தாய்மொழிக்கு எதிரான போராட்டத்தை அனுமதிக்கக் கூடாது என இந்திய கம்யூனிஸ்ட் கட்சியின் மாநிலச் செயலாளர் தா. பாண்டியன் வலியுறுத்திóயுள்ளார்.
இது குறித்து வியாழக்கிழமை அவர் வெளியிட்ட அறிக்கை:
தாய்மொழியான தமிழை கட்டாயம் கற்பிக்க வேண்டும் என சட்டம் இயற்ற வேண்டிய நிலை தமிழகத்தில் ஏற்பட்டுள்ளது.
தமிழகம் மற்றும் புதுச்சேரியில் புற்றீசல் போல முளைத்துள்ள மெட்ரிகுலேஷன் பள்ளிகள், ஆங்கில வழிக் கல்விக்கு வழிவகுத்து விட்டதால் இந்த நிலை ஏற்பட்டுள்ளது.
பணத்தை மட்டுமே குறிக்கோளாகக் கொண்டுள்ள இப்பள்ளிகள், “கல்வித் தரம் உயரும், வேலைவாய்ப்பு எளிதாகக் கிடைக்கும்’ என்ற கவர்ச்சிகரமான பிரசாரத்தின் மூலம் பெற்றோர்களை கவர்ந்திழுக்கின்றன.
அவர்களின் பசப்பு வார்த்தைகளை நம்பும் பெற்றோர்கள், ஆங்கில வழிக் கல்வியில் தங்களது குழந்தைகளை சேர்க்க லட்சக்கணக்கில் செலவு செய்ய தயாராக உள்ளனர்.
பெற்றோர்களின் பலவீனத்தைப் பயன்படுத்தி பணம் பறிக்கும் இப்பள்ளிகள், தாய்மொழியாம் தமிழுக்கு இங்கே வேலை இல்லை என்ற முடிவுக்கு வந்துவிட்டனர். இவர்களின் இத்தகைய அத்துமீறிய செயலுக்கு முடிவு கட்டவும், தமிழைக் காக்கவும் 2006-ஆம் ஆண்டு முதல் தமிழை ஒரு மொழிப் பாடமாக கற்பிப்பது கட்டாயமாக்கப்பட்டுள்ளது.
இதனை எதிர்த்து மெட்ரிகுலேஷன் பள்ளிகள் சங்கத்தின் சார்பில் சென்னை உயர் நீதிமன்றத்தில் வழக்கு தொடரப்பட்டுள்ளது. இதனை தமிழ் மொழிக்கு எதிரான யுத்தமாக இந்தியக் கம்யூனிஸ்ட் கட்சி கருதுகிறது.
தமிழ் மொழிக்கு எதிரான யுத்தத்தை ஒருபோதும் அனுமதிக்க முடியாது. தமிழுக்கு எதிராக தொடர்ந்துள்ள வழக்கை மெட்ரிகுலேஷன் பள்ளிகள் சங்கம் திரும்பப் பெற வேண்டும்.
தமிழ் மொழியைக் காக்க தமிழக அரசு உறுதியான நடவடிக்கை எடுக்க வேண்டும் என தா. பாண்டியன் வலியுறுத்தியுள்ளார்.
தமிழ் நாட்டில் , தமிழ் மொழி வளர்க்க தமிழன் பாடாய் பட வேண்டி உள்ளது ! திராவிடன் செய்த சூழ்ச்சியை இன்னும் தமிழ் மக்கள் உணரவில்லை !
ஏன் நண்பர் நந்தா இங்குமட்டும் என்னவாம் ?
