பாலா படம் என்றாலே கொஞ்சம் கூட யோசிக்காமல் திரையரங்கிற்கு செல்லும் ஒரு கூட்டம். ஆனால், அந்த கூட்டத்தையே ஒரு நொடி யோசிக்க வைத்துவிட்டது தாரை தப்பட்டை. மீண்டும் தன் ரசிகர்களுக்கு ஒரு தரமான விருந்து கொடுக்க ஜோதிகா, ஜி. வி. பிரகாஷ் என யாரும் எதிர்ப்பார்க்காத கூட்டணியுடன் கைக்கோர்த்த பாலாவிற்கு வெற்றி கிடைத்ததா? பார்ப்போம்.
கதைக்களம்
படத்தின் முதல் காட்சியிலேயே இவானா(அறிமுகம்) கர்பணி பெண்ணாக இரயில்வே நிலையத்தில் நிற்கின்றார். அவரை ஒரு கும்பல் வலுக்கட்டாயமாக இழுத்து செல்ல, அவர்களிடமிருந்து ஜோதிகா அந்த பெண்ணை காப்பாற்றி விசாரணை செய்கின்றார்.
அதை தொடர்ந்து அந்த கர்ப்பத்திற்கு காரணம் ஜிவி தான் என்று அவரை கைது செய்து போலிஸ் விசாரிக்கின்றது. அவரும் தங்களுக்குள் ஏற்பட்ட காதலை ப்ளாஷ்பேக்காக சொல்கின்றார்.
பிறகு தான் ஓர் அதிர்ச்சி காத்திருக்கின்றது. அந்த குழந்தை ஜிவியுடையது இல்லை என்ற பிறகு யார் இந்த பெண்ணை ஏமாற்றினார்கள் என்பதை ஜோதிகா கண்டுப்பிடிப்பதே மீதிக்கதை.
படத்தை பற்றிய அலசல்
ஜோதிகா இதுவரை நடித்த அனைத்து படங்களிலும் டாப் 5 லிஸ்ட் எடுத்தால் நாச்சியார் கண்டிப்பாக இடம்பிடிக்கும். முதல் காட்சியிலேயே அடுத்தவர்கள் பைக்கில் இடித்ததற்கு தன் ட்ரைவரை திட்டி, இறங்கி அவர்களிடம் மன்னிப்பு கேட்கும் இடத்திலேயே ஜோதிகாவின் கதாபாத்திரத்தை அழுத்தமாக காட்டியுள்ளனர். அதிலும் அவர் ஒவ்வொருவரையும் விசாரிக்கும் காட்சி மிரட்டல்.
ஜிவிக்கு இது தான் முதல் படம் என்று சொல்லலாம், இதிலிருந்து தான் அவரின் ரியல் திரைப்பயணம் தொடங்கியுள்ளது. சென்னை இளைஞனை அப்படியே நம் கண் முன்னே கொண்டு வருகின்றார். இவானாவும் அத்தனை யதார்த்தமாக நடித்து அசத்தியுள்ளார், முதல் படம் போலவே தெரியவில்லை.
இதையெல்லாம் விட நாச்சியார் பாலா படம் போலவே தெரியவில்லை. எப்போதும் இரத்தம், வெட்டு, குத்து, கொடூர கிளைமேக்ஸ் என்பதில் இருந்து வெளியே வந்துள்ளார். அதற்கு பாராட்டுக்கள், கிளைமேக்ஸ் கொடூரம் என்றாலும் ஆடியன்ஸ் பார்வையில் விசில் பறக்கின்றது.
பாலா வசனத்தில் கிடைக்கின்ற கேப்பில் ஸ்கோர் செய்பவர். ‘அட சாமிக்கு போர் அடிக்கும்ல, அதனால் தான் இப்படி சோதனைகளை தருகின்றார், நாம வேனும்னா பிரஷ்ஷா ஒரு சாமிய உருவாக்கலாம்’ என்பது போல் படம் முழுவதும் வசனங்கள் கைத்தட்ட வைக்கின்றது.
