– முனைவர் ஆறு. நாகப்பன், ஆகஸ்ட் 30, 2013.
இந்திய இளைஞர்கள் நடத்தும் வன்செயல்களுக்கும் குற்றச்செயல்களுக்கும் பின்னால் முக்கிய அரசியல் புள்ளிகள் இருப்பதாக உள்துறை அமைச்சர் கூறுகிறார். (மக்கள் ஓசை 29.8.2013, முதல் பக்கம்) இதைத்தான் கடந்த இருபது முப்பது ஆண்டுகளாக நாங்களும் சொல்லிக் கொண்டிருக்கிறோம். நாங்கள் என்ன சொன்னாலும் அதைக் காது கொடுத்துக் கேட்க அமைச்சர்களுக்கு நேரம் இல்லை. கேட்டாலும் பொருட்படுத்துவதில்லை.
மலேசியாவில் கொள்ளைகள், கொலைகள் பெருகிவிட்டன என்பதை அமைச்சர் கைரி ஜமாலுடின் வீட்டிலேயே திருடர்கள் நுழைந்த பிறகுதான் காவல் துறை ஒப்புக் கொண்டது. வன்செயல்களில் இந்தியர் அல்லாத மற்றவர்களுக்கும் பங்கு உண்டு என்றாலும் இந்த வேலைகளில் இந்தியர்களின் விழுக்காடு மற்றவர்களை விட அதிகமாக இருக்கிறது என்பது உண்மைதான்.
கடந்த பத்துப் பதினைந்து ஆண்டுகளாகவே இந்திய அமைச்சர்களும் சமூகத் தலைவர்களும் மேடை ஏறியதும் பேசுவதற்குத் தயாராக வைத்திருக்கும் தலைப்பு இதுதான். இவர்களுக்கு வேறு எதுவும் பேசத் தெரியாத நிலையில் வன்செயல் இளைஞர்கள்தாம் கை கொடுத்து உதவி வருகிறார்கள். சமூகத்தின்பால் அளவு கடந்த அக்கறை உள்ளவர்கள் போல் பத்திரிகைக்காரர்கள் படம் பிடிக்கும் வரை இதைப் பற்றிப் பேசிவிட்டுப் போவார்கள்.
இப்போது இன்னும் வசதியாகப் போய்விட்டது. கையை வெட்டினான், காலை வெட்டினான் என்ற செய்திகள் வளர்ச்சி அடைந்து சுட்டு வீழ்த்தினான் என்று சூடு பறக்கச் செய்திகள் வருகின்றன. வன்முறைகளின் வெளிப்பாடுகளைத்தான் நாம் வேடிக்கை பார்க்கிறோம். இவற்றின் நதி மூலம் எங்கே, எப்படி என்று ஆழமாக யாரும் பார்ப்பதில்லை. சமூகப் பார்வையாளர் பலருக்கு எல்லாம் தெரிகிறது. ஆனால் வெளிப்படையாகச் சொல்ல முடிவதில்லை.
வன்முறையின் வேர்
தோட்டப் புறங்களிலிருந்து வலுக்கட்டாயமாக வெளியேற்றப்பட்ட தமிழர்கள் மறுகுடியேற்ற வாய்ப்புகள் இல்லாமல் நகர்ப்புறங்களின் காலி இடங்களில் குடிசைகள் கட்டிக் கொண்டு குடியேறினர். தோட்டத் தொழிலாளர்களுக்கு மறுகுடியேற்ற வாய்ப்பு வழங்க வேண்டும் என்பது தொழிலாளர் சட்டம். மனித வள அமைச்சு கண்ணை மூடிக் கொண்டது. தோட்டப்புறத் தமிழர் குடிசைப்புறத் தமிழராக மாறினர். தோட்டத்திலாவது வேலை, ஏழாம் தேதிக்குள் சம்பளம், கோயில், பள்ளிக் கூடம், கள்ளுக்கடை, விளையாட்டுத் திடல் என்று சில சமூக வசதிகள் இருந்தன. இப்படி எதுவும் இல்லாத குடிசைப்புறத்தில் எல்லாவற்றையும் தேடிக் கொள்கிற போராட்டமே இவர்கள் வாழ்க்கையாக இருந்தது.
