சென்னை: நெடுஞ்சாலைகளில் மதுக்கடை மூடப்பட்டதால் மற்ற மதுக்கடைகளில் கூட்டம் அதிகரிக்கப்பட்டுள்ளது.
இந்தியா முழுவதும் தேசிய மற்றும் மாநில நெடுஞ்சாலைகளில் இருபுறமும் 500 மீட்டர் தூரத்துக்குள் அமைந்துள்ள மதுக்கடைகளை மார்ச் 31-ந் தேதிக்குள் மூடுமாறு உச்சநீதிமன்றம் உத்தரவிட்டது.
தமிழகத்தில் 5 ஆயிரத்து 600க்கும் மேற்பட்ட டாஸ்மாக் கடைகள் இயங்கி வருகின்றன. இதில் தேசிய நெடுஞ்சாலைகள் மற்றும் மாநில நெடுஞ்சாலைகளில் மட்டும், சுமார் 3 ஆயிரத்து 400 கடைகள் செயல்பட்டு வந்தன.
மதுக்கடை மூடல்
உச்ச நீதிமன்றத்தின் உத்தரவை அடுத்து அவை அனைத்தும் உடனடியாக மூடப்பட்டன. இதனால் குடிமக்கள் பெரும் அவதிக்கு உள்ளானார்கள். டாஸ்மாக் கடைகள் எங்கு திறந்திருக்கின்றதோ அங்கு மது வாங்க குவிந்து வருகின்றனர்.
அலைமோதும் கூட்டம்
சென்னை, செங்கல்பட்டு, காஞ்சிபுரம் உள்பட பல இடங்களில் மதுக்கடைகளில் கூட்டம் அலைமோதுகிறது. இன்று ஞாயிற்றுக்கிழமை என்பதால் நீண்ட வரிசையில் நின்று மது வாங்கி செல்கின்றனர் குடி பிரியர்கள்.
போக்குவரத்து நெரிசல்
இருக்கும் சில கடைகளில் நீண்ட வரிசையில் நின்றும் கூட்டம் அதிக அளவில் கூடியும் மதுபாட்டில்களை வாங்கப்படுவதால் அந்த இடத்தில் எல்லாம் போக்குவரத்து நெரிசல் ஏற்பட்டுள்ளது. இதற்கு பொதுமக்கள் அப்பகுதியில் வசிப்போர் கடும் எதிர்ப்பு தெரிவித்து வருகின்றனர்.
பெண்கள் எதிர்ப்பு
டாஸ்மாக் கடைகள் மூடப்பட்டதால், பெரிய அளவில் தமிழக அரசிற்கு நஷ்டம் ஏற்பட்டுள்ளது. இதனை சமாளிக்க நெடுஞ்சாலைகள் அல்லாத பிற பகுதிகளில் மதுக்கடைகளை திறக்க தமிழக அரசு முயற்சி செய்து வருகிறது. ஆனால், தமிழக அரசு தேர்ந்தெடுக்கும் இடங்களில் வசிக்கும் பெண்கள் பெருமளவில் இதற்கு எதிர்ப்பு தெரிவித்து வருகின்றனர்.
மக்களின் நலன் கருதா அரசு. இப்படிப்பட்ட அரசினை எப்படித்தான் ஏற்றுக்கொள்வதோ? தேர்தல் சமயத்தில் கொடுத்த வாக்குறுதி என்னவாயிற்று? அரசியல் காரர்கள் மறந்து இருக்கலாம். மக்கள் ,மறந்திருப்பார்களா? மது கடை அடைப்பால் அரசுக்கு நஷ்டம் என்று கூறுவது தவறு. மதுவினால் ஏற்படும் நஷ்டம் / பாதகம் மதுவினால் கிடைக்கப்பெறும் வரிப்பணத்திற்கு மேல் பல மடங்கு அதிகம் என்பது எல்லோருக்கும் தெரிந்த உண்மைதான். இருந்தும் ஏன் மது கடைகளை திறக்க முயலவேண்டும். மதுவின்றி வாழமுடியாதா? நான் சிறுவனாக இருக்கும்போது மது அருந்துபவர்களிடம் ‘வீட்டில் ஒருவன் மதுவுக்கு செலவிடும் பணத்தில் அவனது குடும்பம் முழுவதும் ஒருநாள் உணவை ஈடுகட்டும் ‘ என்று என் தந்தை அறிவுரை கூறுவார்.. இது அன்றும் உண்மை இன்றும் உண்மை. மது பழக்கத்தால் அதனில் ஈடுபடுபவர் தன்னை இழந்து, தன் உறவுகளை இழந்து தனது தன்மானத்தையும் இழந்து தனது சுற்றத்தாரின் மானத்தையும் இழக்கச்செய்து வீட்டுக்கும் நாட்டுக்கும் எவ்வகையிலும் பயனற்று போவதுமல்லாமல் சுமையாகவும் மாறிவிடுகிறார். வரிப்பணம் சிறுதுகாலம்தான் ஆனால் அதனின் பாதகம் நெடுநாள் நீடிக்கும். சீர்தூக்கி பார்ப்போம். செயல்படுவோம்.. சிறிது வரிப்பணத்தை தியாகம் செய்து அபரிமித சொல்லிலடங்காத நன்மைகளை வீடும் நாடும் பெற அரசு மற்றும் மக்கள் அனைவரும் ஒன்றுபட்டு செயல்படுவோம். இறைவன் நம்மை ஆசீர்வதித்து வழிநடத்துவாராக.
