தமிழகத்தில், மதுரை மாவட்டம் உசிலம்பட்டியில் தலித் இளைஞரைக் காதலித்த இளம் பெண் ஒருவர் மர்மமான முறையில் உயிரிழந்த நிலையில், காவல்துறைக்குத் தெரிவிக்கப்படாமல் அவரது உடல் எரிக்கப்பட்ட சம்பவம் பரபரப்பை ஏற்படுத்தியுள்ளது.
பூதிப்புரம் என்ற கிராமத்தைச் சேர்ந்த விமலா என்ற பெண் வேறு சமூகத்தைச் சேர்ந்த திலீப் என்ற வாலிபரைக் காதலித்துள்ளார். இந்தக் காதலுக்குப் பெற்றோர் எதிர்ப்புத் தெரிவித்ததால், விமலாவும் திலீப்குமாரும் கடந்த ஜூலை மாத இறுதியில் வீட்டை விட்டு வெளியேறினர். விமலா தேவியும் தானும் விருத்தாச்சலத்தில் உள்ள கோவிலில் திருமணம் செய்துகொண்டதாக திலீப் கூறுகின்றார்.
ஊர் திரும்பிய விமலா தேவியை காவல்துறையினர் சமரசம் செய்து பெற்றோருடன் அனுப்பிவைத்தனர். இதற்குப் பின்னர் மீண்டும் வேறு ஒருவருடன் திருமணம் நிச்சயம் செய்யப்பட்ட நிலையில், கடந்த அக்டோபர் 2-ம் தேதியன்று இரவு அந்தப் பெண் தூக்கிலிட்ட நிலையில் உயிரிழந்துள்ளார்.
அதன்பின்னர், காவல்துறையினருக்குத் தெரியாமல் விமலாவின் சடலத்தை அவரது பெற்றோர் எரித்தனர். விமலாவின் சடலத்தோடு, அவரது உடமைகளும் எரிக்கப்பட்டன. இது குறித்து கிராம நிர்வாக அலுவலர் அளித்த புகாரின் அடிப்படையில் காவல்துறையினர் அந்தப் பெண்ணின் பெற்றோர் உட்பட 8 பேரைக் கைதுசெய்துள்ளனர்.
‘கௌரவக் கொலைகள்’
இந்தச் சம்பவம் குறித்து மதுரை மாவட்டக் காவல்துறை கண்காணிப்பாளர் விஜேந்திர பிதரியிடம் கேட்டபோது, தடயவியல் ஆய்வுகளின்படி அந்தப் பெண் தற்கொலை செய்து இறந்துபோனதாகத் தெரியவருவதாகக் கூறினார்.
தற்கொலையாக இருக்கும்பட்சத்தில்,காவல்துறையினரிடம் தெரிவிக்காமல் அவரது சடலத்தை எரித்தது ஏன் என்று விமலாதேவியின் கணவரான திலீப்குமார் கேள்வி எழுப்புகிறார்.
ஆனால், உசிலம்பட்டி போன்ற பகுதிகளில் தற்கொலை செய்பவர்களின் சடலங்களை காவல்துறையினருக்கு அறிவிக்காமல் எரிக்கும் வழக்கம் உள்ளதாக காவல்துறை கூறுகின்றது.
ஆனால், உசிலம்பட்டி பகுதிகளில் சாதிப் பிரச்சனைகளால் ‘கௌரவக் கொலைகள்’ நடப்பது வழக்கமாக இருந்துவருவதாக மதுரை பகுதியில் செயல்பட்டுவரும் தலித் செயற்பாட்டாளர்கள் கூறுகின்றனர்.
கொலையாக இல்லாதபட்சத்தில் சடலத்தை ரகசியமாக எரிக்க வேண்டிய அவசியம் என்ன என்று தலித் செயற்பாட்டாளரான ஸ்டாலின் ராஜாங்கம் கேள்வி எழுப்புகிறார்.
தற்கொலைக்குத் தூண்டியதாக குற்றம்சாட்டப்பட்டவர்கள் மீது காவல்துறை வழக்குப் பதிவுசெய்துள்ளது.
