆலயத்தை இப்படி உடைத்தது இந்து சமயத்தையும் பக்தர்களையும் பொருட்படுத்தாத செயல்” என்று த. மோகனும் சுடச்சுட அறிக்கை வெளியிட்டுள்ளனர். ஆனால், இதற்கெல்லாம் மூல காரணம் என்ன? யார் யார்?? என்பதைப் பற்றி வசதியாக புறந்தள்ளி விட்டனர்.
பாரம்பரியம் மிக்க இந்து சமயத்தை மதிப்பவர்களாகவும் உண்மையான ஆன்மீக நாட்டம் கொண்டவர்களாகவும் சமய சேவையில் ஆர்வம் கொண்டவர்களாகவும் இருந்து, அவர்கள் வழிபாட்டுத் தலம் அமைக்க விரும்பினால் அப்படிப்பட்டவர்கள் முதலில் இடத்தைக் கையகப்படுத்த வேண்டும். அப்படிப்பட்ட நிலை இருந்தால், இப்படிப்பட்ட நெருக்கடியெல்லாம் இந்து சமயத்திற்கும் வழிபாட்டு முறைக்கும் எழவேயெழாது!
மாறுவோம்!! மாற்றம் காண்போம்!!!
‘ஞாயிறு’ நக்கீரன்,
ஆசிரியர் இந்த விஷயத்தை மிகவும் தெளிவான விதத்தில் விரிவாக எடுத்துரைத்துள்ளார். இந்த சிக்கலுக்கு மூல காரணம் சட்ட விரோதமாக நிலத்தின் அக்கிரமிம்பை பிடிவாதமாக மேற்கொண்ட கோவிலின் நிர்வாகிகளே. மிகவும் வருத்தமாக உள்ளது என்னவென்றால், உடைந்த ஒரு பெரும் சிலையை உருவாக்க பொதுமக்கள் நிதி சேகரிக்கப்பட்டது. அந்த நிதியையும் உழைப்பையும் மசாய் பிரதேசத்தைச் சுற்றி பயிலும் தமிழ் பள்ளி மாணவர்களுக்கு பயன்படுத்தியிருக்கலாம்!
இப்படி ஆலயங்கள் உடைக்கப்படுவதில் பின்னணியை முதலில் ஆராய பட வேண்டும் ! நமக்கு தெரிந்த வரை ஒரு சில ஆலயங்கள் இடம் மாற்றம் செய்யப்படுவதற்கு நிர்வாகத்திற்கும் ! வட்டார அரசியல் வாதிகளுக்கும் ! பண பட்டுவாடா நடந்திருக்கும் ! ஆலயம் உடைக்கப்பட்டது நமது சமயத்திற்கு எதிரானது ! சமுதாயம் ! ஆன்மிகம் ! பக்தி என்று அறிக்கைவிடுவதெல்லாம் கண் துடைப்பாக இருக்கலாம் ! கிள்ளான் வட்டாரத்தில் கம்போங் ஜாவா ,கருப்பையா கம்பத்தில் கோவில் உடைக்கப்பட்டதும் மக்கள் கொந்தளித்து ! பொங்கி எழுந்தனரே ! தானை தலைவன் வரவில்லை ! கோமளா வரவில்லை என்றெல்லாம் புறச்சி வெடித்ததே ! இண்ராப் என்ற அமைப்பு உருவானதே ! அந்த கோவிலின் தலைவர் மாண்பு மிகு டத்தோ சிவலிங்கம் ! சிலாங்கூர் மாநில ஆச்சி குழு உறுப்பினர் ! அவனுக்கு தெரியாத அந்த கோவில் புறம்போக்கு நிலத்தில் கட்ட பட்டது என்று ! ஆச்சி குழு உறுப்பினரே கோவிலை காப்பாற்ற முடியாத போது பொது மக்கள் என்ன செய்வது ! மாற்று இடத்திற்கு மானியம் வந்திருக்கும் எத்துணை லச்சமோ ! அது வாய்க்கு போயிருக்கும் ! இப்போது அது மக்கள் பிரச்னை !
மிகவும் மன வருத்த்தத்தை அளித்த நிகழ்வு இது .இனிமேலும் இதுபோன்றவை நிகழாமல் தடுக்கப்பட வேண்டும் .அதற்கான வழிகளை ஆராய வேண்டும் . முத்ர்காரியமாமாக ஒவ்வொரு மாநிலத்திலும் உள்ள சட்டத்திற்கு புறம்பாக கட்டப்பட்டிருக்கும் ஆலயங்களை கண்டறியவேண்டும் . அங்கு வாழும் வட்டார மக்களுக்கு அது பத்திரிக்கைகள் வாயிலாக தெரியப்படுத்த வேண்டும் .இன்றைய உலகில் கணினி வாயிலாக பதிவு செய்து யாவருக்கும் அனுப்புவது எளிது .மக்களின் ஈடுபாடு இத்தகைய பிரச்சினைகளை தீர்க்க உதவியாக இருக்கும் .கடைசி நேரம் வரை காத்திராமல் இப்போதே நடவடிக்கைகளில் இறங்க வேண்டும் .
#இந்து சமய ஆலயங்கள் மட்டும் இப்படி காலமெல்லாம் உடைபட வேண்டிய அவசியம் ஏன் எழுகிறது?#
இந்து மதமென்றால் அது என்னவென்று தமிழருக்குப் புரியவில்லை காரணம் அப்படி ஒரு மதம் இல்லை. இந்தியாவில் தோன்றிய
பல மதங்களின் கூட்டுப் பெயரே ‘இந்து மதம்’. இந்து மதம் என்ற பெயரில் வரைமுறை தெரியாமல் அறியாமையில் தமிழர் வாழ்ந்து கொண்டிருக்கிறோம். அதனால்தான் இந்த அவலங்கலெல்லாம்.
