கேரள மாநிலம், இடுக்கி மாவட்டத்தில் அமைந்துள்ள முல்லைப் பெரியாறு அணையின் நீர்மட்டத்தை, சுப்ரீம் கோர்ட் உத்தரவுப்படி அதிகரிக்க வேண்டிய நிலையில் உள்ள கேரள அரசு, அதன் நீர்பிடிப்பு பகுதியில் உள்ள கட்டடங்களைப் பாதுகாக்க, பல காரணங்கள் கூறி தண்ணீரை வெளியேற்ற முயன்று வருகிறது.

கடந்த அக்டோர் 18ம் தேதிக்கு மேல் வட கிழக்குப் பருவ மழை பெய்யத் துவங்கியதால், பெரியாறில் நீர் பெருக்கம் ஏற்பட்டு, அணைக்கு வரத்து அதிகரித்தது. மூன்று தினங்களுக்கு முன், அணையின் நீர்மட்ட உயரம், 136 அடியை எட்டியது.

அன்றைய தினம், கேரள பொதுப் பணித் துறை அதிகாரிகள், அணையை திடீர் ஆய்வு செய்தனர். நேற்று முன்தினம், அணையின் நீர்மட்ட உயரம், 138 அடியை எட்டியதும், தண்ணீரைத் தமிழகம் பக்கம் திறந்து விட்டனர்.

குறைக்க வேண்டும்: மேலும், ‘ஷட்டர்’களில் இரண்டு பழுதானதாகவும், கேரள அரசுக்கு அறிக்கை கொடுத்தனர். அதை வைத்து, அந்த அரசும், ‘அணையின், ‘ஷட்டர்’கள் சரி செய்யப்படும் வரை வரை, நீர்மட்ட உயரத்தை, 136 அடியாகக் குறைக்க அனுமதிக்க வேண்டும்’ என்று, சுப்ரீம் கோர்ட்டில் மனு தாக்கல் செய்துள்ளது.

இதை அறிந்த தமிழக விவசாயிகள் கொதிப்படைந்துள்ளனர். அவர்கள் கூறுகையில், ‘முல்லை பெரியாறு அணையின் நீர்பிடிப்பு பகுதிகளில் கட்டப்பட்டுள்ள, ஆக்கிரமிப்பு கட்டடங்களை பாதுகாக்கவே, சுப்ரீம் கோர்ட்டில், கேரள அரசு வழக்கு தொடரும் நாடகத்தை அரங்கேற்றுகிறது; இதில் வேறு எந்த மர்மமும் இல்லை’ எனக் கூறியுள்ளனர்.

அவர்கள் மேலும் கூறியதாவது:தற்போது, வினாடிக்கு, 1.22 லட்சம் கனஅடி உபரிநீரை வெளியேற்றும் வசதி செய்யப்பட்டுள்ளது. இவ்வளவு அதிகமான நீரை வெளியேற்றினாலும், அது கேரள மாநிலப் பகுதிகளை பாதிக்காமல், இடுக்கி அணையை சென்று சேரும். அந்த அணையில், 70 டி.எம்.சி.,க்கு மேல் தண்ணீரை சேமிக்க முடியும்.

ரிசார்ட்கள்:பெரியாறு அணையின் நீர்பிடிப்பு பகுதிகளில்,3,000 ஏக்கருக்கு மேல் ஆக்கிரமிப்பு செய்யப்பட்டுள்ளது. இதில், தனியார் மட்டுமின்றி கேரளா சுற்றுலாத் துறையும் கட்டடங்களை கட்டியுள்ளது. ஏராளமான தனியார் ரிசார்ட்கள் உள்ளன. கேரளாவிற்கு சுற்றுலாத்துறை மூலம் தான் அதிகளவில் வருவாய் கிடைக்கிறது.அதில், முல்லை பெரியாறு சுற்றுலா தலம் முக்கியமானது. அணையில், 142 அடிக்கு தண்ணீரை தேக்கினால், அதன்பிறகு, 152 அடிக்கு தண்ணீரை உயர்த்துவதில் எந்த பிரச்னையும் இருக்காது. இதனால்,