இந்திய கம்யூனிஸ்ட் கட்சி இந்த சம்பவம் குறித்து முழுமையாக விசாரிக்க வேண்டுமென கோரிக்கை விடுத்துள்ளது. -BBC
தமிழ் நாட்டில் பேசும் மொழி தமிழ் அப்படி திருமணம் எனும் போது அது மேல் ஜாதியாக இருந்தால் என்ன தலித்துகளாக இருந்தால் என்ன .? ஒரே மொழி பேசும் இனத்தில் ஜாதி என்ன வேண்டி இருக்கு . அவர்கள் என்ன அண்ணன் தங்கையா திருமணம் செய்ய தடை விதிக்க . அறிவு கேட்ட முண்டங்கள … தமிழர்கள் ஜாதியை எதை வைத்து தீர்மாநிகின்றனர் என்று புரிய வில்லை .. தமிழர்களுக்கு குடும்ப பெயர் இருப்பதாக எனக்கு தெரியவில்லை ?? ( தப்பு இருந்தால் மனிக்கவும் ) எங்கள் வழக்கில் ஒரே குடும்ப பெயர் கொண்டவர்கள் காதலிக்க மாட்டார்கள் ,திருமணம் செய்யவும் மாட்டார்கள் . .
இந்திய சமுதாயமும் தமிழ் சமுதாயமும் முன்னேராததிர்க்கு இந்த ஜாதி வெறி போன்ற மிருகத்தனமான செய்கையே காரணம்.
சாதியை பச்சை குத்திவிட்டான் பல வித்தியாசம் அடிப்படையில்,கேட்க வேண்டியது ஈ.வே.ர.நாய்கண்ணையும் அவனின் இயக்கத்தையும்.மலேசியாவில் மட்டும் சாதி இல்லையா யென்ன,பிராணி பிக்கின்,பிராணி தங்கோங்.அது தனிப்பட்ட இருவரின் விவகாரம்.மூன்றாம் தரப்பு தலையீடு சரியில்லை.வாழ்க நாராயண நாமம்.
கயீ, யாரையா ஈ.வெ.ர. நாய்கன்?? உங்கள் வீட்டு வேலைக்காரனா??
மங்கை, உங்கள் இனத்தில் ஜாதி இல்லையென்று சொல்லுவது ஆச்சரியமாக இருக்கிறது! இந்தியாவில் ஒரு இந்தியனாகப் பிறந்து விட்டால் அவன் ஜாதியிலிருந்து தப்ப முடியாது! மலேசியாவில் கல்வி இருந்தால், பணம் இருந்தால் ஜாதி அடிபட்டுப் போகும். இங்கு ஜாதியின் வீரியம் குறைவு அதனால் நாம் தப்பித்தோம். தமிழகத்தில் அரசியல் கட்சியினருக்கு ஜாதியை வைத்துத் தான் பிழைப்பு நடக்கிறது!
ஆபிரகாம் ஜாதி என்பது எல்லோரிடமும் கட்டாயமாக உண்டு என்று சொல்ல வதற்கு இல்லை மலேசியாவில் வாழும் நாங்கள் மொழியை வளர்க்க ரகசியமாக பாடு பட வேண்டி உள்ளது . எங்கள் பிள்ளைகள் திசை மாறாமல் பார்த்துகொள்கிறோம் அதனால் உறவு முறை , வீட்டு பெயர் போன்றவைகளை பார்த்து திருமணம் செய்து வைக்கிறோம் இது வரை எந்த பிரச்னையும் வந்ததில்லை என் உறவு பையன் குட எங்கள் மொழி பேசும் கில் ஜாதி பொண்ணை காதலித்த பொது அவள் என்ன படிதிருகின்றாள் அவள் குடும்ப பெயர் என்ன என்று பார்த்தோம் தி ருமணம் செய்யும் முறை உள்ளத என்று பார்த்த பின் முடிவு செய்தோம் . அந்த பெண்ணும் புகுந்த விட்டின் அனுச்டனங்களை கடைபிடிக்கின்றாள் . ஜாதி என்பது அவரவர் பார்வையில் உள்ளது. ஒரே மொழி பெசுபவருக்குள் என்னைய ஜாதி வேண்டி இருக்கு ? வேறு வேறு மொழி பேசுபவரை திருமணம்
மங்கை, வீட்டுப் பெயர் என்பது மலையாளிகளிடம் உள்ள ஒரு பழக்கம். தமிழ் நாட்டில் ஊர் பெயர் வைப்பது வழக்கத்தில் உள்ளது. வீட்டுப் பெயர் என்பது நிச்சயமாக உறவு முறையில் வரும் என்பதால் திருமணம் சரியாக வராது. அது தான் சொன்னேனே கல்வி இருந்தால், பணம் இருந்தால் ஜாதியைப் பற்றி யாரும் கவலைப்படப் போவதில்லை. இது மலேசியாவில் மட்டும் தான். கேராளாவில் இதெல்லாம் நடக்காது. அங்கும் தமிழ் நாடு மாதிரி தான். உயர்ந்த ஜாதிக்காரன் அவ்வளவு சீக்கிரத்தில் விட்டுக்கொடுக்கமாட்டான். மலேசியாவில் ஒரு தமிழன் ஒரு மலையாளத் தாழ்ந்த இனத்துப் பெண்ணை திருமணம் செய்து கொள்ளுவான். அது போலத் தெலுங்கு, சீனப்பெண், மலாய்க்காரப் பெண் என்று வரும் போது அங்கு ஜாதி வருவதில்லை. தமிழர்களிடையே மட்டும் தான் பாகுபாடு பார்ப்பார்கள்.ஆனால் கல்வி, பொருளாதாரம் இதனை நாளடைவில் சீர் செய்து விடும் என நம்புவோம். உங்கள் இனத்தில் ஜாதி பார்ப்பதில்லை என அறியும் போது மிக்க மகிழ்ச்சி. நீங்கள் இந்தியர் அல்ல என்பது புரிகிறது. உங்கள் மொழியை வளர்க்க ரகசியம் காக்கப்படுகிறது என்றால் அது என்ன எரேமிய மொழியாக இருக்குமோ!