மாற்று நிலம் வழங்கப்பட்டதாக கேள்வி. ஆலய சிலை ஏன் அவ்வளவு உயரம்…..யார் ஒப்புதல் வழங்கியது.
இப்ப இது ஒரு வேஷனா போச்சு ! எது நடந்தாலும் ஒருவருக்கு சாதகமா திருப்பிக்கிறது ! “இந்து மதம் என்ற பெயரில் வரைமுறை தெரியாமல் அறியாமையில் தமிழர் வாழ்ந்து கொண்டிருக்கிறோம். அதனால்தான் இந்த அவலங்கலெல்லாம்” என்று தேனீ எழுதி உள்ளீர்கல்! இது நடந்த விஷத்தை அவருக்கு சாதகமாக திருப்பி விட்டுள்ளார் என்பது அபடமாக தெரிகிறது ! இதைத்தான் HINDRAF P .UTHAYAKUMAAR அவர்கள் சிறுபான்மையினரின் மதம் மொழி காக்க , சட்ட மசோதா வேண்டும் என்றார் ! 1956 நமது நாட்டு சுதந்திர அரசியல் சாசனம் எழுதும் பொழுது , பள்ளிவாசல்களை அதன் அமைத்துள்ள நிலங்களையும் , மத போதகர்கள் சம்பளங்களையும் குறிப்பிட வில்லை ! பிறகு 70 ஆம் ஆண்டு சிறப்பு மத மசோதாவில் சேர்க்க பட்டு , அரசு வருமானத்தில் இருந்து பராமரிக்க பட்டு வருகிறது ! இது புரியாமல் , ஹிந்து எதிர்ப்பு சிந்தனையை உள்ளே நுழைக்க பார்க்கிறார் தேனீ !
ஐயா தேனீ இந்துமதம் என்ற ஒன்று இல்லை இங்கு வாழும் தமிழர்கள் இந்து மதம் என்று சொல்லி மானியங்கள் பெற்று அரசாங்கத்தை ஏமட்ரி கொண்டிருக்கிறாரகள் ! இங்கு உள்ள கோவில்களையெல்லாம் உடையுங்கள் என்று நீரே அறிக்கை விடுவீர் போலிருக்கிறதே ! பிரச்னையை தீர்ப்பதர்க்கு என்ன வழி என்பதை விட்டு புட்டு புதிய தத்துவத்தை உள்ளே புகுத்தி கொண்டு இருக்கிறீர்கள் ! இந்து மதம் எத்துணை தலைவர்களுக்கு சோறு போடுகிறது தெரியுமா உமக்கு ! லச்சக்கணக்கின் பணம் புரளுவதே கோவில்களில் தான் ! பணம் பார்க்க நமது தலைவர்களெல்லாம் தைப்பூசத்தை எதிர்பார்த்து கொண்டிருக்கும் வேலையில் ! இதை போன்ற நகுச்சுவை எல்லாம் கூடாது ! பைத்தியம் என்பார்கள் !
‘இந்து மதம்’ என்றால் அதன் கோட்பாடு என்ன? இதை மட்டும் விளக்கினால் போதும்.
இதுவரை தமிழர்களை பைத்தியமாக வைத்திருப்பது ‘இந்து மதம்’ தான்!
தைபூச திருவிழாவன்று வரும் சந்திர கிரணத்தின் போது கோயில் நடையை அடை என்று இந்து சங்கம் கூறுகின்றது. அதற்கு பரிகாரம் செய்து கோயில் நடையை தொடர்ந்து வைத்திருக்கலாமென்று பத்துமலை தேவஸ்தான தலைவர் கூறுகின்றார்.
இன்னொரு ம.இ.க. அரசியல் தலைவரோ ‘நாளும் கோளும் என் செய்யும்’ என்று கோளறு பதிகத்தைக் காட்டுகின்றார்.
இவ்வளவு பேரும் சேர்ந்து இந்து என்பாரை பைத்தியக்காரராக்குவது எதனால் என்று விளக்கம் கொடுங்கள்.
#ஹிந்து எதிர்ப்பு சிந்தனையை உள்ளே நுழைக்க பார்க்கிறார் தேனீ!#
எம்மையும் கவிஞர் வைரமுத்து பட்டியலில் சேர்த்துச் சாட பார்க்க வேண்டாம்.
இங்கே இந்து எதிர்ப்பைக் கூற வரவில்லை. இந்து மதம் என்பதற்கு விளக்கம் சொல்ல முடியாத நிலையில் உள்ளது இந்திய அரசாங்கம். அதுபோலவே மற்ற இந்து மத தலைவர்களும். இதை விட வெட்கக்கேடு வேறு உள்ளதா?
http://indianexpress.com/article/india/india-others/govt-says-it-does-not-have-info-on-definition-of-hindu/
அதனாலத்தான் சந்திர கிரகணத்தன்று ஒரு சங்கம் கோயில் நடை அடைக்க வேண்டுமென்பதும் மற்றவர் பரிகாரம் உள்ளது என்றும் பிதற்றி சண்டையிட்டுக் கொள்கின்றனர். உலகம் நம்மைப் பார்த்துச் சிரிக்கின்றது.
.
