சமீபகாலமாக விஜய் மற்ற நடிகர்களையும் அவர்கள் நடிக்கும் படங்களையும் வெளிப்படையாக பாராட்டி வருகிறார்.

சதுரங்க வேட்டை, ஜிகர்தண்டா, கதை திரைக்கதை வசனம் இயக்கம் படங்களைத் தொடர்ந்து விஜய் பாராட்டில் இப்போது புதிதாக இணைந்திருப்பது நாய்கள் ஜாக்கிரதை படத்தின் டிரைலர். சத்யராஜின் மகன் சிபிராஜ் நீண்ட இடைவெளிக்குப் பிறகு நாயகனாக நடித்திருக்கும் படம் நாய்கள் ஜாக்கிரதை. இப்படத்தை இயக்குனர் சக்தி ராஜன் இயக்கியிருக்கிறார்.

சத்யராஜின் நாதம்பாள் பிலிம் ஃபாக்டரி இந்த படத்தை தயாரித்திருக்கிறது. படத்தில் ஒரு முக்கியமான கதாபாத்திரத்தில் பெல்ஜியன் ஷெப்பர்ட் வகை நாய் நடித்திருக்கிறது. இந்த படத்தின் டிரைலர் சமீபத்தில் ரிலீஸ் ஆனது.

இந்த டிரைலரை பார்த்துவிட்டு விஜய் பாராட்டியது மட்டுமில்லாமல் இது என்னை மிகவும் கவர்ந்திருப்பதாகவும் கூறினாராம். மேலும் இந்தப் படம் கண்டிப்பாக உங்களுக்கு பெரிய திருப்பத்தை தரும் என்று நம்பிக்கையும் கொடுத்துள்ளார்.