சிறு வயதில் நன்னெறி பாடமொன்ரில் ‘சாதி இரண்டொழிய சாற்றுங்கால் வையகத்தில் இட்டார் பெரியோர் இடாதார் இழிகுலத்தோர் ‘ என்று கற்றது ஞாபகம். அன்று தொட்டே பெரியோர் மற்றும் மகான்கள் பலர் சாதி பழக்கத்தை அகற்றுவதற்கு எவ்வளவோ படுபாட்டுள்ளனர். என்ன ஆனது? அழிவின் சக்தி தனது வலிமையினால் அனைத்து முயற்சியையும் முறியடித்து விட்டதே. காரணம் ஹிந்து சமயத்தில் மறு பிறப்பு உண்டென்றும் அப்படி மறு பிறப்பு பிறக்கும்போது அப்பிறவி அவனுடைய முற்பிறவி கர்மவினையை பொருத்து ஒரு சாதியில் பிறப்பார் என்று நம்புகின்றனர். அதனால் இப்பிறவியில் ஒருவர் தனது நிலையை முழுமையாக ஏற்றுக்கொள்கிறார். ஆக எப்படித்தான் சாதி கொள்கையை மாற்றுவதோ தெரியவில்லை. மலேசியாவில் இந்த சாதி பிரசினைகள் சிறிது குறைந்து இருந்தது. ஏறக்குறைய அது இல்லாமலே போகக்கூடும் என்று நினைத்தேன். அனால் இன்று ஊடகங்களின் வளர்ச்சியால் தமிழக சாதி செய்திகள் உடனக்குடன் நம்மை தாக்கி நாமும் சிறிது சிறிதாக மீண்டும் ‘பழைய குருடி கதவை திறடி’ என்ற கூற்றுக்கிணங்க போய்கொண்டிருக்கிறோம். முடிவு எங்கே. படைத்த இறைவனுக்கே வெளிச்சம். நாம் நலமுடனும் வளமுடனு வாழ நம்மை ஆசீர்வதித்து வழிநடத்துவாராக.
தமிழ் நாட்டில் ஜாதி வெறி பிடித்த ஈன ஜென்மங்கள் ஏராளம். வறட்டு கெளரவம் வேறு.என்றுதான் இந்த மட்டரக மனிதர்கள் கிணற்றை விட்டு வெளியே வருவார்களோ? எவ்வளவோ கூறவேண்டும் என்று நினைக்கிறேன் ஆனா என்ன பயன்? இதெல்லாம் திருந்தாத நாற்றமெடுத்த ஜென்மங்கள்.
தமிழர்களிலும் குடும்பப் பெயர் உண்டு. இது தமிழ் நாட்டு கிராம புறங்களில் உள்ள வழக்கம். அவ்வாறு குடும்பப் பெயர் இருந்தாலும் தமிழர்களின் பண்பாட்டு முறைப்படி உறவு முறை இருந்தால் மட்டுமே திருமணம் செய்து கொள்ள முடியும். உறவு முறைக்கு அப்பால் உள்ளவர்களிடம் உறவு முறைப் பற்றி கவலைப் பட வேண்டி இருக்காது. மலேசியாவில்சாதிய வேறுபாடு அர்த்தமற்றது என்று சொல்லி நம் நாட்டு தமிழர்களை திருத்தலாம். ஓரளவுக்குத் திருந்தியும் விட்டோம். கலப்புத் திருமணத்தால் நாளடைவில் மலேசியத் தமிழர்களுக்கு இந்த சாதீய வேறுபாடு பெரியதொரு விசயமாகத் தெரியாது என்று நம்புவோம். தமிழ் நாட்டில் அப்படியல்ல. அது அவர்கள் பிறப்புரிமை என்று வாதிடுகின்றார்கள். இன்றும் உரம் போட்டு சாதியத்தை அவர்கள் வளர்த்து வருகின்றனர். படித்த முட்டாள்களும் அப்படியே. உருப்படுமா அந்த தமிழ் நாடு?.