இந்து மாதம் என்பது பல இனத்தவர்கள் இந்தியாவில் சேர்ந்து வைத்தவை பெயர் இந்து. இதில் இந்து ஆலயம் எப்படி வந்தது. இந்த…… இந்து ஆலயத்தில் கிருஸ்தவர்கள், சீக்கியர்களுக்கு, என்ன பொறுப்பு கொடுபிர்கள். அதை கோவில்கள் என்று சொன்னால் சிறப்பாக இருக்குமே. இந்து சங்கம் இதுவரை நமக்காக என்ன செய்தது, என்ன போராட்டம் நடத்தி இருகிறது. அகவே நாம் யோசிப்போம் முதலில். தமிழர்கள் அதை மறந்து விட வேண்டாம்…. இந்த நாட்டில் பல மதங்கள் உண்டு தெலுங்கர், தமிழர், மலையாளி, சீக்கியர் கிருஸ்தவர் எல்லோரும் இந்திய மொழிபடி இந்துக்கள். அதில் தனி தனியே பிரிந்து இருப்பது மதம். யானைக்கு மதம் பிடித்தால் என்னவாகும். அதுதான் நடக்கிறது இப்போது. அவரவர் தன் மதம் தான் பெரிது என நினைத்து கொண்டு இருகிறார்கள். அது தவறு இல்லை. மதம் பிடித்த யானை போல. சூரியனை தினம் தோறும் வராமல் தடுக்க முடியுமா இந்த மதம் பிடிதா யானைகள். அல்லது சந்திரனை தோன்றுவதை தடுக்க முடியுமா. அவ்வளவு ஏன் புயல் காற்று வெள்ளம் வருவது எல்லாம் தடுக்க முடியுமா. இந்த நாட்டில் தீபாவளி எனும் பண்டிகை ஒன்று இருகிறது. எதை வைத்து விடுமுறை வருகிறது. இந்து என்ற சொல்லுக்கு முன்னுரிமை வைத்துதான் பொதுவான பண்டிகை என அடையலாம் கண்டு தீபாவளிக்கு விடுமுறை கொடுகிறார்கள். நாம் தமிழர்கள் காரணத்தோடு, காரியதோடும் சிந்திக்க வேண்டும். மொழிகள் வெவ்வேறு அதை ஒன்று படுதினால் இந்தியாவில் இந்து என்று சொல்கிறார்கள். வேண்டாம் நமக்கு விபரிதம்…தமிழன் என்று சொல்லடா தலை நிமிர்ந்து நில்லடா என எண்ணத்தில் இருப்போம். நன்றி
ஆ உ நா , உடனே அதற்கு விளக்கம் சொல் , இதற்க்கு விளக்கம் சொல் என்கிறார் தேனீ ! இதே போல் என்னாலும் கேற்க முடியும் , மடக்கவும் முடியும். ஆனால் அடுத்தவன் மார்க்கத்தை விமர்சிப்பது என் வேலை இல்லை. இது வரை எவ்வளவோ விளக்கம் கொடுத்தாகி விட்டது, ஆனால் தூங்குபவன் போல் பாசாங்கு செய்பவனை எழுப்ப முடியாது. அது தேவையும் அற்றது. காரணம் ஒருவன் எந்த ஒரு மதமும் இல்லாமலும் வாழ்ந்து விட முடியும்; அதாவது கர்மா யோகம். கடமையை செய் பலனை எதிர்பார்க்காதே! எனவே மத நெறிகளை வம்படியாக ஒருவன் மீது திணிப்பதெற்க்கே மற்ற மார்க்கங்களை குறை கூறுவார்கள் மத போதகர்கள். இதனால் ஒரு அங்குலம் கூட அறிவியல் வளராது ! இதற்க்கு ஒரு நல்ல உதாரணம் : 70 களில் ஸ்ரீல பிரபோபாதா அவர்கள் மேற்கத்திய நாடுகளுக்கு இந்த இந்து மத தத்துவார்தங்களை கொண்டு சென்ற பொழுது , அதற்கு இந்து மதம் என்று பெயர்வைக்க வில்லை. மாறாக ISKCON (International Society for Krishna Consciousness) என்று பெயர் சூடினார். இதே போல் சுவாமி சிவானதா அவர்கள் , யேக வேதாந்த (YOGA VEDANANDA)நிலையங்களை ஊக்கு விக்கிறார் 50 களில் ! இப்படி எண்ணற்ற தியாக புருஷர்கள் உருவாக்கிய கோற்பாடுகள்தான் இந்து மதத்தின் அடித்தளம் . இதை “இந்து” என்ற ஒரு வார்த்தைக்குள் அடக்க வேண்டும் என்று வாதிடுவது , அன்பார் அவர் தன் மார்க்க நிலை மற்றவர் மீது திணிக்க முயல்வது . திருமுருக கிருபானந்த வாரியார் ஸ்வாமிகள் நன்றாக சொல்வார் : “வேதம் என்பது கடவுளை விளக்க வந்தது. அங்கே மனிதனுக்கு வேலையில்லை. ஆனால் கடவுளின் செயல் பாட்டினை விளக்க மனித படைப்பினை அவ்வப்போது குறிப்பிடுகிறார்கள்!” என்கிறார் . இது எதனை குறிக்கிறது என்றால் , ஆகமங்கள் குறிப்பிடும் மனித – கடவுள் செயல் பாடினை மீறியும் கடவுளுக்கு வேலைகள் உள்ளன ! எனவே ஒரு குறிப்பிட்ட வார்த்தைக்குள் எல்லாவற்றயும் அடக்கி விட வேண்டும் என்று வாதிடுவது , சின்ன பிள்ளை தனம்! முதுகில் நாலு போடு போட்டு உக்கார வைப்பதை தவிர வேறு வழியில்லை ! இங்கே வேறு விதமாகவும் நடக்கலாம் ! சரி, அவர்கள் போக்கிற்கே நானும் வருகிறேன் . எங்கே “கடவுள்” என்ற ஒரு வார்த்தையில் , அவரின் அணைத்து செயல்பாட்டினையையும் விரியுங்கள் பார்க்கலாம் ?
#இப்படி எண்ணற்ற தியாக புருஷர்கள் உருவாக்கிய கோற்பாடுகள்தான் இந்து மதத்தின் அடித்தளம்.#
‘ISKCON’ என்னும் இயக்கம் இந்து மதத்தைப் பிரதிபலிக்கின்றதா?
