பாஜக மூத்த தலைவர் நரேந்திர மோடி, பிரதமராக பதவியேற்கும் விழாவுக்கு வருமாறு இலங்கை அதிபர் ராஜபக்சவுக்கு அழைப்பு அனுப்பப்பட்டதை ரத்து செய்ய வேண்டும் என்ற தமிழக கட்சிகளின் கோரிக்கைகளை பாஜக நேற்று வியாழக்கிழமை நிராகரித்து விட்டது.
இது குறித்து டில்லியில் அக்கட்சியின் செய்தித் தொடர்பாளர் நிர்மலா சீதாராமன் செய்தியாளர்களிடம் வியாழக்கிழமை பேசுகையில்,
மோடி பிரதமராக பதவியேற்க உள்ள விழா, ஜனநாயகத்தின் மகிழ்ச்சியை கொண்டாடும் விழாவாக நடைபெறுகிறது.
அந்த விழாவில் பங்கேற்பதற்காகதான் அண்டை நாட்டுத் தலைவர்களுக்கு அழைப்பிதழ்கள் அனுப்பப்பட்டுள்ளன.
இதுவொரு வெற்றிக் கொண்டாட்ட நிகழ்ச்சியாகும். அண்டை நாடுகளுடனான நல்லுறவை வலுப்படுத்த வேண்டுமென்றதற்காக அந்நாட்டுத் தலைவர்கள் அழைக்கப்பட்டுள்ளனர்.
இந்த மகிழ்ச்சிகரமான தருணத்தில், அவர்கள் நிச்சயம் பங்கேற்பார்கள் என்று எதிர்பார்க்கிறோம்.
இந்த அடிப்படையில்தான் ராஜபக்சவுக்கும் அழைப்பிதழ் அனுப்பப்பட்டுள்ளது.
இதை தமிழக கட்சிகள் புரிந்து கொள்வார்கள் என்று நம்புகிறேன் என்றார்.
இந்த விவகாரம் தொடர்பாக பாஜக செய்தித் தொடர்பாளர் பிரகாஷ் ஜாவடேகர் கூறுகையில்,
முன்னாள் பிரதமர் வாஜ்பாய் அண்டை நாட்டுத் தலைவர்களுடன் நல்லுறவை கடைப்பிடித்து வந்தார். அதை தற்போது மோடி பின்பற்றுகிறார் என்று தெரிவித்தார்.
பாஜக மூத்த தலைவர் வெங்கய்ய நாயுடு கூறுகையில்,
நாட்டின் நலன் கருதி அண்டை நாடுகளின் நல்லுறவை இந்தியா வளர்த்து வருகிறது. அதனால்தான் பாகிஸ்தான் பிரதமர் நவாஸ் ஷெரீஃபுக்கும் அழைப்பு விடுக்கப்பட்டுள்ளது என்று கூறினார்.
இலங்கை அதிபர் ராஜபக்சவுக்கு அழைப்பு விடுத்ததற்கு தமிழக அரசியல் கட்சிகள் எதிர்ப்பு தெரிவிப்பது குறித்து செய்தியாளர்கள் எழுப்பிய கேள்விகளுக்கு அவர் நேரடியாகப் பதிலளிக்கவில்லை
அழைத்தது ஒன்றும் குற்றம் இல்லை …அழைத்து வந்து பேசினால் நட்பு வளரும் ..சண்டையால் சாதிப்பதை விட அன்பால் சாதிப்பது மேல் ….