abraham tareh வீடு பெயர் மலையாளிகளுக்கு மட்டும் அல்ல தெலுகு ,சிகியர் , ஒரிய பாஷை பெசுபர்களுக்கும் உண்டு . எங்கள் மொழியை ரகசியமாக வளர்க்க வேண்டிய சூழ்நிலையில் உள்ளோம் . கல்யாண நிகழ்ச்சியில் குடா தாய் மொழி பாடல்களை ஒளிபரப்ப பயபடுகின்றனர் . (இது நான் கண்ட உண்மை ) காரணம் மலேசியாவில் இந்தியர் என்றால் தமிழ் என்று மட்டுமே . ஒரு கல்யாண விஷேசம் என்றாலும் தமிழ் இருக்க வேண்டும் என்று நினைப்பவர்கள் தமிழர்கள் . தாய் மொழி பள்ளி என்றாலும் தமிழ் தான் , அந்த பள்ளியில் பயிலும் மலையாளம் ,தெலுகு பிள்ளைகளுக்கும் தாய் மொழியை கற்று கொள்ளும் உரிமை கிடையாது . அவர்கள் தனியாக படிக்கவேண்டி உள்ளது . பலர் வேர் அறியா மரங்களாக இருப்பது வேதனையாக உள்ளது . (மன்னிக்கவும் என் மொழியில் உள்ள பழமொழியை தமிழ் படுத்தி விட்டேன் ) மொழி தான் இனத்தின் அடையாளம் . அதை தான் நான் சொன்னேன் . என் மாமனார் என் கணவருக்கு என்னை மணம் முடிக்க நினைத்த பொது நான் அவர்கள் இனமா என்று மட்டுமே பார்த்தாரே ஒழிய கில் ஜாதியா மேல் ஜாதிய என்று பார்கவில்லை . கல்யாண பத்திரிக்கையில் குடும்ப பெயர் இருப்பதால் உறவினர்களுக்குள் முறை செய்யும் வகை தெரியும் . எனக்கு தமிழ் எழுத படிக்கச் தெரியும் . அதே போலவே என் தாய் மொழியையும் கற்று கொண்டேன் . ஒருவர் எத்தனை மொழியை வேண்டுமானாலும் கற்று கொள்ளலாம் அனால் தாய் மொழியை பழித்தவன் பின்னலில் வேர் அறியா மரமே . கல்யாணம் எனும் பொது நாம் எந்த மண்ணில் பிறந்தாலும், வாழ்தாலும் நம் மொழியை மறக்க குடாது . இல்லை என்றால் மொரிசியஸ் சவுத் ஆப்ரிக்கா போன்ற நாடுகளில் வாழும் இந்தியர் நிலை தான் .
என் கருத்தை ஆசிரியர் பிரசுரிப்பாராகா
THOVANNA PAAVANNA நீங்கள் சொல்வது உண்மை தான் கடவுள் நம்மை இன ரீதியாக மொழி ரீதியாக படைத்தாரே ஒழிய மத ரீதியாக இல்லை . நமக்கு மதம் மாறலாம் அனால் இந்த இனத்தை சேர்ந்த அடையலாம் மாறாதது கலப்பு மணத்தால் அவர்கள் குழைந்தை எத்தனை மொழியை கற்று கொள்கிறது ? மலேசியாவில் அதிகமாக கலப்புமனமும் உண்டு விவாகரத்தும் உண்டு , எனக்கு தெரிந்த ஒரு சில பெண்களே வேறு மொழி (இந்திய) பேசுபவரை திருமணம் செய்து கொண்டாலும் அவர்கள் மொழியை பின்பற்று கின்றனர் . காதல் திருமணம் என்ற பெயரில் ஒரு சில பெண்கள் அவர்கள் குடும்பத்தில் புகுந்த பின் செய்யும் அக்கபோரை என்ன வென்று சொல்வது . இன்று விவாகரத்து அதிகமாக இருபதற்கு காரணமே இந்த கலப்பு மனம் தான் . , அதனால் நல்லதோ கேட்டதோ , நாம் நாமாக இருப்பதே நல்லது .
.