தோட்டங்களிலிருந்த தமிழர்கள் வெளியேற்றப்பட்டு அந்த இடங்கள் நகர மயப்படுத்தப்பட்ட போது கிராமப் புறங்களிலிருந்து மலாய்க்காரர்கள் நகர்புறங்களில் குடியேற்றப்பட்டனர். நகர்ப்புறங்களில் உருவான வேலை வாய்ப்புகளும் அரசாங்கத்தில் உருவாக்கப்பட்ட வேலை வாய்ப்புகளும் மலாய்க்காரர்கள் வசமாகின. கல்வி, வணிகம், பொருளாதாரம் போன்றவற்றில் மலாய்க்காரர்கள் விரைந்த வளர்ச்சி அடைந்தபோது அதே விரைவில் தமிழர் கல்வி, வணிகம், பொருளாதாரத்தில் கீழ்நிலை நோக்கி வீழ்ச்சி அடைந்தனர்.
நாடாளும் அம்னோவுக்கு இது தெரியும். அவர்களோடு கூட்டுச் சேர்ந்து கொண்ட ம.இ.கா.வுக்கும் இது தெரியும். சுதந்திரத்தின் பயனை, நாட்டு வளத்தை சலுகைச் சமுதாயத்திற்கு மட்டும் பகிர்ந்தளிக்கும் தனது நிலைப்பாட்டில் அம்னோ அசையாமல் இருக்கிறது. தேர்தலில் வாக்களிக்கும் மற்ற சமூகத்தினரைச் சரிகட்டும் பொறுப்பை ம.இ.கா. போன்ற கூட்டுக் கட்சிகள் ஏற்றுக் கொண்டு அதற்கான அன்பளிப்புகளைப் பெற்றுத் தங்கள் குடும்பங்களை மட்டும் வளப்படுத்திக் கொண்டனர். இதுவும் போதாதென்று இந்தக் குடிசைத் தமிழரின் சில்லறைகளையும் இந்தியர் மேம்பாட்டுத் திட்டங்கள் என்ற பெயரில் இவர்கள் கொள்ளையடித்தனர்.
கல்வி, வேலை வாய்ப்பு, வணிகம், பொருளாதாரம் ஆகியவற்றில் திட்டமிட்டு வளர்க்கப்பட்ட இனப்பாகுபாடு நகர்ப்புறக் குடிசைத் தமிழர்களின் நிலையை வெகுவாகப் பாதித்தது. இது பதின்ம வயது இளையர்களின் மனத்தில் கடுமையான விரக்தியை ஏற்படுத்தியது. எதையாவது செய்து வாழ வேண்டிய நிலைக்கு இவர்கள் திட்டமிட்டுத் தள்ளப்பட்டனர்.
வாழ வேண்டிய காட்டாயத்தால் மட்டுமன்றி மற்றவர்கள் வளமாக வாழ்வதைக் கண்டு தாங்களும் அப்படி வாழ வேண்டும் என்று ஆசைப்பட்ட இளைஞர்களை உள்துறை அமைச்சர் கூறிய அரசியல் பெரும் புள்ளிகள் வளைத்துப் பிடித்தனர். கொள்ளை, போதைப்பொருள் விற்பனை போன்ற பல்வேறு நடவடிக்கைகளுக்கு இவர்கள் கூலி பெறும் தொழிலாளர்களாக ஆக்கப்பட்டனர்.
பி.எம்.டபள்யு போன்ற உயர்தரக் கார்களைத் திருடும் இந்த இளைஞர்களில் பெரும்பாலோர் மூன்றாம் படிவத் தேர்வில் கூடத் தேர்ச்சி பெறாதவர்கள். இந்த வகை கார்களை இவர்கள் பயன்படுத்தவும் முடியாது. திருடிச் சென்று விற்கவும் முடியாது. அப்படியானால் இந்த உயர்தரக் கொள்ளையை இவர்கள் யாருக்காகச் செய்கிறார்கள்?