இவ்வியக்கத்தினர் வேதத்தை ஏற்பதில்லை மாறாக பகவத் கீதையையே அவர்தம் முதல் நூலாக ஏற்று கிருஷ்ணரை பரம்பொருளாக வழிபடுவார். இவர் சிவனை பரம்பொருளாக ஏற்க மட்டார். சிவனை சிறுதெய்வமாக கூறுவார். இது ‘இந்து மதம்’!
தமிழரை பலவாறு குழப்பி ஏமாற்ற எங்கிருந்து வந்து விடுகின்றீர்கள்?
ஒரு மதத்திற்கு ஒரு கோட்பாடு. இறை, உயிர், பாசம் என்னும் முப்பொருளுக்கும் விளக்கம் கூற வல்ல கோட்பாடுகளைக் கொண்டவை இந்திய மதங்கள். இவற்றில் வேத நெறியாளர் கூறும் வேதாந்தம் பிரம்மம் ஒன்றே உள் பொருள் என்றும் மற்றையவையெல்லம் மாயை என்றும் கூறும். அதாவது உயிரும் உலகமும் ஒரு தோற்றப் பொழிவு மட்டுமே அவை மாயை (இல் பொருள்) என்பது வேதாந்த கோட்பாடு. அதன் அடிப்படையில் அவர் வர்ணாசிரம பேதத்துடன் வைதிக தர்மங்களை வளர்த்துக் கொண்டது. இதைத்தான் அவர் ‘இந்து தர்மம்’ என்று கூறி நம்மை குழப்புவார்.
இதை சிவாகாமம் ஏற்றுக் கொள்ளாது, இறை, உயிர், ஆணவம், கன்மம், மாயை ஆகிய ஐந்து பொருள்களும் உள் பொருள் அவை அநாதி (என்றும் உள்ளவை) என்று கூறும். அது போலவே வைணவர் சாத்திர நூல் சிவாகமத்தை ஏற்க மாட்டது தெற்கே பாஞ்சராத்திரமும் வடக்கே வைகாசனமும் அவர்தம் சாத்திர நூல்களாகக் கொண்டுள்ளனர். இப்பிரிவுகளிளும் ஒன்றை மற்றொன்று ஏற்றுக் கொள்ளாது. இப்படி பல்வேறு முரண்பட்ட சமய நெறிகளையா ‘ஒரு மதம்’ என்று கூறுவீர்? இதை விட மடத்தனம் வேறு ஒன்றும் இருக்காது. இப்படி ‘இந்து மதம்’ என்ற பெயரில் தமிழரைப் போட்டு குழப்பி வைதிக மதமே மற்ற மதங்களுக்கு முதன்மை கூற ‘இந்து மதம்’ என்ற பெயர் வைதிகர்களுக்குத் தேவைப்பட்டது. அதன் அடிப்படையில் ஆங்கிலேயர் ஆட்சியில் ‘இந்து மதம்’ என்ற புது பெயரை ஏற்படுத்தி அதற்குள் வைதிக மதத்தின் கோட்பாடுகளை அடக்கி தமிழர் மீது ஏத்தியது 300 ஆண்டுகள் கால அளவில். இதையும் இக்கால தமிழர் அறியாது வாழ்வதுதான் விந்தையுலும் விந்தை. அதற்கு, தன்னைத் தமிழன் என்று கூறிக் கொண்டு, இன்னொவர் வக்காலத்து வாங்குவது மேலும் விந்தை. இத்தகைய குழுப்பவாதிகளால்தான் தமிழருக்கு அவர்தம் மத கோட்பாடு என்னவென்றெ தெரியாமல் வாழ்ந்து வருகின்றனர். வைதிக மத கோட்பாட்டை சிவாகமம் முழுமையாக ஏற்றுக் கொள்ளவில்லை. வருனாசிரம பேதத்தை சிவன் வகுத்தான் என்பதாக சிவாகமத்தின் ஞான பாதத்தில் (theology) கூறப்படவில்லை. அப்புறம் அந்த வர்ணாசிரம பேதத்தையும் அதன் ‘அதர்மத்தையும்’ தமிழர் மீது இந்து மதம் என்ற பெயரில் புகுத்துவது என்ன நியாயம்? இது அநியாயம். இன்னும் எழுத வேண்டுமானாலும் எம்மால் முடியும்.
எங்கே “கடவுள்” என்ற ஒரு வார்த்தையில் , அவரின் அணைத்து செயல்பாட்டினையையும் விரியுங்கள் பார்க்கலாம்?
“இறைவனை உன் உள்ளத்தில் காண்”
“உள்ளம் பெருங்கோயில் ஊனுடம் பாலயம்
வள்ளற் பிரானார்க்கு வாய்கோ புரவாசல்
தெள்ளத் தெளிந்தார்க்குச் சீவன் சிவலிங்கம்
கள்ளப் புலனைந்தும் காளா மணிவிளக்கே” (திருமந்திரம்)
இது போதுமா?
கடவுளை அவர் அவர்களுக்கு பிடித்த மாதிரி அனுபவித்து கொள்ளட்டுமே ! ஞானமாக , யோகமாக , பிரபஞ்சமாக , ஆன்மாவாக , எண்ணமாக , வாழ்க்கையாக , எப்படி வேண்டுமானாலும் எடுத்து கொள்ளட்டுமே ! கடவுள் நம்பிக்கை என்பது , அவன் அவன் விருப்பத்திற்கு உட்பட்ட்து ! அதில் அவன் பயணிக்கின்ற தூரமே அவனை செம்மை படுத்தும் ! அதைவிடுத்து , நான் கூறுவதுதான் கடவுள் , மற்றது இல்லை என்றால் , அட போங்கடா நீங்களும் உங்க கடவுளும் என்று வேறு பாதை அல்லவா செல்ல தோன்றும் ! எனக்கு எப்படி கடவுள் விளங்குகிறது என்று நான் தான் முடிவு செய்ய வேண்டும் ! அடுத்தவனின் வரைமுறை அல்லது வழி எனக்கு எதற்கு ? விளங்காத ஒன்றை அடுத்தவருக்காக பின்பற்றவேண்டும் என்று கடடாய படுத்துவது என் சுதந்திரத்தை பறிப்பதல்லவா ? மதம் தலைக்கேறுகிறதோ ? அது தேவையற்றது ! ஆண்மாவை சுத்தம் செய்ய மாதங்கள் தேவையில்லை ! எனவே யாரையாவது குறை சொல்லவேண்டும் என்று எழுதி தள்ளுவது , வேளை இல்லாதவனின் வேளை ! சிவ வழிபாட்டிலும் முக்தி அடையலாம் , சிறு தெய்வ வழிபாட்டிலும் முக்தி அடையலாம் ! எனவே தெரியாத விஷயத்தை பட்ட்ரி , தெரியாமலே முடிவுக்கு வர கூடாது !