ஆனால், படத்தின் முதல் பாதி ஜிவி-இவானா காதலே நிறைய வருவது போல் இருந்தது. இரண்டாம் பாதியில் இருந்து விறுவிறுப்பு கொஞ்சம் குறைவாக இருந்தது. மேலும், தீவிர பாலா ரசிகர்களுக்கு ‘இது பாலா படம் தானா’ என்று கேட்க வைத்துவிடும்.
ஈஸ்வரின் ஒளிப்பதிவு சென்னையின் குப்பைத் தொட்டியில் ஆரம்பித்து முட்டு சந்தை கூட அழகாக படம்பிடித்துள்ளது. படத்தின் மற்றொரு ஹீரோ இளையராஜா தான், டைட்டில் கார்டிலேயே மிரட்டியுள்ளார், ராஜாவின் ராஜாங்கம்.
-cineulagam.com
இப்பாடத்தின் விமர்சகர் எதை வைத்து இந்த படத்தை புகழ்ந்து இருக்கிறார் என்று தெரிய வில்லை. கதை எல்லாம் சரிதான் அனால் அப்படி ஒன்றும் பிரமாதம் இல்லை. துறத்தல் என்ற போர்வையில் பல நேரம் ஓடுகிறது. பெரிய கோடிஸ்வரர் அவரை நாச்சியார் மசாஜ் சென்டர் சென்று தர தர வென இழுது வந்து என்னோமோ செய்கிறார். பிறகு அந்த போலிஸ் அதிகாரிகள் நாச்சியார் அழைத்து இடம் மாற்றம் செய்கின்றனர். இதில் என்ன கொடுமை வென்றால் அந்த கோடிஸ்வரர் ஏன் நாச்சியார் மீது வழக்கு போட வில்லை. அப்படி இப்படி என்று கதையில் பல சப்பு கொட்டும் விசயங்கள் நிறைய உள்ளன. இது ஒரு பொழுதுபோக்கு படம் என பார்க்கலாம்.
ஆஹா ஓஹோ என்று கொண்டாடப்பட வேண்டிய படம் என்று சொல்லாவிட்டாலும் அருமையான படம் (சமுதாயத்துக்கு ஒரு பாடம்) என்று சொல்லிப் பாராட்ட வேண்டிய படம் இந்த ‘நாச்சியார்’ என்று தமிழ் ரசிகர்கள் பெருமைப்பட்டுக் கொள்ளலாம்.
90% எதார்த்தமும் 10% சினிமாத் தனமும் கொண்ட இந்தப் படத்தை துணிந்து பாராட்டுவதற்கு ஒரு ரசனை வேண்டும்.
கதாநாயகியை கட்டிப்பிடித்து உருளவைத்தும், மரத்தைச் சுத்தி சுத்தி டூயட் பாடவைத்தும், 50, 60 வில்லன்களையும் ஒரே கையால் துரத்தி துரத்தி அடித்து விரட்டியும் படம் எடுக்க தமிழ்த் திரையுலகில் ஆயிரம் பேர் உள்ளனர். ஆனால் படத்த படமாக எடுக்க பாலா போல விரல் விட்டு எண்ணக்கூடியவகையில் சில மட்டுமே உள்ளனர். அவர்களை வாழ்த்தாவிட்டாலும் தூற்றாமல் இருந்தால் தமிழ்ச் சினிமா அடுத்த கட்டத்துக்குப் போக வாய்ப்பு உண்டு.
“ஸ்ரீ கிருஷ்ணர் கேட்க்கிறார் : திரௌபதை ஒரு மகாராணி, ஆனால் அவளின் மானத்தை காக்காத ஒரு இனம் எப்படி ஒரு சாதாரண பெண்ணின் மானத்தை காக்கும் என்று ? காண்டீபத்தை கிழே வைத்த அர்ஜுனனிடம் இருந்து அடுத்தக்கனமே அம்புகள் இலக்கை நோக்கி பாய்ந்தன…” மஹாபாரத போர் மகாராணிக்கு நடந்த அவமானம் ! நாச்சியார் படம் ஒரு பாமர பெண்ணுக்கு நடந்த அலங்கோலம் ! இங்கே ஸ்ரீகிருஷ்ணராக நாச்சியாரே தோன்றுகிறார் ! (பேரகேட்டா சும்மா அதிருதில …. நம்ம பெரும் கிட்ட தட்ட அதான்)…..