இதே பாணியில்தான் போதைப் பொருள் விற்பனையும். தாம் குடியிருக்கிற இடத்தில் போதைப் பொருள் விற்பவர் யார் என்ற விவரம் ஒவ்வொரு சராசரி மலேசியனுக்கும் தெரிந்திருக்கிறது. அந்த வட்டாரத்திலேயே காவல் அதிகாரிகள் அடிக்கடிச் சுற்றிக் கொண்டும் இருக்கிறார்கள். இவர்களுக்கு முதலாளிகளாகக் குண்டர் குழுத் தலைவர்கள். இவர்களுக்குக் காவலாக அரசியல் பெரும் புள்ளிகள். இல்லாவிட்டால் காவல் துறையின் கண்ணுக்கு முன்னாலேயே இந்தத் தொழில் ‘தீர்க்காயுசாக’ வாழ்ந்து கொண்டிருப்பது எப்படி?
இந்தத் தொழிலில் உள்ள போட்டியால் குட்டித் தலைவர்கள் ஒருவரையொருவர் வெட்டிக் கொல்லுகின்றனர். சுட்டுத் தள்ளுகின்றனர். ஆபத்தான குட்டித் தலைவர்களை முதலாளிகளே காட்டிக் கொடுக்க அவர்கள் காவல் நிலையத்தில் உள்ள பாதுகாப்பு அறைகளில் மரணம் அடைகின்றனர். இவர்களின் முதலாளிகள் எந்த வகையிலும் அலட்டிக் கொள்ளாமல் புதிய தலைவர்களைப் பொறுப்பில் வைத்துவிடுகின்றனர்.
இதையெல்லாம் பத்துப் பதினைந்து ஆண்டுகளாகப் பார்த்துக் கொண்டிருக்கிற காவல் துறை அவ்வப்போது ‘ஓப்ஸ்’ அது ‘ஓப்ஸ்’ இது எனத் தொடங்கி கையில் கிடைக்கிற சில பேரைத் தீர்த்துக் கட்டும். ஆனால் எல்லாக் குற்றச் செயல்களும் முன் போல் இடையூறு இல்லாமல் நடந்தபடியே இருக்கும். அதற்கான முதலாளிகள் அவர்களின் தொழிலாளிகள் இவர்களின் தோழர்களாகக் காவல்துறையினர் தொடர்ந்து கை கோர்த்துச் செயல்பட்டபடியே இருப்பர்.
கொலை, கொள்ளை, போதைப் பொருள் விற்பனை, குண்டர் குழு நடவடிக்கைகளால் மலேசியா அமைதியாக வாழ்வதற்கு தகுதி உடைய நாடு அல்ல என்ற நிலையை எட்டிவிட்டது. வணிகத் துறை பாதிப்படைந்துள்ளது. வெளி நாட்டுச் சுற்றுப்பயணிகள் எண்ணிக்கை குறைந்துவிட்டது.
எல்லாவற்றுக்கும் காரணம் இந்திய இளைஞர்களின் வன்செயல்கள்தாம். சந்தேகம் இல்லை. 49 குண்டர் குழுக்கள். இதில் இந்தியர்கள் 28,926 பேர். சீனர் 8,214 பேர், மலாயர் 1,923 பேர். நாட்டின் நல்ல விஷயங்கள் எல்லாவற்றிலும் அடிமட்ட விழுக்காட்டு நிலையில் இருக்கும் இந்தியர்கள் இந்த விசயத்தில் மட்டும் மற்றவர்களைக் காட்டிலும் மூன்று மடங்கு அதிகமாக இருக்கின்றனர். ஏன்?
மோசமான குடியிருப்புகள், சுற்றுச் சூழல்கள், குறைந்த கல்வி, குறைந்த வேலை வாய்ப்பு, இவற்றுக்குக் காரணமான இனப் பாகுபாடு, விரக்தி போன்ற பலவும் உந்து சக்தியாகச் செயல்படும் அதே வேளையில் நிறைய சம்பளம் தரும் குண்டர் குழுத் தலைவர்கள் ஈர்ப்புச் சக்தியாகச் செயல்படுவதால் எதிர்மறைச் செயல்களில் இந்திய இளைஞர்களின் வாழ்க்கை நிரந்தரமாகச் சிக்கிக் கிடக்கிறது.
