ஒரு படத்திலாவது கவர்ச்சியாக நடிக்க வேண்டும் என ஆசைப்படுகிறாராம் நந்திதா.

அட்டகத்தி படத்தில் கல்லூரி மாணவியாக யதார்த்தமான பெண்ணாக நடித்து ரசிகர்களின் மனதில் இடம்பிடித்தவர் நந்திதா.

இந்த படத்திற்கு பிறகு நடித்த எதிர்நீச்சல் படமும் நல்ல பெயரை பெற்று தந்தது.

தற்போது இதற்குத்தானே ஆசைப்பட்டாய் பாலகுமாரா படத்தில் குமுதா என்ற கதாபாத்திரத்தில் நடித்துள்ளார்.

இந்த படத்திலும் பக்கத்து வீட்டு பெண் போன்ற தோற்றம் தானாம், இதேபோன்று தான் நளனும் நந்தினியும் படத்திலும் வருகிறாராம்.

இந்நிலையில் ஒரே கதாபாத்திரத்தில் நடித்து வரும் நந்திதாவுக்கு, ரொம்பவே போரடித்து விட்டதாம். எனவே கவர்ச்சியாக நடிக்க முடிவு செய்துள்ளாராம்.

இதுகுறித்து அவர் கூறுகையில், எனக்கு கவர்ச்சியாக தான் நடிக்க ஆசை, சமீபத்தில் தான் இது தொடர்பாக போட்டோ ஷூட்டும் எடுத்தேன்.

ஆனால் எனக்கு வரும் 10 கதையில் 8 கதை யதார்த்தமா, பக்கத்து வீட்டு பெண் போன்ற வேடம் தான் கிடைக்கிறது.

ரசிகர்களும் அதை தான் விரும்புவாங்க போல, இருந்தாலும் ஒரு படத்திலாவது நல்ல கவர்ச்சியாக நடிக்க வேண்டும், பொறுத்திருந்து பார்ப்போம் என தெரிவித்துள்ளார்.