கோச்சடையான் வெளியான 3 நாட்களில் 42 கோடி வசூல் செய்ததாக தகவல் வந்தது.

உலகம் முழுவதும் நல்ல வசூலை தான் தந்துள்ளதாம், ஆனால் பாலிவுட்டில் எதிர்பார்த்த வெற்றியை பெறவில்லை என்னும் அதிர்ச்சி செய்தி ஒன்றை தயாரிப்புக்குழு தெரிவித்துள்ளது.

இதுகுறித்து தயாரிப்பாளர் முரளி மனோகர் கூறியது “குறுகிய நேரத்திலும், பட்ஜெட்டிலும் ‘கோச்சடையான்’ படத்தினை பண்ணினோம். இன்னும் நன்றாக பண்ணி இருக்கலாம். இதன் அடுத்த பாகத்தில் அதிக சிரத்தை எடுத்து பணியாற்றுவோம்.

மோஷன் கேப்சர் தொழில்நுட்பம் என்பது இந்திய ரசிகர்களுக்கு புதிது. தமிழ் மற்றும் தெலுங்கு ரசிகர்கள் படத்தினை ஏற்றுக் கொண்டார்கள். ஆனால், இந்தி ரசிகர்கள் இந்த தொழில்நுட்பத்தினை ஏற்றுக் கொள்ளவில்லை. வட இந்தியாவில் ‘கோச்சடையான்’ படத்திற்கு வரவேற்பு இல்லை என்பது உண்மை தான்.

தமிழ் மற்றும் தெலுங்கில் நல்ல வரவேற்பு இருக்கிறது. இந்திக்கு போட்ட முதலீட்டை எடுக்க எதிர்பார்த்த நாட்களை விட அதிகம் தேவைப்படுகிறது. ஆனால், நாங்கள் முதலீடு செய்த பணத்தினை எடுத்து விடுவோம் என்ற நம்பிக்கையில் இருக்கிறோம்” என்று தெரிவித்துள்ளார்.