ஒரு காலகட்டத்தில் அஜீத்-விஜய் ரசிகர்களுக்கிடையே ஆங்காங்கே மோதல்கள் வெடித்து வந்தன. இரண்டு பேரின் படங்களுமே ஒரே நேரத்தில் வெளியாகும்போது போஸ்டர் ஒட்டுவதில் பல ஊர்களில் விஜய்-அஜீத் ரசிகர்கள் மோதிக்கொண்டதும் உண்டு.
ஆனால், இப்போது நிலைமையே தலைகீழாகி விட்டது. விஜய்-அஜீத் இருவரும் வெளிப்படையாகவே நண்பர்களாக பழகி வருவதையடுத்து அவர்களின் ரசிகர்களும் நண்பர்களாகி விட்டனர். விஜய் நடித்த படங்களை அஜீத் ரசிகர்களும், அஜீத் நடித்த படங்களை விஜய் ரசிகர்களும் சேர்ந்து பார்த்து சந்தோசத்தை கொண்டாடி வருகின்றனர்.
இந்தநிலையில், வருகிற 31-ந்தேதி வெளியாகிறது அஜீத்தின் ஆரம்பம். இதையடுத்து சில ஊர்களில் அஜீத் ரசிகர்களைப்போன்று, விஜய் ரசிகர்களும் ஆரம்பம் படம் வெற்றி பெற வாழ்த்தி பேனர்கள் வைத்திருப்பதோடு, படத்தை ஆவலுடன் எதிர்நோக்கியிருக்கிறார்களாம். ஆக, பெருவாரியான ரசிகர்களின் ஆதரவோடு அஜீத்தின் ஆரம்பம் மெகா வெற்றியடையப்போவது இப்போதே உறுதியாகி விட்டது.