#அட போங்கடா நீங்களும் உங்க கடவுளும் என்று வேறு பாதை அல்லவா செல்ல தோன்றும் ! #
“கடவுள்” என்பதை விளக்கிச் சொல்லும்படி கேட்டு திருமூலர் சொன்னதைப் புரிந்து கொள்ள இயலாது, “போங்கடா நீங்களும் உங்க கடவுளும்” என்று கூறினால் அறியாமை யாரிடம்?
சித்தத்தைக் கடந்து உள் செல் என்பது கடவுள் என்னும் சொல்லின் ஒரு பொருள். சித்தத்தைக் கடந்து செல்லுதல் என்பது யான் எனது என்னும் தற்போதம் நீங்குதலாகும். அவ்வாறு கடந்து சென்றால் நற்போதம் கிட்டும். இதுவே,
#தெள்ளத் தெளிந்தார்க்குச் சீவன் சிவலிங்கம்#
என்று கூறினார் திருமூலர். இதன் பொருள் ஞானம் முதிரப் பெற்றவர்க்கு உயிரே இலிங்கமாய் கொண்டு வழிபடுவர் என்பதாகும். அதைத்தான் “இறைவனை உன் உள்ளத்தில் காண்” என்று கூறியது. கடவுள் உன்னுள்ளும் இருக்கின்றான் என்று சொன்னது தமிழன்.
கடவுள் என்னும் சொல்லின் மற்றொரு பொருள் அவன் நம் வாக்கும் மனதிற்கும் கடந்து நிற்பவன் என்பதாகும். அவனை வாக்கால் அறிய முடியாது. அதேபோல் நம் மனத்தாலும் அறிய முடியாது. இவ்விரு நிலைகளைக் கடந்தோரே கடவுளை உணர்வார்.
இப்படியல்லவா “கடவுள்” என்ற சொல்லுக்கு இலக்கணம் கூறுகின்றது தமிழர் கண்ட சமய நெறி. இதை அறிந்து சொல்லத் தெரியாமல்,
#நான் கூறுவதுதான் கடவுள் , மற்றது இல்லை என்றால் , அட போங்கடா நீங்களும் உங்க கடவுளும் என்று வேறு பாதை அல்லவா செல்ல தோன்றும் ! #
என்று இப்படி அறியாமையில் பேசினால் தமிழருக்கு நல்வழி காட்ட முடியுமா?
அப்படி நல்வழி காணத்தெரியாதோர்தான் மாசாயில் வகை தெரியாமல் கோயில் என்று கூறிக் கொண்டு அர்த்தமற்ற முறையில் சிலைகளை நிறுவி அயலார் நிலத்தில் குடிகொண்டிருந்து பின்னர் உடைபட வேண்டியிருந்தது. இத்தகையோர் திருந்துவதற்கு நல்வழி கூட காட்டத் தெரியவில்லையென்றாலும் பரவாயில்லை ஆனால் அவர் தவறான மூட நம்பிக்கைக்குள் வீழ்வதை தடுக்க வேண்டுமல்லவா? அதைத்தான் அவ்வவப்போது செம்பருத்தியின் வழி கூறி வருவது. இதைக்கூட புரிந்து கொள்ள முடியாமல் விதண்டாவாதம் செய்வதால் தமிழருக்கு எவ்விதத்திலும் நன்மை கிட்டப் போவதில்லை.
#சிவ வழிபாட்டிலும் முக்தி அடையலாம் , சிறு தெய்வ வழிபாட்டிலும் முக்தி அடையலாம் ! #
முத்தி என்பது நடுத்தெருவில் விற்கும் மாங்காயா அல்லது தேங்காயா? பரம்பொருள் ஒருவனே அத்தகைய பேரின்பத்தை அளிக்க வல்லவனாவான்.
“யாதொரு தெய்வம் கொண்டீர் அத்தெய்வமாகி ஆங்கே மாதொரு பாகனார்தாம் வருவர் மற்றத் தெய்வங்கள் வேதனைப்படும் பிறக்கும் இறக்கும் மேல் வினையும் செய்யும் ஆதலால் அவை இலாதான் அறிந்து அருள் செய்வன் அன்றே” — சிவஞான சித்தியார்.
ஆதலால் சிவபெருமான் ஒருவரே முழுமுதல் இறைவர் என்பதை அறியமாட்டாது வாழ்வோர் மீண்டும் பிறப்பார் இறப்பார் வேதனையும் படுவார். அயன் மால் ஆகிய தேவர்கள் அவரவருக்கு இட்ட படைத்தல் காத்தல் தொழிலை மட்டும்தான் செய்ய முடியும். இதைச் சொல்வது நானல்ல சிவாகமம். இதை ஏற்றுக் கொள்ள முடியவில்லையானால் அப்புறம் எங்க இருக்கு இந்து மதம்? எதற்கு பொய்யான இந்து மத வாதம்?
.