வன்செயல்களின் வேர்களைக் கல்லி எடுக்காமல் இலைகளையும் கிளைகளையும் ‘கவாத்து’ செய்யும் வேலையைக் காவல் துறை செய்து கொண்டிருக்கிறது. வேர்களைப் பிடுங்கினால் பல பெரிய மனிதர்களின் தலைகளைக் கொய்ய வேண்டி வரும். இவர்களின் தயவால் வாழ்ந்து கொண்டிருக்கும் அரசியல் பெரும் புள்ளிகளின் முகங்களும் வெளிச்சத்திற்கு வந்துவிடும். இப்படியெல்லாம் நடந்துவிடக் கூடாது. சாக வேண்டிய இளைஞர்கள் இன்னும் நிறைய பேர் இருக்கின்றனர். ஆகவே ‘ஓப்ஸ்’கள் தொடரும்.
முனைவர் ஆறு.நாகப்பன் அவர்களின் கூற்று உண்மையிலும் உண்மை. இவ்வளவு காலம் நாம் செவிடர்களின் காதில் அல்லவா சங்கினை ஊதியுள்ளோம். நான் இறைவனிடம், ஏன் தமிழர்களுக்கு மட்டும், தங்கள் மண்ணிலும் சரி உலகத்தில் எந்த மண்ணிலும் இவ்வளவு இடர்பாடுகள் என்று. தங்களுக்கு தமிழனை தவிர எவன் தலைமை தாங்கினாலும், அவனுக்கு தன உயிரை கூட கொடுத்து உழைப்பான், அப்படிப்பட்டவனுக்கு இறுதியில் கிடைக்கும் கைமாறு என்ன? நான் இளம் வயதில் ஒரு கட்டுரையில் , நான்கு தமிழரோடு அந்நியன் ஒருவன் இருந்தால், அந்த நான்கு தமிழர்களும் அந்த அந்நியனை தலைவனாக தேர்ந்தெடுப்பார்களாம். அன்று தமிழனாய் பிறந்திட மாதவம் செய்திருக்க வேண்டும் என்பர். ஆனால் இப்பொழுதோ தமிழனாய் பிறப்பதே பெரும் பாவம் என்றாகிவிட்டது. ஒரு பொருளை தமிழன் ஒருவனும் அந்நியன் ஒருவனும் விற்றால், தமிழன் அந்நியனிடம் வாங்குவான் ஆனால் எந்த அந்நியனும் மறந்துகூட தமிழனிடம் வாங்கமாட்டான். இவ்வாறு நாமே நமக்கு உறுதுணையாக இல்லாதபோது யாரை குறை கூறுவது? நம்மை பற்றிய எண்ணங்களையும் நோக்கங்களையும் மாற்றி செயல்படுவோம். நமையும், நமது சமூகத்தையும், நாட்டினையும் இறைவன் நிறைவாக ஆசீர்வதிப்பாராக.
ஒன்றை குறிப்பிட மறந்துவிட்டீர்கள் ஐயா. சமீபத்தில் முன்னாள் போலிஸ் தலைவருக்கும், முன்னாள் குற்றவியல் CID தலைவருக்கும் இடையில் நடந்த நேரிடை குற்றச்சாட்டுகளில் ஒருவருக்கொருவர் புழுதி வாரி இறைத்து அவரவர் முகத்தில் சேற்றை பூசிக்கொண்டார்களே ஞாபகமிருகின்றதா? அப்பொழுது முன்னாள் போலிஸ் தலைவருக்கும் ‘Underground Kingpin-க்கும் நேரடி தொடர்பு உண்டு என்றும் அந்த தாதாவின் துணையுடன் எல்லா கில்லாடி வேலைகளையும் போலிஸ் தலைவர்களே செய்து வருகின்றனர் என்றும் கூறியபொழுது, பிரதமரில் இருந்து முன்னாள் உள்துறை அமைச்சர் வரைக்கும் வாயை மூடிக் கொண்டு இருந்தது ஏனோ? புழுதி வாரி இறைத்துக் கொண்டவர்கள் என்ன சாதாரண மனிதர்களா? ஒன்றும் அறியாதவர்களா? குண்டர் குழுவிடம் இருந்து வாங்க வேண்டிய மாமூலை மாதா மாதம் வாங்கிக் கொண்டு இந்த பாவிகள் வளர்த்து விட்டதுதானே குண்டர் கும்பல். இப்பொழுது உத்தமர்கள் போல் பேசும் இக்கயவர்களை முதலில் களை எடுக்க வேண்டும். ‘Underworld Kingpin- களே தேர்தலில் யார்-யாரை நிறுத்தினால் நாங்கள் நன்கொடையை தானமாக கொடுப்போம் என்று முன்மொழியும் போது அதை வாங்கிக் கொண்டு அரசியல் நாடகம் ஆடும் மேல்மட்ட அரசியல் தலைவர்களே குண்டர் கும்பல் வளர்ச்சிக்கு முழு முதற் காரணம். இவர்களை துடைத்தொழிக்க இங்கும் ஒரு “விடியல்” வரவேண்டும்.
