சிம்பு, நயன்தாரா ஜோடி சேரும் படத்தினை வாங்குவதற்கு சேனல்கள் போட்டி போட்டு வருகின்றன.
தேசிய விருது பெற்ற இயக்குனர் பாண்டிராஜ் இயக்கத்தில் சிலம்பரசன் தயாரித்து நடிக்கும் பெயரிடப்படாத படம் தற்போது மிகப்பெரிய எதிர்பார்ப்பை ஏற்படுத்தியுள்ளது.

கதாநாயகி முடிவு செய்யப்படாத நிலையில் பாண்டிராஜ் இயக்கும் படத்தின் படப்பிடிப்பு நடந்து வந்தது.

இந்நிலையில் நயன்தாராவை, சிம்புவுக்கு ஜோடியாக நடிக்க வைத்தால் என்ன என்று யோசித்த படக்குழுவினர் அதற்கான முயற்சியிலும் வெற்றி பெற்றனர்.

வல்லவன் படத்திற்குப் பிறகு இருவரும் சேர்ந்து நடிக்காமல் பிரிந்திருந்த இவர்கள் மீண்டும் சேர்ந்து நடிப்பது ஒட்டுமொத்த கொலிவுட் ரசிகர்களையும் வியப்படையச் செய்துள்ளது.

இது படத்தின் வியாபாரத்திற்கு பெரிய அளவில் உதவியுள்ளது. மேலும் இந்தப் படத்தின் தொலைக்காட்சி உரிமையை பெற முன்னணி சேனல்கள் போட்டி போட்டு வருகின்றனவாம்.