விஸ்வரூபம்-2 படத்தின் பர்ஸ்ட் லுக்கை வெளியிட்டுள்ளார் கமல். ஒரு நிமிடம் மற்றும் 3 நிமிட ட்ரைய்லரும் தயாராகி விட்டது. அதுவும் விரைவில் ரிலீசாக இருக்கிறது. அதற்கு முன் படம் பற்றி நம்முடைய ஒரு சிறிய ட்ரைலர் இது…
முதல் பாகத்தில் கமல் அமெரிக்காவில் வேலையை முடித்து விட்டு இந்தியா திரும்பி விடுகிறார். இரண்டாவது பாகத்தில் வில்லன் ஒமர் கமலை தேடி இந்தியா வருகிறான். கமல் தமிழ்நாட்டில் இருப்பதை அறிந்த கொண்டு தனது வேட்டையை தமிழ்நாட்டில் ஆரம்பிக்கிறான். அவனை இங்கு எப்படி அழிக்கிறார் என்பதுதான் இரண்டாவது பாக கதை.
இதுவரை முக்கால்வாசி படப்பிடிப்புகள் முடிந்துள்ளது. அமெரிக்கா, தாய்லாந்தில் முதல் கட்ட படப்பிடிப்புகள் முடிந்து இரண்டாம் கட்ட படப்பிடிப்புகள் சென்னையில் ரகசிய இடத்தில் நடந்து வருகிறது. மூன்றாவது கட்டமாக கிளைமாக்ஸ் டெல்லியில் படமாக இருக்கிறது.
முதல் பாகத்தில் ரொமான்ஸ் அதிகம் இல்லை. இரண்டாம் பாகத்தில் அதற்கும் சேர்த்து இருக்கிறதாம். பூஜா குமார், ஆண்ட்ரியா இருவருடனும் நெருக்கமான ரொமான்ஸ் இருக்கிறது. ஆண்ட்ரியாவுடன் கமல் பிராண்ட் லிப்லாக் கிஸ் இருக்கிறதாம். வில்லன்களால் பூஜா குமார் கொல்லப்பட்டு விட ஆண்ட்ரியா கமலை காதலிப்பது மாதிரியாக கதை திரும்புகிறதாம்.
முதல் பாகத்தின் நடன காட்சி தேசிய விருதை தட்டிச் சென்றதால் இரண்டாம் பாகத்தில் அதைவிட பவர்புல் நடனக் காட்சி ஒன்று இடம்பெறப்போகிறதாம். சந்திரலேகா படத்தில் இடம்பெற்ற டிரம்ஸ் பாடல்காட்சி இப்போது வரை பேசப்படுவதைப்போல இந்த பாடல் காட்சி இனிமேல் பேசப்படுமாம். பாடல் காட்சிக்காக மட்டும் 5 கோடி பட்ஜெட் போட்டிருக்கிறாராம் கமல்.
முதல் பாகத்துக்கு வந்த எந்த பிரச்னையும் இதற்கு வந்துவிடக்கூடாது என்பதில் கவனமாக இருக்கிறாராம். இந்து முஸ்லிம் ஒற்றுமையை ஓங்கி பிடிக்கும் வகையில் படம் இருக்கிறதாம். ஏற்கெனவே இடம்பெற வேண்டும் என்று முடிவு செய்யப்பட்டிருந்த சில காட்சிகளை நீக்கி விட்டாராம். நட்பு, தாய், மகன் பாசத்தை இதுவரை இல்லாத புதிய பார்முலாவில் சொல்லப்போகிறார் கமல்.
120 கோடி பட்ஜெட்டில் உருவாகி வரும் விஸ்வரூபம் 2 வை ரசிகனுக்கு தீபாவளி விருந்தாக பரிமாறப்போகிறார் கமல்.