“சித்தத்தைக் கடந்து உள் செல் என்பது கடவுள் என்னும் சொல்லின் ஒரு பொருள். ” என்று தேனீ எழுதி உளீர்கள் ! அடுத்த பொருளை இன்னொருவர் கூறுவார் . இப்படி நீண்டு கொண்டே போகும் உங்கள் பட்டியல் . ஆனால் இதையே நாங்கள் இந்து மதத்திற்கு கூறினால் , அது முடியாது ! திருமூலர் வடவர் , இதை கவனிக்க வில்லையோ? ராமகிருஷ்ண பரமாம்சர் , ஒரு நிலையில் தன் மனைவியையே மாகாளியாக அலங்கரித்து காலில் விழுந்தார் ! அவர் முக்தி அடைய வில்லையா ? எங்கோ ஒரு முலையில் எழுத பட்டிருக்கும் சித்தர்கள் பாடல்களை கொண்டு , முக்தி அடைந்தவர்களை பலிப்பதா ? இதுதான் உங்கள் சேவையா ? ராமகிருஷ்ண பரமாம்சர் , மனைவியில் மாகாளியை மட்டும் காணவில்லை , சீடனிடமும் (விவேகானந்த) மாகாளியை கண்டவர் . யோகா கலையிலேயே முக்தி அடைந்தவர் ! எனவே நிப்பாட்டும் உந்தன் வாயிலே வடை சுடும் பிரச்சாரத்தை !
“புஜ்யத்துக்குள்லே ஒரு ராஜ்யத்தை ஆண்டு கொண்டு புரியாமலே இருப்பான் ஒருவன்” ” அவனை புரிந்துகொண்டால் அவன் தான் இறைவன் ” ” தென்னை இளநீருக்குள்லே தேங்கி உள்ள ஓட்டுக்குள்லே ” கண்ணதாசனின் இந்த விளக்கத்தை விட யாராலும் இறைவன் யார் என்பதை தெளிவாக கூற முடியாது ! அர்த்தமுள்ள இந்துமதம் என்று அவர் அழகிய தமிழில் தெளிவான விளக்கம் தந்தும் நாம் இன்னும் தடுமாறி கொண்டுதான் இருக்கின்றோம் ! தமிழர்கள் மதம் அற்றவர்களாக இருக்கட்டும் ! இந்து மதம் அவர்கள் தழுவிய மாதமாக இருக்கட்டுமே ! தமிழர்கள் ,கிறிஸ்தவர்களாக ! முஸ்லிம்களாக ! பவுத்த மதத்தினர்களாக ! அதைபோல் இந்துக்களாக ! மதம் மாறியவர்களாக அல்லது இந்து மதத்தை பின்பற்றுபவர்களாக ! பிரச்சணை தமிழர்கள் மதமற்றவர்களா !அல்லது இந்துக்களா என்பது அல்ல ! மதம் நன்முறையில் காக்க படுகிறதா ! கோவில்கள் உடைபடும் அவலங்கள் ஏன் இன்னும் தொடர்ந்து கொண்டு இருக்கின்றன ! இதற்கு முற்றுப்புள்ளி இல்லையா ! இந்து கோவில்களுக்கு மட்டும் ஏன் இந்த அவலநிலை ! ஏன் இந்த கோவில்கள் ஆகம முறைப்படி ! அல்லது முறையாக இடம் மாற்றம் காண்பதில்லை ! அரசியல் தலையீடா ! பண பட்டுவாடா பிரச்சனையா ! கோவில் நிர்வாகத்தினரின் அலட்சியமா ! அல்லது கையாடலா ! இப்படி பல்வேறான கேள்விகள் விடைகாணமுடியாமல் விழி பிதுங்கி கிடக்கின்றன ! இந்துமத விவாதங்களை நிறுத்துங்கள் ! ” சிந்தனை தோன்றி அறிவு வளர்ந்தது இன்றல்ல நேற்றல்ல ” தன்னை திருத்தி கொள்ளாமல் ஏதோ வாழ்ந்தவர்கள் ஒன்றல்ல இரண்டல்ல “
திருமூலர் வடவர்தான். அவ்வாறு வந்தவருக்கு நற்போதம் கிட்டி சிவஞானம் பெற்றது திருவாவடுதுறையில்தான். திருமந்திரம் பாடியதும் அங்கே நற்போதத்தில் இருந்த போதுதான்.
இராமகிருஷ்ன பரமாம்ஸ்ரும் அவருடைய சீடராகிய விவேகானந்தரும் தேவி உபாசகர் எணின் சிவன் வேறு சத்தி வேறா? சிவன் ஒரு பொருள் என்றால் அவன் கருணையே ஆற்றலாக வெளிப்படுவது. அதைத்தானே நாம் சத்தி என்று கூறுகிறோம். அதனால்தான் திருமூலர்:
“அன்புசிவம் இரண் டென்பர் அறிவிலார்
அன்பே சிவமாவ தாரும் அறிகிலார்
அன்பே சிவமாவ தாரும் அறிந்தபின்
அன்பே சிவமாய் அமர்ந்திருந் தாரே” – திருமந்திரம்
என்று பாடினார்.
சிவமும் சத்தியும் நெருப்பும் அதன் சூடு போலாகும். அவை என்றும் இணைப்பிரியாதன. அதனால்தான் சகலாகம பண்டிதராகிய அருணந்தி சிவாச்சாரியார் சிவஞான சித்தியார் என்னும் மெய்கண்ட சாத்திர நூலில்,
“யாதொரு தெய்வம் கொண்டீர் அத்தெய்வமாகி ஆங்கே மாதொரு பாகனார்தாம் வருவர்”
என்று கூறினார்.
இந்த உண்மையை உணர்ந்தோர் இராமகிருஷ்ன பரமம்ஸரும் அவர் சீடரும். அப்பெரிய மகானை நம்மைப் போன்று திருமேனி பேதத்தில் சிக்கிக் கொண்டு இடர்பட்டுக் கொண்டிருப்போரோடு ஒப்பிடுவது முறையாகுமா?