இதல்லாம் செவிடன் காதில் ஊதிய சங்குதான்.இன்னொருமுறை ஹிந்ட்ரப் பேரணி நடத்தி நாட்டின் தலைமை போலிஸ் அதிகரியின் வீட்டின் முன்னால் நின்றால் கூட கூவினால்கூட புத்திக்கு ஏறாது.
since the police found out the big fish and the “successfully” reveal the lists of gangs why the police still neither arrest nor shoot the real leaders?What kind of Ops is this? Is the police only can look for the indians boys?This is what they call “cantas”.This ops looks like the police weeding out the fiberous roots and porposely let go the tap root.
குண்டர் கும்பலை சேர்ந்தவர்களே! இம்மண்ணில் நீங்கள் வாழ்வது சிறிது காலமே. அதற்குள் ஒரு நல்ல காரியத்தை செய்துவிட்டு போய்விடுங்கள். உங்களிடம் மாமூல் வாங்கும் எந்தவொரு அதிகாரியோ, போலிசோ, அரசியல்வாதியோ, யாரையாவது ஒரு ஊழல்வாதியை ‘போட்டுத்தள்ளிவிடுங்கள்’ உங்களுக்கும் புண்ணியம் கிடைக்கும். நாடும் திருந்த வாய்ப்புண்டு!
போலீசார் கண்டுபிடிக்கும் போதை மாத்ரைகள் மீண்டும் மார்க்கெட்டுக்கு வருகிறதாம்.கைப்பற்றும் போதை மருந்துகளின் சொத்து பில்லியனை தொட்டு இருக்கும் இதை யார் அனுபவிப்பது சார்? இப்படி இதுக்காக அடித்து கொள்ளும் போலிஸ் மற்றும் பேடிகள் முட்டாள் தனங்களை நினைத்தால் கேவலமாக உள்ளது சார்.
மாமுல் இல்லையேல் போலிஸ் இல்லை … குண்டர்கள் இல்லையேல் அரசியல் தலைவர்கள் இல்லை என்ற நிலை எப்போதே தலைவிரித்தாட ஆரம்பித்துவிட்டது…
நாடும் பின்னடவை நோக்கிச் சென்றுகொண்டிருக்கிறது. இதில், நம்மினத்தை சொல்லவா வேண்டும்.?
சுருட்டுகிறவன் சுருட்டிக்கொண்டுதான் இருக்கிறான். சுருண்டு வாழ்பவன் சுருண்டே அழுகிறான்…ஆனால், இவனோ சுருட்டுகிரவனுக்கு ஆதரவாக நின்று ஒருநாள் அனாதையாய் கொல்லப்படுகிறான்….அப்போது இவனுக்கு மிஞ்சுவது அவலப் பெயரே..
இந்திய அன்பர்களே,
சிந்திப்போம் .. செயல்படுவோம். குறிப்பாக பின் தள்ளப்பட்டிருக்கும் நம் இனத்துக்கு தங்களால் இயன்றளவு ஏதாவது ஒரு வழியில் உதவிக் கரம் நீட்டுவோம்…
நான் என்னால் இயன்றளவு தொடங்கிவிட்டேன்….இது தொடரும்…தொடரட்டும்…..!!!!!!!