ஆரம்பமே விழாக்கோலம் என்றால்… இதற்கான செலவுகள் யாருடைய பணத்தில் எனும் கேள்வி தானாகவே எழும். இது பாரதிய ஜனதாவின் பணத்தில் நடக்கும் விழாவா? அல்லது இந்திய அரசின் மக்கள் வரிப்பணத்தில் நடக்கும் விழாவா? என்பது முக்கியம். அரசின் பணம் என்றால் ஊதாரிச் செலவு என்றாகும். ஆயிரமாயிரம் கோடிகளைச் செலவு செய்து தேர்தல் முடிந்து ஆட்சி அதிகாரத்தில் அமரும் மோடிக்கு இப்படிப் பட்ட ஊதாரிச் செலவு தேவைதானா? ஆடம்பர அமர்கள ஆர்ப்பாட்டங்கள் தேவைதானா? அயல் நாட்டு உறவினை மேம்படுத்த எத்தனையோ சிக்கனமான வழிகள் இருக்கும்போது, ஒர் ஏழைமக்கள் நிரம்பிய நாட்டில் , மக்கள் பணத்தைச் செலவு செய்து , பதவியேற்பை பெரு விழாவாகக் கொண்டாட வேண்டிய ஊதாரி அவசியம் என்ன? மக்கள் பணத்தை ஊதாரித்தனமாகச் செலவு செய்ய அஞ்சுபவனே உண்மையான மக்கள் தலைவன். மோடி மக்கள் தலைவனா? கண்களை மூடிக்கொண்டு அறிவின்றி ஓட்டுக்களைப் போட்டுவிட்டு பின்பு கடவுள் எங்கள் தலையில் இப்படி எழுதிவிட்டார் அப்படி எழுதிவிட்டார் என்றும், இது பூர்வ ஜென்ம வினைப்பயன் அது …இது… என்று பழையப் பண்டாரத்தனமாய் முணுமுணுத்தால் அறிவுலகம் இந்தியனின் அறியாமையை எண்ணி காறித் துப்பத்தான் செய்யும்.
தமிழா சார்! ஏற்கனவே ஜெயலலிதாவும், கருணாநிதியும் கோடிக் கோடியாக மக்கள் பணத்தை மாறி மாறி ஏப்பம் விட்டார்கள். நிச்சயமாக நீங்கள் கதறி அழுதிருப்பீர்கள்! மோடி, காந்தி பிறந்த மாநிலத்துக்காரர். கஞ்சத்தனம் உள்ளவர். ஆனால் என்ன செய்வது? வெளி நாட்டுக்காரர்களுக்காக அவரும் கொஞ்சம் வேஷம் போட வேண்டிருக்கிறது! கொஞ்சம் விட்டுக் கொடுப்போம்!
தமிழனை இப்படி உசுபேத்தி உசுபேத்தியே எல்லாரும் காரியம் சாதிகிரார்கள்
பஜக கட்சில்ழும அபோ மீனவர் கதி????????
தமிழன் என்றைக்கு ஒற்றுமையாக இருக்கிறானோ, அன்றைக்குத்தான் இவன் மதிப்பு உயரும். அது வரைக்கும் இவன் கேவலம் ஆனவனே.
வட நாட்டு இந்தியர்கள் அதிகமாக வாழும் பிஜியில் இராணுவத்தால் ஜனநாயக ஆட்சி கவிழ்க்கப் பட்டபொழுது, பிஜியை கோமன்வேல்த்திலிருந்து வெளியேற்றப்பட வேண்டும் என்று முதலில் குரல் கொடுத்தது இந்தியாவே காரணம் வடநாட்டவர் ஒருவர் பிரதம பதவியிலிருந்து தூக்கி எறியப் பட்டதாலே. தமிழன் கண்ணீர் துடைக்க இந்தியாவை நம்புவதில் பிரயோசனம் இல்லை. நம் கையே நமக்கு உதவி.
இந்தியாவிற்கு எவன் ஆட்சிக்கு வந்தாலும் அவன் கண்டிப்பாக
தமிழனின் விரோதிக்கு சிவப்பு கம்பளத்தை விரித்து வரவேற்ப்பு செய்வான் ,இது சாபக்கேடு நைனா.
தென்னாட்டுக்காரன் சொல்லி வடநாட்டுக்காரன் கேட்பானா . எல்லாம் அரசியல் நாடகம்தான் .