#எனவே நிப்பாட்டும் உந்தன் வாயிலே வடை சுடும் பிரச்சாரத்தை ! #
என்று கூறி வசைபாடுவதானது அவரவர் பக்குவ நிலையை மக்கள் முன்னே வெளிச்சம் போட்டு காட்டுகின்றது.
மசாய் கோயிலுக்காக நாம் அடித்துக் கொள்வதில் பயன் ஒன்றுமில்லை காரணம் மாநில அரசாங்கம் கொடுத்த மாற்று நிலத்தை கோயில் குழு ஏற்றுக் கொண்டதாக செய்தி வெளியாகியுள்ளது. சிவசிவ
#தமிழர்கள் மதம் அற்றவர்களாக இருக்கட்டும் ! இந்து மதம் அவர்கள் தழுவிய மாதமாக இருக்கட்டுமே ! #
சிவசிவ. தமிழர் சமயம் அற்றவர்களா? மொழி, இசை, கட்டட கலை, வாணிகம், இன்னும் பல துறைகளில் பொருளாதார வளர்ச்சியடைந்த தமிழ் இனமா தனக்கென்று ஒரு சமயத்தைக் காணாமல் போனது? என்ன அறியாமை இது.
தென்நாட்டில் சிறந்தோங்கிய சைவமும், தென்புல வைணவமும் தமிழர் கண்ட சமய நெறிகள்தானே இவ்விரண்டும் வெவ்வேறு சமயங்களானாலும் அவற்றுக்கென்று தனித்தனி சாத்திரங்களும், தோத்திரங்களும், அடியார் பெருமக்களும் பல்லாண்டு காலமாய் உள்ளதை தமிழரில் பலர் அறியவில்லையானால் குற்றம் தமிழருடையதே.
தமிழ்ச் சைவருக்கு, சிவாகமங்களும், திருமுறைகளும், மெய்கண்ட சாத்திரங்களும் சைவ சயம நெறிகளை உணர்த்தும் நூல்களாகும். சிவாகமத்தின் அடிப்படையிலேயே மலேசிய திருநாட்டில் பெரும்பாலான சைவ ஆலயங்கள் நிறுவப்பட்டு பூசை புனஸ்கரங்கள் செய்து வரப்படுகின்றன. ஆகையால், தமிழருக்குச் சமயம் ஒன்று இல்லாமல் இந்து மதத்திற்கு மாறினார் என்று கூறுவது அர்த்தமற்றப் பேச்சு.
கண்ணதாசன் திராவிடப் பிடியிலிருந்து விலகிய பிறகு சைவம், வைணவம், சாக்த நெறிகளைக் கற்றவர். இச்சமயங்களின் தோத்திர நூல்கள் சிலவற்றுக்கும் உரை எழுதியுள்ளார். இவற்றையெல்லாம் கற்றவர் சித்தாந்தமும் அறிந்து தெளிந்தவர் என்பதால்,
‘தெளிவாகத் தெரிந்தாலே சித்தாந்தம், அது தெரியாமல் போனாலே வேதாந்தம்’ என்று பாடினார்.
அத்தகைய கண்ணதாசன்,
“பூஜியத்துக்குள்ளே ஒரு இராஜியத்தை ஆண்டுக் கொண்டு புரியாமலே இருப்பான் ஒருவன்” என்று சொன்ன அந்த ஒருவன் யார்?
அப்பாட்டில் அனைத்து வரிகளிலும் ‘ஒருவன்’ என்றே ஒருமையில் கூறிச் செல்வார். அவர் அந்த ஒருவனை அடையாளம் காட்டாமல் போனாலும் சைவ அடியார் பெருமக்கள் அந்த ஒருவனை அடையாளம் காட்டி தேவாரத்திலும் திருவாசகத்திலும் பாடியுள்ளனர். மணிவாசகர் பெருமான் திருவாசகத்தில்,
“ஏகன் அநேகன் இறைவனடி வாழ்க” (சிவபுராணம்)
“ஒருவனே போற்றி ஒப்பில் அப்பனே போற்றி”
“உம்பரும் அறியா ஒருவனே”
“சோதியாய் தோன்றும் உருவமே அருவாம் ஒருவனே”
என்று பாடியதால் நன்கு விளங்கும். சிவன் ஒருவனே பிறப்பற்றவனாக உள்ளான் என்பதை அப்பர் பெருமான்,
“பெண்ணாண் பிறப்பிலியாய் நின்றாய் நீயே
பெரியார்கட் கெல்லாம் பெரியாய் நீயே” (தி. 6:38:5)
என்று பாடியதால் விளங்கும். சைவ அருளாளர் இப்படி அறிவுறுத்தியதை இன்றைய அற்ப மனிதர் புறக்கணிப்பாரெனில் அவர்தம் அறியாமையை என்னவென்பது? அப்புறம் இவருக்கு எதற்கு இந்து மதம்?
‘இந்துக்கள் படிக்காத மேதைகள்’ என்னும் கட்டுரை ஒன்றை சித்தாந்தச் செல்வர் முனைவர் திரு . நாகப்பன் ஆறுமுகம் அவர்கள் டிசம்பர் மாத சிவனருள் இதழில் எழுதியுள்ளார். அக்கட்டுரையை அப்படியே மறுபதிப்புச் செய்து வெளியிட செம்பருத்தி ஆசிரியருக்கு அனுப்பியுள்ளேன்.
செம்பருத்தியில் பதிவிடப்பட்டால் படித்துப் பாருங்கள்.