ஐயா சொன்ன கருத்துக்களில் எந்த ஒரு மாற்று கருத்தும் கிடையாது. அம்னோ நடத்திய மறைமுக இன அழிப்புக்கு இந்திய கட்சிகள் துணை போயின. இக்கட்சிகளின் முன்னாள் தலைவர்களும் ஏன் ஒரு சில இந்நாள் தலைவர்கள் கூட குண்டர் கும்பல்களின் தலைவர்களாக உள்ளனர் என்பதை யாரும் மறுக்க முடியாது. இதற்கு என்ன தீர்வு என்பதே கேள்வி? இன்னும் இதற்கான தீர்வு உள்ளதை நம்மால் பார்க்க முடியவில்லை. இதுவே கவலை அளிக்கிறது.
சிங்கை போன்ற லஞ்சம் இல்லாத திறமையில் முன்னேறிய நாடுகளை பின் பற்றி இருந்தால் மலேசியா 30 ஆண்டுக்கு முன்பே முன்னேறி இருக்கும் .ஆனால் சில தறுதலை நாடுகளை பின்பற்றி அங்கே உள்ளது போல இங்கேயும் திறமை அற்றவர்களுக்கு பதவி கொடுத்து நாட்டை பாழாகி கொண்டு வருகின்றனர் . மதத்தின் பெயரால் இந்த நாட்டை ஒரு பிச்சை கார குட்டி இந்தோனேசியவாக ,ஒரு பங்களாதேசாக மாற்றிக்கொண்டு வருகின்றனர் நமது BN தலைவர்கள்.
ஐயா ஆறு. நாகப்பன் அவர்களே ! நீங்கள் சொல்லும் கன்றாவிகளை 20 வருடமாக எங்கள் ஊரில் பார்த்துக்கொண்டிருக்கிறேன் ! ஒரு பெரிய ரௌடி பெரிய போலீஸ்காரருடன் ரொம்ப உறவு !
இங்கே போர்ட்டிக்சனில் இருக்கும் ஒரு 2 வெள்ளி நிருவன அரசியல்வாதிக்கு முழு பின்பலம் ஒரு ரௌடிதான். அந்த 04 குண்டர் கும்பல் தலைவனுக்கு டத்தோ விருது. போலீஸ் கூட அவனுக்கு எழுந்து நின்று மரியாதை கொடுக்கும் கேவலம் எங்காவது உண்டா? ஆனால் சத்தியமாக இந்த விசயம் போலீசுக்கு தெரியாது. யாரும் சொல்லிவிடாதீர்கள்.
இது என்ன கோலம் ,கடல் தாண்டி வந்த தமிழன் இன்று இப்படி கரை படிந்து கிடக்கிறனே ?எல்லாம் இருந்தும் தன்மானம் இல்லாமல் நமக்கு நாமே சுட்டு சாகிறோமே .ஏன் இந்த அவல நிலை நமக்கு.அரசியல்வாதிக்கு அடிமையாகி வாழ்வை ஆலோங்கோலபடுதியது போதும் சுய உணர்வோடு எழுங்கள் என் இளைஞர்களே , மற்ற சமுதாயம் நம்மை வியந்து பார்க்க செய்யுங்கள் .விடியலை தேடுங்கள் .வல்வை வெளிச்சமாக்குங்கள் .கடவுளை வணங்குங்கள் பெரியவரை மதியுங்கள். சமுதாயத்தை உயர்த்துங்கள்.குடும்பத்தை உயர்த்துங்கள்.குழந்தைகளை கல்வியில் சிறந்து விளங்கச் செய்யுங்கள்.
ஆமாம் நம் முன்னால் ம இ கா தலைவர் பல வருடங்களுக்கு முன் ஒரு மேடையில் பேசும்போது சட்டய கழட்டி வாங்கடா குத்திக்கலாம்
என்றது பலருக்கு ஞாபகம் இருக்கும் .இந்திய ரௌடிகலுக்கு
தலைவரே பச்சை கொடி காட்டிவிட்டார்..இன்று நிறை வேறி விட்டது .
