இதுவரை, ஏமிஜாக்சனைப் பற்றி காதல் செய்திகள், கவர்ச்சி செய்திகள் தான், வெளியாகிக் கொண்டிருந்தன. ஆனால், இப்போது, அவரது இமேஜை உயர்த்தும், ஒரு புதிய செய்தி வெளியாகியுள்ளது.
மிருகங்கள் மீது அதிக பாசம் கொண்ட ஏமி, ‘டஸ்க் ட்ரஸ்ட்’ என்ற பிராணிகள் விழிப்புணர்வு அமைப்பில் இணைந்து, மிருகவதைக்கு எதிராக குரல் கொடுத்து வருகிறாராம்.
இதுவரை, அமெரிக்காவில் நடைபெற்ற மிருகவதைக்கு எதிரான விழிப்புணர்வு பிரசாரங்களில் மட்டுமே கலந்து கொண்ட ஏமி, சமீபத்தில், இந்தியாவில் நடந்த, ஒரு பேரணியிலும் கலந்துகொண்டாராம்.
அப்போது, ‘தந்தங்களுக்காக யானைகள் கொல்லப்படுவது ஆப்பிரிக்கா, இந்தியாவில் தான் அதிகமாக நடக்கிறது. ‘வாயில்லாத ஜீவராசிகளை தந்தத்துக்காக கொல்வது பெரிய பாவச்செயல். இனிமேல், இதுபோன்ற செயல்களில், யாரும் ஈடுபடாதீர்கள். அவற்றையும் வாழ விடுங்கள்’ என்று இளகிய மனதோடு பேசினாராம், ஏமி ஜாக்சன்.
