வெம்ப்ளே: லண்டனில் நடைபெற்ற நிகழ்ச்சியில் ஏஆர் ரஹ்மான் தமிழ் பாடல்களை பாடியதால் வட இந்தியர்கள் நிகழ்ச்சியை புறக்கணித்து பாதியிலேயே வெளியேறினர். மேலும் சமூக வலைதளங்களிலும் ஏஆர் ரஹ்மான் தமிழில் பாடியதாகவும் பேசியதாகவும் கொந்தளித்துள்ளனர்.
தமிழகத்தின் தலைச்சிறந்த இசையமைப்பாளர்களில் ஒருவர் ஏஆர் ரஹ்மான். தமிழகத்தை சேர்ந்தவராக இருந்தாலும் இந்தி உட்பட பல மொழிகளிலும் இசையமைத்து வருகிறார். ஏராளமான இசை ஆல்பங்களையும் வெளியிட்டுள்ளார். தேசிய விருது முதல் ஆஸ்கர் விருது வரை அனைத்து விருதுகளையும் குவித்துள்ளார்.
நேற்று இன்று நாளை
இந்நிலையில் ஏஆர் ரஹ்மான் லண்டனின் வெம்ப்ளி ஸ்டேடியத்தில் கடந்த 8ஆம் தேதி இசை நிகழ்ச்சி ஒன்றை நடத்தினார். நேற்று இன்று நாளை என்ற தலைப்பில் இசை நிகழ்ச்சி நடைபெற்றது.
அதிக தமிழ் பாடல்கள்
தமிழ் தலைப்பில் தமிழர்களுக்காக நடத்தப்பட்ட இந்நிகழ்ச்சியில் ஏஆர் ரஹ்மான் தமிழிலேயே பேசினார். நிகழ்ச்சியிலும் தமிழ் பாடல்களே பாடப்பட்டன.
புறக்கணித்த வடஇந்தியர்கள்
இதனால் வெறுப்படைந்த இந்திவாலாக்கள் நிகழ்ச்சியை பாதியிலேயே புறக்கணித்து வெளியேறினர். மேலும் அவர்கள் இதுகுறித்து கொந்தளித்து சமூக வலைதளங்களில் கருத்து தெரிவித்துள்ளனர்.
குருட்டாம் போக்கில்..
அழகு தமிழில் நேற்று இன்று நாளை என தலைப்பிலேயே கூறியுள்ள நிலையில் அதனை கேட்டு தெரிந்து கொள்ளாமல் குருட்டான் போக்கில் வந்து உட்கார்ந்தது யார்? தமிழ் தெரியாத வட இந்தியர்கள் அதனை ஸ்பேனிஷ் என நினைத்தனரோ என்னவோ புரியாமல் நிகழ்ச்சிக்கு வந்தது யார்?
எங்களுக்கும் இப்படி தானே..
தமிழ்நாட்டைச் சேர்ந்த இசையமைப்பாளர் தமிழர்களுக்காக நடத்தும் நிகழ்ச்சியில் தமிழில் பாடாமல் ஃபிரெஞ்சு மொழியிலா பாடுவார்? பொழுது போக்கு நிகழ்ச்சியிலேயே வேறு மொழியை புரிந்து கொள்ள முடியாமல் புறக்கணித்த வட இந்தியர்களே, தமிழ்நாட்டில் அனைத்திலும் இந்தியை திணிக்கும் போது எங்களுக்கும் இப்படி தானே இருந்திருக்கும்?
தமிழ் நிகழ்ச்சியில், தமிழ்ப் பாடல்கள் பாடினால் கூட டென்ஷனா? இப்போது தமிழ், தமிழன் என்றால் கூட சிலர் டென்ஷன் ஆகிறார்கள்! என்ன கொடுமை சார்!
வட இந்தியனின் உண்மை முகம் இதுதான் .தமிழனை இது விழித்தெழுந்து ஒன்றுபட வைக்க வேண்டும்
சுமார் இரண்டு ஆண்டுகளுக்கு முன் மலாக்காவில் ஒரு நிகழ்வில் அங்கு வாழும் இந்தியர் நடுவில் .உரையாற்றினேன் .அங்கு ஒருவரைத்தவிர அனைவரும் தமிழ் அறிந்தவர்கள் .தமிழில் உரையாற்றினேன் .நம் சமுதாயத்தின் எதிர்காலம் .இன்றைய அவல நிலை இவை பற்றி பேசினேன் . அங்கிருந்த வட இந்திய நண்பர் ஐந்து நிமிடங்களில் எழுந்து சென்றுவிட்டார். ஏன் சிறுபான்மையினராக இருக்கும் அவர்கள் தமிழ் பேச கற்றுக்கொள்ளக்கூடாது ?இந்தியை மட்டும் தமிழர் கற்க வேண்டும்.
இந்தியாவில் இப்போது என்ன நடக்கிறது? வெளிநாடுகளில் தமிழர்கள் இந்தியர்களாகவே ஏற்று கொள்ளப்படுவதில்லை இந்த வடக்கத்தியர்களால். நான் இங்கிலாந்தில் இருக்கும் பொது தெறிந்து கொண்டேன்.
இந்தியா? ஒரு நாடா? அல்லது பல துண்டு நாடுகளாக இருந்து ஒட்டி வைத்த கண்ணாடியா?
வட இந்தியனுக்கு எப்போதும் இனப் பற்று அதிகம் . தமிழனுக்கு கொஞ்சம் குறைவு