ஐயா thovanna paavanna அவர்களே. நம் “குடி” மகன்கள் நம் இனத்துக்கே மாபெரும் கேவலம். அதிலும் தமிழ் திரை படங்களில் அதுவே நம் கலாச்சாரமாக ஆக்கிவிட்டனர். வெட்கக்கேடு- எவனுக்கும் அதைப்பற்றி அவ்வளவு அக்கறை கிடையாது– நாடு உருப்பட்டால் என்ன உருப்படாமல் போனால் என்ன? ஒரு ஒழுங்கு கிடையாது.அதிலேயே ஊறிவிட்ட நம் குடிமகன்களை நல் வழிக்கு கொண்டுவருவது என்பது நடக்காது- நடக்கலாம் சர்வாதியாக நான் இருந்தால். எனக்கு இந்த தமிழுக்கும் தமிழ் இனத்திற்கும் அவமரியாதை கொண்டுவரும் ஈனங்களை பச்சாதாபமாக பார்ப்பதே கிடையாது. நாம் தான் உலகுக்கு நாகரிகம் கற்று கொடுத்தவர்களோ? இப்படி பேசவே எரிகிறது– எப்படியோ இருக்கவேண்டிய இனம் -இன்று போதைக்கு அலையும் கேடு கேட்ட இனமாக இருக்கிறோம். தமிழ் நாட்டிலும் இந்தியாவிலும் தட்டிக்கேட்பது எல்லாம் திரைப்படங்களில் தான் – அங்கு சமூக அக்கறை என்பது மிக மிக குறைவே. இதனால் தான் போலாந்திலிருந்து அன்னை திரேசா அங்கு போய் சமூக சேவகை செய்ய வேண்டி இருந்தது. அங்கு பகல் வேஷம் போடுபவர்கள் கோலோச்சிக்கொண்டிருப்பர். தொலைக்காட்சியில் குடிக்காக அலையும் ஈனங்களை பார்க்கும் போது இவர்கள் எல்லாம் என் உடன் பிறப்பு என்று எண்ணும் போது கூனி குறுகி போக வேண்டிய நிலை.
திராவிடக் காட்சிகள் மிக சாமர்த்தியமாக தமிழனைக் குடிகாரனாக்க காய் நகர்த்துகிறார்கள். “குடிப்பது உடலுக்கு கேடு விளைவிக்கும்” என்று சின்னத்திரையிலும், சினிமாவிலும் காட்டிவிட்டு வீதி தோறும் மதுக்கடைகளை திறக்கிறார்கள்!பொது மக்கள் கூடும் இடங்களில் எல்லாம் மதுக் கடைகள்! இந்த அரசியவாதிகளின் சாவெல்லாம் மிக கேவலமாகத் தான் இருக்கும்!
நாம்தான் இப்படி பேசி அல்லல் படுகிறோம். தமிழ் நாட்டு உறவினர் ஒருவரிடம் கேட்ட பொழுது, தமிழ் நாட்டில் மது விற்பனை இல்லை என்றால் எல்லையைத் தாண்டி ஆந்திராவில் குடிக்கப் போகின்றார்கள். தமிழ் நாட்டுக்கு கிடைக்கும் வரியை ஆந்திர அரசாங்கம் அனுபவிக்கும். அதற்கு தமிழ் நாட்டில் தொடர்ந்து குடிமகனை தக்க வைத்துக் கொண்டால் வியாபாரத்திற்கு வியாபாரம், இலாபத்துக்கு இலாபம் என்று சொல்லுகின்றார்! குடிகாரனா பார்த்து குடிப்பதை நிறுத்தா விட்டால் குடியை ஒழிக்க முடியாது. தமிழ் குடி கெடும் வரை அங்கும் இங்கும் குடி மகனே!
ஒவ்வொரு தமிழனும் காலை உணவு அருந்துமுன் “சமுதாயம் உருப்பட வேண்டும் !உயர வேண்டும் “என 5 தடவைகள் இறைவனை மனதில் நினைத்து சொல்லி பழக வேண்டும் .உருப்பட எனில் நம்மில் குடிகாரன், கொலைகாரன், திருடன், ஏழை, அறிவில்லாதவன் ஆகியோர்இருக்க கூடாது .என்பதாகும். இதை மீண்டும்இ மீண்டும் சொல்லும்போது சொல்லுபவன்மனதில் அது மாற்றத்தை விளைவிக்கும். , நம்மை ஒன்றுபடுத்தும்.நமது குடிகாரர்களின் மனதில் மாற்றம் ஏற்பட்டு திருந்த வழி உண்டு .ஆறு வயது பிள்ளைகள் முதல் இதை சொல்லிகொடுக்க ஆரம்பித்து இருக்கிறன் .