டெல்லியில் குடும்பம் ஒன்றிற்கு மாதத்திற்கு இலவசமாக 20 ஆயிரம் லிட்டர் குடிநீர் வழங்க உத்திரவிடப்பட்டுள்ளது.

டெல்லியில் வசிக்கும் மக்களுக்கு இலவச குடிநீர் வழங்கும் திட்டம் குறித்து, முதல்வர் கெஜ்ரிவால் வீட்டில் ஆலோசனை கூட்டம் நடந்தது.

இக்கூட்டத்தில் டெல்லி குடிநீர் வாரிய அதிகாரிகள் கலந்து கொண்டனர்.

இதில், ஆம் ஆத்மி கட்சி தேர்தல் வாக்குறுதியில் கூறியபடி, இலவச குடிநீர் வழங்க முடிவு எடுக்கப்பட்டது.

ஜனவரி 1ம் திகதி முதல் இலவச குடிநீர் வினியோகம் அமல்படுத்தப்படுவதாக டெல்லி அரசு அறிவித்துள்ளது.

மாதத்திற்கு 20 ஆயிரம் லிட்டருக்கு மேல் பயன்படுத்தினால் விதிப்படி கட்டணம் வசூலிக்கப்படும் என்றும் அறிவிக்கப்பட்டுள்ளது.