ரசிகர்களை சமீபத்தில் சந்தித்து புகைப்படம் எடுத்துக்கொண்ட ரஜினி காந்த், தமிழ் நாட்டு அரசியல் பற்றி மிகவும் காரசாரமாக பேசியது குறிப்பிடத்தக்கது. அரசியல் சீர்கெட்டுபோயிருப்பதாகவும், மாற்றம் வேண்டும் எனவும் பேசினார்.
இவரது பேச்சுக்கள் அனைத்தும் அரசியலுக்கு வரத்தயார் ஆகிவிட்டதாகவே தெரிந்தது. அரசியலுக்கு வருவாரா? வரமாட்டாரா? தனிக்கட்சி தொடங்குவாரா? பாஜகவுடன் இணைவாரா? என பல கேள்விகள் ரசிகர்கள் மத்தியில் உள்ளது.
இதனிடையே ரஜினியின் அரசியல் வருகைக்கு பல்வேறு அரசியல் கட்சித் தலைவர்கள் வரவேற்பும், எதிர்ப்பும் தெரிவித்து வருகின்றனர். அந்த வகையில் திருப்பூரில் செய்தியாளர்களிடம் பேசிய டிராபிக் ராமசாமி, மக்கள் நன்றாக இருக்க வேண்டுமானால் நடிகர் ரஜினிகாந்த் அரசியலுக்கு வரக்கூடாது எனக் கூறியுள்ளார்.
மேலும் அவர் கூறுகையில், நல்ல திறமையுள்ள ஜெயலலிதாவை சாகடித்து விட்டனர். தனியார் பாலில் கலப்படம் இருப்பதாக சம்பந்தப்பட்ட துறை அமைச்சர் சொல்கிறார். மொத்தத்தில், தற்போது இருப்பது மக்களுக்கான அரசே இல்லை.
ரஜினிகாந்த் தைரிய சாலியாக இருந்திருந்தால் எப்போதோ அவர் அரசியலுக்கு வந்திருக்க வேண்டும். ரஜினி சினிமாவோடு இருக்கட்டும். மக்கள் நன்றாக இருக்க வேண்டும் என்றால் அவர் அரசியலுக்கு வரக்கூடாது என்றார்.
-lankasri.com
ரஜினி அரசியலுக்கு வருவாரா இல்லையா என்பதில் நிச்சயமற்ற நிலை, அப்படியே அரசியலுக்கு வந்தாலும் வெற்றி பெறுவாரா இல்லையா என்பதிலும் நிச்சயமற்ற நிலை. இதற்கிடையில் தமிழ் நாட்டில் உள்ள அனைத்து அரசியல் கட்சிகளும் ஆடி போய் அலறி கொண்டிருக்கின்றன.
நகைச்சுவை நடிகர் வடிவேலு பாஷையில் சொல்ல வேண்டுமானால் தமிழ் நாட்டில் உள்ள அனைத்து அரசியல் கட்சிகளுக்கும் BUILDING STRONG ஆனால் BASEMENT WEAK .
காரணம் என்ன ?
MGR-ருக்கு பிறகு அதிக ரசிகர்களை கொண்டிருப்பவர் ரஜினி.
MGR அரசியலுக்கு வந்தபோது அவருடைய ரசிகர்கள் அவரது அரசியல் கட்சியின் ஒட்டு வங்கியாக மாறினார்கள்.
அரசியலில் வெற்றி பெற்றார்.
ஆனால் ரஜினி இதுவரை அரசியலுக்கு வருவதற்கான தெளிவான அறிகுறி தென்படாததால் அவரது ரசிகர்களின் ஒட்டு சிதறி இதர கட்சிகள் வெற்றி பெற உதவுகின்றன.
இதர கட்சிகள் அப்படியே வெற்றிபெற முடியவில்லையாயின் குறிப்பிட்ட அளவு ஓட்டையாவது பெறுகின்றன என்பது மறுக்க முடியாத உண்மை.
இந்த சூழ்நிலையில் ரஜினி அரசியலுக்கு வந்தால், அவருடைய ரசிகர்களின் ஒட்டுகளால் ரஜினி வெற்றி பெற முடியா விட்டாலும், ரஜினி ரசிகர்களின் ஓட்டை நம்பி இருக்கும் இதர கட்சிகளின் பாடு திண்டாட்டம்தான்.
தனக்கென்று ஓட்டு வங்கியை வைத்திருக்கும் பெரிய கட்சிகள்கூட ரஜினியின் அரசியல் பிரவேசம் பாதிப்பை ஏற்படுத்தும் என அஞ்சுகின்றன.
இதுல தமிழ்நாட்டை தமிழர்கள்தான் ஆளனும் என்று கூப்பாடு.
கடந்த தேர்தலில் ரஜினி நேர்மையானவர்னு சான்றிதழ் கொடுத்தவர் சீமான். அதே சீமான் இன்று ரஜினி கன்னடன் தமிழ் நாட்டை தமிழன்தான் ஆளனும் என்று குரல் கொடுக்கிறார். ரஜினி ரசிகர்களின் ஒட்டு கிடைக்காவிட்டாடல் ஊத்தி மூடிக்கிட்டு போகும் முதல் கட்சியாக இருக்க போவது நாம் தமிழர் கட்சி.
தமிழர்கள் ரஜினியை பற்றி இப்படி பேசி கொண்டிருப்பதால்தான் ரஜினிக்கு இலவச விளம்பரத்தை மட்டுமல்ல மக்களிடையே ஒரு எதிர்பார்ப்பையும் உருவாக்கி விடுகிறோம் எனபதை மறந்து விடுகிறார்கள்.