சிங்கபூரை போல் கல்விமுறை கொண்டுவரப்பட வேண்டும். போதனா மொழியாக ஆங்கிலத்தையும் கட்டாய தேர்வு தாய் மொழி/தமிழையும் ஆக்க வேண்டும்.தமிழ் தேர்வாதாக யாரும் மேல் படிப்புக்கு போக முடியாத நிலை இருந்தால் — ஒரே கல்லில் இரு மாங்காய். பெரும்பான்மையோர் வெளி நாட்டு வேலைக்காகவே ஆங்கிலம் பயிற்கின்றனர் . சொந்த நாட்டில் வேலை கிடைக்காத போது அவர்களை குறை சொல்லமுடியாது. எனினும் தமிழில் மேல் படிப்பு படித்த வர்களுக்கு தரந்தின் படி முதன்மை அளிக்கவேண்டும். என்ன மிகவும் வருத்தப்பட வேண்டிய விஷயம்- ஏன் நம்மவர்களுக்கு தாய் மொழிமேல் பற்றின்மை ? பெற்ற தாய்க்கும் தாய் மொழிக்கும் ஈடு இணை எதுமே கிடையாது–இது ஏன் நம்மவர்கள் மண்டையில் ஏற மாட்டேன் என்கின்றது?–அதிலும் தமிழ்நாட்டில் உள்ளவர்களுக்கு இவ்வளவு தாழ்வு மனப்பான்மை?
தமிழ் பள்ளி/மொழி ஆசிரியர்கள் தங்கள் பிள்ளைகளை தமிழ் பள்ளிகளிலே பயிலும் படி உத்தரவு பிறப்பிக்க வேண்டும்.அப்படி செய்தால் தமிழ் பள்ளிகளின் தரம் உயரும்.
தமிழனுக்கு தமிழ்ப்பற்று இல்லை. தாய்மொழியில்தான் தம் பிள்ளைகள் ஆரம்பக்கல்வியை கற்கவேண்டும் எனும் பகுத்தறிவுகூட தமிழனுக்கு இன்னும் வரவில்லை. ஆங்கில மோகம் கருப்புத் தமிழனுக்கு அதிகம். ஆங்கிலம் படித்தால் வெள்ளைக்காரனாகிடலாம் எனும் நினைப்போ என்னவோ? தமிழ் நாட்டில் உள்ள மற்ற மாநிலத்தவர்கள் நல்ல தமிழ் பேசுவதை அங்கே கண்டேன். நம்மவர்கள் பேசும் தமிழ் கேவலமாக இருக்கிறது. இதுக்காகவும் எதுக்காகவும் திராவிடனை குறைசொன்னா எப்படி? நம்ம வாழ்க்கை நம் கைகளில். திராவிடன் கெடுத்துப்புட்டான் , நான் கெட்டுப்போயிட்டேன் என்றால் உனக்கத் தன்மானம் இல்லையா என்று அடுத்தவன் நம்மைப் பார்த்துக் கேட்பானா இல்லையா? ஆதலால் திராவிடன் மேல் பழிபோட்டுத் தப்பித்துக்கொள்ளும் மனோபாவத்திலிருந்து முதலில் தமிழன் வெளியே வரணும். “அய்யய்யோ அவன்தான் என்னை கெடுத்துட்டான்! அவனாலத்தான் என் முன்னேற்றம் தடைபட்டது! அவன் மட்டும் எனக்குத் தொல்லைக் கொடுக்லேனா நான் வானத்தை வில்லா வளைத்திருப்பேன்!” என்பதெல்லாம் காலங்கடந்த, கவைக்குதவாதப் பேச்சு. மற்றவர்கள் மீது பழிபோட்டுவிட்டு தப்பித்துக்கொள்ளும் எஸ்கேபிச மனோபாவம் என்பேன்.
தாயே தாய் மொழியில் பேச வெட்கப்படுகிறார்.அப்புறம் பிள்ளைகளுக்கு எங்கே தாய் மொழிப்பற்று வரும்?
பக்கத்தில் உள்ள சுண்டைக்காய் சிங்களவன் தமிழ் நாட்டு மீனவர்களை அவ்வளவு கேவலபடுத்தியும் கொடுமைபடுத்தியும் அணியாயப்படுத்தியும் தமிழ்நாட்டு அரசுக்கு ஒன்றும் புடுங்க முடியவில்லை –இதிலிருந்தே நிலைமையை புரிந்து கொள்ளவேண்டும். நான் என்ன சொல்ல முடியும்.