சென்னை: பைரஸி தளமான தமிழ் ராக்கர்ஸ் தனது பக்கத்தில் சர்கார் படத்தை வெளியிட்டு இருக்கிறது.
விஜய் நடிப்பில் ஏ.ஆர் முருகதாஸ் இயக்கத்தில் மிகுந்த எதிர்பார்ப்புக்கு இடையில் சர்கார் படம் வெளியாகி உள்ளது. விஜய் ரசிகர்கள் காலை முதல்காட்சியில் இருந்து படத்தை பார்த்துவிட்டு கொண்டாடிக்கொண்டு இருக்கிறார்கள்.
படம் குறித்து கலவையான விமர்சனங்கள் வெளியாகிக் கொண்டு இருக்கிறது. இந்த நிலையில் பைரஸி தளமான தமிழ் ராக்கர்ஸ் தனது பக்கத்தில் சர்கார் படத்தை வெளியிட்டு இருக்கிறது.
நேற்று முதல் நாளே சர்கார் படத்தை தங்கள் பக்கத்தில் வெளியிடுவோம் என்று தமிழ் ராக்கர்ஸ் தெரிவித்தது. இதையடுத்து தமிழ் ராக்கர்ஸ் படத்தை வெளியிடுவதை தடுக்க மெர்சல் படக்குழு நிறைய திட்டங்களை வகுத்து இருந்தது.
முக்கியமாக விஜய் ரசிகர்கள், பொதுமக்கள் தமிழ் ராக்கர்ஸ் குழுவினரை பிடிக்க உதவ வேண்டும் என்று கோரிக்கை வைத்து இருந்தனர். இந்த நிலையில்தான் படம் வெளியாகி 6 மணி நேரத்தில் தமிழ் ராக்கர்ஸ் தனது பக்கத்தில் சர்கார் படத்தை வெளியிட்டு இருக்கிறது.
இது சர்கார் படக்குழுவிற்கு பெரிய அதிர்ச்சியை ஏற்படுத்தி இருக்கிறது. விஜய் ரசிகர்களும் படம் வெளியானதை பார்த்து அதிர்ச்சிக்கு உள்ளாகி உள்ளனர்.
