’கண்ணா லட்டு தின்ன ஆசையா’ படத்திற்குப் பிறகு சந்தானம் நாயகனாக நடித்திருக்கும் படம் ‘வல்லவனுக்கு புல்லும் ஆயுதம்’.

இப்படத்தில் சந்தானத்துக்கு ஜோடியாக அஷ்னா சவேரி நடித்திருக்கிறார். இவர்களுடன் மிர்ச்சி செந்தில் முக்கிய வேடம் ஏற்றிருக்கிறார். காமெடி நடிகர் ஸ்ரீநாத் இந்தப் படத்தை இயக்கியுள்ளார். சக்தி ஒளிப்பதிவு செய்ய படத்திற்கு சித்தார்த் இசையமைத்துள்ளார். படப்பிடிப்பு அனைத்தும் முடிவடைந்த நிலையில் படம் விரைவில் திரைக்கு வரவிருக்கிறது.

சமீபத்தில் இதன் டிரைலர் வெளியாகி ரசிகர்களிடையே பெரும் வரவேற்பை பெற்றுள்ளது. படத்தின் டிரைலரை இது வரையில் 10 லட்சத்திற்கு மேற்பட்ட ரசிகர்கள் பார்த்துள்ளனர். ஒரு காமெடி நடிகர் ஹீரோவாக நடித்துள்ள ஒரு படத்திற்கு இவ்வளவு பெரிய ஆதரவு ரசிகர்களிடமிருந்து கிடைத்திருப்பது திரையுலகினரை ஆச்சரியத்தில் ஆழ்த்தியுள்ளது.

இப்படத்திற்காக சந்தானம் உடல் எடையை குறைத்ததோடு மட்டுமல்லாமல் நடனம் மற்றும் சண்டை பயிற்சிகளையும் முறையாக பயின்றார் என்பது குறிப்பிடத்தக்கது.