திரையுலகில் மிக உயரிய விருதாகக் கருதப்படும் ஆஸ்கர் விருதுக்கான போட்டியில் இசையமைப்பாளர் ஏ.ஆர். ரஹ்மான் மீண்டும் இடம்பெற்றுள்ளார்.
மோஷன் கேப்சரிங் தொழில் நுட்பத்தில் ரஜினிகாந்த் நடித்த “கோச்சடையான்’, ஹாலிவுட் திரைப்படங்களான “மில்லியன் டாலர் ஆர்ம்’, “தி ஹண்ட்ரட் புட் ஜர்னி’ ஆகிய 3 படங்களில் இசையமைத்ததற்காக அந்த விருதுக்கான போட்டியில் அவர் மீண்டும் இடம்பெற்றுள்ளார்.
ஹாலிவுட் திரைப்படமான “ஸ்லம்டாக் மில்லியனர்’ படத்துக்காக 2 ஆஸ்கர் விருதுகளை ஏ.ஆர். ரஹ்மான் கடந்த 2009ஆம் ஆண்டு பெற்றார். அதைத் தொடர்ந்து, 2011ஆம் ஆண்டு “127 ஹவர்ஸ்’ என்ற ஹாலிவுட் திரைப்படத்துக்காக 2 பிரிவுகளின் கீழ் ஏ.ஆர். ரஹ்மானின் பெயர் பரிந்துரை செய்யப்பட்டிருந்தது.
ஆஸ்கர் விருதுகளுக்காக தேர்வு செய்யப்பட்டவர்களின் பெயர் விவரங்கள், அடுத்த ஆண்டு ஜனவரி மாதம் 15ஆம் தேதி அமெரிக்காவின் லாஸ்ஏஞ்சலீஸ் நகரில் அறிவிக்கப்படும். அதன்பிறகு அந்த விருதுகள், பிப்ரவரி மாதம் 22ஆம் தேதி வழங்கப்படும்.
இதையொட்டி, ஆஸ்கர் விருது பெறுவதற்காக இசைத்துறையில் பரிந்துரைக்கப்பட்டுள்ள 114 பேரின் பட்டியலை அகாதெமி விருது அமைப்பு தற்போது வெளியிட்டுள்ளது. அதில், ஏ.ஆர். ரஹ்மான் பெயர் இடம்பெற்றுள்ளது.
இதேபோல், பிரபல பாடகர் சோனு நிகாம், தாள வாத்தியக் கலைஞர் விக்ரம் கோஷ் ஆகியோரும் ஆஸ்கர் விருதுக்கான போட்டியில் உள்ளனர்.
-http://www.dinamani.com
மீண்டும் விருது பெற வாழ்த்துக்கள்.
வெற்றி பெற வாழ்த்துகள்!
லிங்கவில் இசையை சொதப்பி விட்டார் ,ஒருவருக்கே வாய்ப்புகளை கொடுத்தால் இதுதான் கதி
பு லா வ் பேசர் போறவருக்கு போட்டியே தேவை இல்லை .
எனது வாழ்த்துக்களும். தமிழர்களுக்கும் பெருமைதான்– ஆனால் அவர் தமிழன் என்ற முறையில் அல்லது முஸ்லிம் என்ற முறையில் அதை ச ந்திப்பாரா?
ரெஹ்மான் இனி முகத் தாட்சண்யத்துக்காக இசையமைக்க ஒத்துகொள்ளக்கூடாது. தரமான கதை மற்றும் தன்னுடைய இசைத் திறமைக்கு சவால் விடும் படங்ககளாக ஒத்துக்கொள்வது சிறப்பு. ஆனாலும் என்ன செய்வது..வியாபாரம் பணம் என்று வந்த பிறகு எல்லாமே அடிபட்டுப் போய்விடுகிறதே . ஆனாலும் மீண்டும் ஓர் ஆஸ்காரை வெல்ல என்னுடைய வாழ்த்துக்கள்