நடிகர் கமல்ஹாசன் ஒரு பிரபல வார இதழில் எழுதிய கட்டுரையில் ஹிந்துக்கள் தீவிரவாதிகள் என குறிப்பிட்டிருந்தார். அதற்கு தற்போது பெரிய அளவில் எதிர்ப்பு எழுந்துள்ளது.
கமல் கூறியிருப்பவதாவது..
”கலாசாரம், பண்டிகை, இறை வழிபாடு என, பல வழிகளில் பழமையை பரப்ப, சிலர் முயன்று வருகின்றனர். ஒரு தலைமுறையே, ஜாதி வித்தியாசம் தெரியாமல் வளர்ந்து வரும் வேளையில், பழமைவாதிகள், அவர்களுக்குள் புகுந்து, ஜாதி வித்தியாசங்களை போதிக்க துவங்கி உள்ளனர். இதுவரை, வாதங்களால் செய்த விஷயங்கள், முடியாமல் போகவே, வன்முறையால் நிகழ்த்த ஆரம்பித்து விட்டனர். ‘எங்கே ஓர் இந்து தீவிர வாதியை காட்டுங்கள்’ என்ற சவாலை, அவர்களால் விட முடியாது. அந்த அளவுக்கு, அவர்கள் கூட்டத்திலும், தீவிரவாதம் பரவி இருக்கிறது” என கமல் கூறியுள்ளார்.
கமலின் இந்த கருத்துக்கு பாஜகாவை சேர்ந்த தலைவர் Vinay Katiyar “கமல் மன்னிப்பு கேட்க வேண்டும். அவரின் மனநிலை சரியில்லை – மருத்துவமனையில் அனுமதித்து சிகிச்சை அளிக்க வேண்டும்” என கூறியுள்ளார்.
-cineulagam.com
அத்தோடு நம்ம ராஜாவையும் சேர்த்துக் கொள்ளுங்கள். அவருக்கும் சிகிச்சை தேவை!
இந்துக்களில் தீவிரவாதிகள் இருக்கின்றனர் என்பதில் சந்தேகம் இல்லை– ஆனாலும் எப்படி அவர்கள் உருவெடுத்தனர்? நானே ஒருகாலத்தில் முஸ்லிம்களை தற்காத்து பேசி இருக்கிறேன் ஆனால் இப்போது அவர்களின் பால் வெறுப்பேற்றி இருக்கிறது என்பது உண்மை. என்றாலும் ரோஹிண்யாக்கள் படும் துயர் தேவை இல்லாத ஒன்று. மனிதாபிமானம் இருக்கவேண்டும். என்றாலும் அமெரிக்காவிலும் இங்கிலாந்திலும் மற்றும் பெல்ஜியத்திலும் சாதாரண மக்களை வண்டி ஏற்றி கொன்றது யார்? பெரும்பாலான முஸ்லிம்கள் அதைப்பற்றி கவலை படுவது கிடையாது என்பதே உண்மை. இந்தியாவை எடுத்துக்கொண்டால் இந்திய அரசு கையால் ஆகாத ஒன்று. அங்கு அப்பட்டமாக செயல்படும் பிரிவினை வாதிகளுக்கு மக்களின் வரிப்பணம் செலவிடப்படுகிறது. எல்லாமே வாக்கு வங்கிக்காக. அங்கு மிகவும் கேடு கெட்ட அரசியல்வாதிகள் தமிழ் நாட்டு அரசியல் வாதிகள் தான் –தின சரி தமிழ் மீனவர்களை அடித்து உதைத்து அவர்களின் வாழ்வாதாரத்தை கெடுத்து சிறை பிடிக்கும் சுண்டக்காய் சிங்களவனை புடுங்கமுடியவில்லை– வடக்கத்தியனுக்கு தமிழ் மக்கள் எக்கேடு கெட்டால் என்ன?