சென்னை: நடிகரும், இயக்குனருமான ராகவா லாரன்ஸ் கேரள முதல்வர் பினராயி விஜயனை சந்தித்து வெள்ள நிவாரண நிதிக்கு ரூ. 1 கோடி அளித்துள்ளார்.

வெள்ளத்தால் பாதிக்கப்பட்டுள்ள கேரளாவுக்கு திரையுலக பிரபலங்கள் பலரும் நிதியுதவி அளித்து வருகிறார்கள். கேப்டன் விஜயகாந்த் ரூ. 1 கோடி, விஜய் ரூ. 70 லட்சம், விக்ரம் ரூ. 35 லட்சம் என்று பலரும் லட்சக் கணக்கில் உதவி செய்துள்ளனர்.

இந்நிலையில் கேரளாவுக்கு ரூ. 1 கோடி நிதியுதவி அளிக்கப் போவதாக நடிகரும், இயக்குனருமான ராகவா லாரன்ஸ் ட்விட்டரில் அறிவித்தார். அறிவிப்போடு நிறுத்திக் கொள்ளாமல் அவர் தெய்வமாக கருதும் அம்மாவுடன் நேற்று கேரளாவுக்கு கிளம்பிச் சென்றார்.

கேரள முதல்வர் பினராயி விஜயனை சந்தித்து ரூ. 1 கோடிக்கான காசோலையை அளித்தார். பினராயி விஜயனை சந்தித்தபோது எடுத்த புகைப்படத்தை ட்விட்டரில் வெளியிட்டுள்ளார் ராகவா லாரன்ஸ்.

-tamil.filmibeat.com