சரியாக சொன்னீர் ஐயா.. குற்றச்செயல்கள் அதிகரிப்பு மட்டும் கண்களுக்கு தெரிகின்றன ஆனால் இந்தியர் மக்களின் போராட்டங்களும் பிரச்சனைகளும் மட்டும் தெரிவதில்லை இந்த சுயநிலவாதி தலைவர்கள்…
வேடிக்கை …வேடிக்கை …நமது நாட்டின் போலிஸ் படை தலைவரர் என்ன சொல்றார்னா ….நம்ம ஊர் தலைவர்களுக்கும் குண்டர்களுக்கும் சம்பந்தம் இருப்பதாக இதுவரைக்கும் அவருக்கு தகவல்கள் ஏதும் வரலையாம் !!! அப்படி ஏதும் இருப்பதாகவும் தாம் நம்பவில்லையாம்! அடங் கொப்ரானே….சோத்துல முழு பூசனிக்காய மறைகிறத பார்த்தாச்சு….இப்போ “கே எல் டவரையே ‘ மறைக்கறீங்களே …..அது எப்படி உங்களால மட்டும் இப்படி பேச முடியுது ?? எங்களுக்கெல்லாம் ஒரே ஆச்சர்யம் போங்க !!!!
ROS இயக்குனர் சொல்கின்றார், குண்டர் கும்பல் என பெயரிடபட்டு வெளியான மூன்று கும்பல்கள் பெயரும் சின்னமும் சங்க பதிவு இலாகாவில் பதிவு செய்யப்பட்டுள்ளதாம்! அவர் இதை போலீசிடம் விளக்கம் கேட்கணும் என்று ஒரு கேள்விகுறி வேறு. மூன்று கோடு காட்டு மவன்கள் இதை பதிவு செய்து வைத்தது ஒரு சில ஆண்டுகளுக்கு முன்பே ஊர் பேர் இல்லாமல் ஓர் அமைச்சர் வாயிலாக செய்தி வெளியானது. அன்றைய நாளில் இருந்த ஒரு மாஜி அமைச்சரின் வாயிலாக இதை பதிவு செய்து வைக்க பின்னணி ஆதரவு இருந்ததாம். எங்கே இருக்கு பாருங்கள் பெருச்சாளி! “ஆடு ஆடு வாக்கல இருக்கு, அப்பன் டுபுக்கு இன்னானாம்”?
என்ன படித்து கொடுத்து என்ன செய்வது. 6 ஆண்டு கள் தமிழ்ப்பள்ளியிலும் 5 ஆண்டுகள் இடைநிலைப்பள்ளியிலும் ஆசிரியர்கள் மாணவர்களின் எதிர்காலம், நாட்டின் நிலை, தொழில் ஆகியவைப் பற்றி சொல்லித்தான் அனுப்புகிறார்கள். இப்படி என்றால் இனி வரும் காலங்களில் நம் மாணவர்களுக்கு என்னதான் சொல்லிக் கொடுப்பது.
வணக்கம். ஐயா முனைவர் சொல்வது நிச்சயம் உண்மை. என் பகுதியில் ஒருவன் திருவிழா நேரத்தில் கத்தியை எடுத்துகொண்டு சண்டை போட்டான், பிறகு பார்த்தல் சட்டமன்ற உறுப்பினர் பின்னால் நிற்கிறான். இன்று வரை எந்த நடவடிக்கையும் இல்லை. போலீசுக்கு பதிவு பெற்ற இளைஞர் அமைப்புகளின் தலைவர்களை தெரியாது ஆனால் ரவிடிகளை பற்றி நன்கு தெரியும். சொன்னால் கேவலம்.
Politicians, NGOs, Individuals are there to comment on the low image of the Indians in relation to crime. What has great Souls like Dr Nagapan have to say in relation to the Spiritual Knowledge he is good and authority in it. The holistic approach by the Spiritual incline individuals should throw some light as others approach have failed dismally. Even the Police force who have the statistic in hand could do nothing.They are the ones in authority if one shold agree at all. Well, they are but any ordinary Souls. But Spiritual giants must have the answer to it. Failing which our course to preach religious value takes no one anyway. I hope the concerned party shall throw some light on this subject matter. Spiritual entity only depends on the Divine blessings for solutions. And certainly his call to the supreme does make all the difference. Its not for every one to know but the few among the spiritual circle to realize their true prayers being answered. God bless all. But HE bless the ones who act as his channel for the benefit of all Souls unfoldment.
PROBLEM IS UR SPIRITUAL UNFOLDMENT.
IF ANY UNDERSTAND THIS