‘வருத்தப்படாத வாலிபர் சங்கம்’ திரைப்படத்தின் வெற்றியை முன்னிட்டு சிவகார்த்திகேயன், படத்தின் இயக்குனர் பொன்ராம் ஆகியோர் சத்யராஜை சந்தித்து நன்றி தெரிவித்தனர்.

சமீபத்தில் சிவகார்த்திகேயன், ஸ்ரீ திவ்யா, சத்யராஜ், சூரி மற்றும் பலர் நடிப்பில் வெளியான படம் ‘வருத்தப்படாத வாலிபர் சங்கம்’ . பொன்ராம் இயக்கியிருக்கும் இப்படம் 50வது நாளைக் கடந்து வெற்றிகரமாக ஓடிக்கொண்டிருக்கிறது.

இந்நிலையில் படத்தின் வெற்றியை முன்னிட்டு சிவகார்த்திகேயன், படத்தின் இயக்குனர் பொன்ராம் ஆகியோர் சத்யராஜை நேரில் சென்று சந்தித்து நன்றி தெரிவித்து மாலை அணிவித்தனர்.

சமீப காலமாக சத்யராஜ் குணச்சித்திர வேடங்களில் நடித்து வரும் படங்கள் தொடர்ச்சியாக வெற்றி பெற்று வருகின்றன. ‘ராஜா ராணி’, ‘சென்னை எக்ஸ்பிரஸ்’ ஆகிய படங்களின் வெற்றியைத் தொடர்ந்து சத்யராஜ் நடித்த ‘வருத்தப்படாத வாலிபர் சங்கம்’ திரைப்படமும் வெற்றி பெற்றிருப்பது குறிப்பிடத்தக்கது.