சும்மா சித்தர்களின் பாடல்களை எழுதி தள்ளுவது சிவம் ஆகாது; எனவே நிறுத்துங்கள் உங்கள் புலம்பலை. சரி நேராக விசயத்திற்கு வருகிறேன்: இந்த உலகம் தோன்றி இன்று வரை பல மனிதர்கள் இறந்து , பின் பிறந்து மீண்டும் இறந்து என்று சுழன்று சுழன்று என்ன செய்தார்கள் என்ற கேள்வி எழுந்த காலமும் உண்டு. இப்பொழுது இந்த கேள்விக்கான விடையை தேட இந்த உலகத்தை பார்க்க வேண்டிய தருணத்தில் இருக்கிறோம். பல கண்டுபிடிப்புக்கள் மட்டும்தான் எஞ்சி உள்ளது ! பஞ்ச பூதம் அப்படியே உள்ளது ! இதில் மதம் எவ்வாறு உதவுகிறது என்று கேடடாள் , கடந்த பல ஆண்டுகளாக போர்களையும் , பொறாமைகளையும் மட்டுமே தந்துள்ளது ! இனியும் அது எதனையும் தராது , எனவே மதம் தேவையற்றது ! அப்படி என்றால் இந்த உலகம் தான் எதற்கு ? இந்த புது புது கண்டுபிடிப்புக்கள் தான் எதற்கு ? ஆம் , கடவுள் நம்மை இந்த உலகத்தில் படைத்தது , உலகை மேம்படவே இந்த நாடகத்தை அரங்கேட்ரி கொண்டிருக்கிறார். எனவே மதத்தை வலுகடடாயமாக மற்றவர்கள் மீது ஏத்தாமல் , உலக வாழ்வியலில் , படித்து , பரிணாம வளர்ச்சிக்கு பாடு பட்டு உழைத்து , முடிந்ததை செய்து , உலகை விட்டு விடை பெறுவோம். அதை விட்டு விட்டு , பக்கத்துக்கு வீட்டுக்காரன் பொண்டாடி நல்லா இல்லை என்று புலம்புவது ……
#எனவே மதம் தேவையற்றது ! அப்படி என்றால் இந்த உலகம் தான் எதற்கு ? இந்த புது புது கண்டுபிடிப்புக்கள் தான் எதற்கு ? ஆம் , கடவுள் நம்மை இந்த உலகத்தில் படைத்தது , உலகை மேம்படவே இந்த நாடகத்தை அரங்கேட்ரி கொண்டிருக்கிறார். #
மதம் பிடித்தவருக்குத்தான் மதம் தேவை.
உயிர்குலங்கள் பக்குவப்பட்டு இறைவனை அடைய இந்த உலகமும் அதன் நுகர்ச்சிப் பொருட்களும் துணை நிற்கின்றன. அதைச் சொல்வதுதான் சைவ சமய நெறிகள். அதற்கு அற வாழ்க்கை முதற்படி. அதனை உணர்த்துவது திருக்குறள். இப்படியல்லவா நமது சமயம் நமக்கு வாழ கற்றுக் கொடுத்துள்ளது. இந்த உண்மையைப் புரிந்து கொள்ளத் தவறிய மனிதனை மதவெறி அறியாமையில் ஆழ்த்தி விட்டது. இது இறைவன் குற்றமல்ல.
இன்றோ உலக வாழ்க்கைக்கு நாம் இறைவனை துணையாகக் கொள்ள முயன்று வாழ்கிறோம். அதனால்தான், இறைவனிடம் இதைக் கொடு அதைக் கொடு என்று தினமும் வேண்டிக் கொண்டு வாழ்கிறோம். ஆகையால் படைப்பின் நோக்கத்தைப் புரிந்து கொள்ளாத மனிதர் உலகியலில் அழுந்தி வாழ இறைவனை துணையாகக் கொள்ள முயற்சிக்கின்றனர். இது மனிதனின் குற்றம்.
படைப்பின் நோக்கம் மாந்தர் குலம் உலகைத் துணையாகக் கொண்டு இறைவனை அடையவேண்டுமென்பதாகும். அதை தவாறகப் புரிந்து கொண்ட மனிதன் தான் வாழ இறைவனைத் துணையாக அழைக்க விரும்புகின்றார். ஒட்டு மொத்த படைப்பின் இரகசியத்தை மனிதனே மாற்றி விட்டு மதத்தையோ அல்லது இறைவனையோ குறை சொல்வதில் பயன் இல்லை.
இப்படி தெளிவாக இருந்தால் உலகை விட்டு விடை பெறுவது மட்டுல்ல படைப்பின் நோக்கம் மாறாக உயிர் இறைவனை அடைவதே படைப்பின் நோக்கம் என்பதை அறிந்தோர் பக்கத்து வீட்டைப் பார்க்க மாட்டார். அவரவர் வாழும் வீட்டை ஓட்டையில்லாமல் செம்மையாக இருப்பதைப் பார்த்துக் கொள்வார். அவ்வாறு செய்வதையும் தப்பென்றால் உலகம் திருந்தாது. உண்மை அறியாதோர் காட்டும் பாதையில் சென்று அழிவைத் தேடிக் கொள்வார். நல்வழி காட்டுவோர் அடுத்தவன் வீட்டு பெண்டாடிக்கும் நல்லவன்தான்
Dilip
,Wander full fact . This is what vallalar come up with Suttasanmarkam .
மதம் ! மதம் ! என்று புலம்புவதை நிறுத்துங்கள் !கோவில் யானை ஒரு நாள் காலில் கட்டிய சங்கலியை அறுத்துக்கொண்டு கோவிலை விட்டு ஓடி விட்டதாம் ! ” கோவில் நிர்வாகத்தார் யானைக்கு மதம் பிடித்து விட்டது கோவிலை விட்டு ஓடி விட்டது ! என்றனராம் ! வாலிப கவிஜர் வாலியின் கவிதை வரிகள் ! ” யானைக்கு மதம் பிடிக்க வில்லை அதனால் கோவிலை விட்டு ஓடி விட்டது “!