இளைய தளபதி விஜய்க்கு இன்று(ஜூன் 22) தனது 40வது பிறந்த நாளை கொண்டாடுகிறார்.

சூப்பர் ஸ்டார் ரஜினிக்கு அடுத்தப்படியாக குழந்தைகள் விரும்பும் நடிகர் என்றால் அது இளைய தளபதி விஜய்தான். ‘நாளைய தீர்ப்பு’ படத்தில் அறிமுகமாகி இன்று பல வெற்றிகளை கொடுத்துள்ளார்.

நடனம், நடிப்பு, ஆக்ஷன் என அனைத்து ஏரியாகளிலும் புகுந்து விளையாடும் விஜய் தற்போது ஏ.ஆர். முருகதாஸ் இயக்கும் கத்தி படத்தில் நடித்து வருகிறார். கத்தி படத்தில் விஜய் இரண்டு கதாபாத்திரங்களில் நடிக்கிறார்.

இந்நிலையில் விஜய் இன்று தனது 40வது பிறந்தநாளை கொண்டாடுகிறார். அவரது பிறந்தநாள் பரிசாக கத்தி படத்தின் பர்ஸ்ட் லுக் போஸ்டர் நேற்று மாலை வெளியிடப்பட்டது. மேலும் விஜய்யின் பிறந்தநாளை உலகமெங்கிலும் உள்ள லட்சக்கணக்கான ரசிகர்கள் விமர்சியாக கொண்டாடி வருகின்றனர்.

அதோடு அவர்கள் பல்வேறு நலத்திட்ட உதவிகள் வழங்கவும் ஏற்பாடு செய்துள்ளனர். கோயில்களில் சிறப்பு பூஜை, ரத்தானம், இலவச கண் பரிசோதனை முகாம், அன்னதானம், மருத்துவமனையில் பிறகும் குழந்தைகளுக்கு தங்க மோதிரம் என இப்படி விஜய்யின் பிறந்த நாளை ரசிகர்கள் உற்சாகமாக கொண்டாடி வருகிறார்கள்.