மத்திய அரசாங்கத்தின் பட்ஜெட்டில் பாதுகாப்பு துறைக்கான நிதி ஒதுக்கீடு குறைந்தபோதும், இந்திய இராணுவத்தை நவீனமயமாக்கும் பணி தொடர்கிறது.

கடந்த 5 ஆண்டுகளில் மட்டும் ராணுவ நவீனமயமாக்கலுக்காக 3.25 லட்சம் கோடி ரூபா செலவீடப்பட்டிருக்கிறது.

2013-2014ஆம் ஆண்டு பாதுகாப்பு துறைக்காக ஒதுக்கப்பட்ட 2.3 லட்சம் கோடி ரூபா நிதியில், ராணுவத்தை நவீனமயமாக்கும் பணிக்காக இதுவரை 82 சதவீத தொகை செலவிடப்பட்டிருக்கிறது. எஞ்சிய தொகையும், இன்னும் ஒரிரு வாரங்களில் செலவிடப்பட்டுவிடும் என்று பாதுகாப்பு அமைச்சக வட்டாரங்கள் தெரிவிக்கின்றன.

இதுவரை செலவிடப்பட்ட நிதியைக் கொண்டு, பத்து சி-17 கனரக விமானங்கள், 12 சரக்கு போக்குவரத்து விமானங்கள், 12 நீர்மூழ்கி எதிர்ப்பு போர் விமானங்கள், அகுலா 2 நீர்மூழ்கி கப்பல், சூ-30எம்.கே.ஐ. விமானம் ஆகியவை கொள்முதல் செய்யப்பட்டுள்ளன.

இது தவிர்த்து, இந்தியாவில் சொந்தமாக உருவாக்கப்பட்ட தேஜஸ் விமானம் மற்றும் மிக் 2000 போர் விமானத்தை நவீனமயமாக்கவும் நிதி பயன்படுத்தப்பட்டுள்ளது.

கடந்த 2011-2012, 2012-2013ஆம் ஆண்டுகளிலும் ராணுவ நவீனமயமாக்கல் பணிக்காக 1.38 லட்சம் கோடி ரூபா செலவிடப்பட்டது என்பது குறிப்பிடத்தக்கது.