ஸ்கைடாட் பிலிம்ஸ் சார்பாக பாலசுப்புரமணியம் பெரியசாமி தயாரிக்கும் படம் இரவும் பகலும் வரும்.
இப்படத்தில் அங்காடித்தெரு மகேஷ் நாயகனாகவும் அவருக்கு ஜோடியாக அனன்யா நடிக்கிறார். வில்லனாக ஏ.வெங்கடேஷ், மற்றும் நகைச்சுவைக்கு ஜெகன், சாமிநாதன் என பலர் நடித்துள்ளனர். படத்தை இயக்குபவர் பாலஸ்ரீராம். இவர், பிரபல இயக்குனர் ஏ.வெங்கடேஷிடம் உதவி இயக்குனராக பல படங்களில் பணியாற்றியவர். படத்திற்கு இசை தீனா, ஒளிப்பதிவு கிருஷ்ணசாமி.
பொறியியல் படிக்கும் ஒரு கல்லூரி மாணவன், எல்லோரும் மதிக்கும் வகையில் நன்முறையில் நடந்துகொள்ளும் நற்பண்புகளை கொண்டவன். காலையில் கல்லூரிக்கு செல்லும் கதாநாயகன், இரவில் மட்டும் திருடனாய் உலாவுகிறான். அவன் ஏன் திருடனானான்? எதற்காக திருடுகிறான் என்பதே “இரவும் பகலும் வரும்” படத்தின் கதை.
படம் குறித்து இயக்குனர் பாலஸ்ரீராம் கூறியதாவது, தனது குரு தன் முதல் படத்தில் நடிக்க பெரிது ஒத்துழைப்புகொடுத்தார் என்றும், படத்தின் கதாநாயகி அன்ன்யாவிடம் கதையை சொல்லி முடித்தகனத்திலேயே 1 ரூபாயை முன்தொகையாய் பெற்றுகொண்டு படத்தில் நடிக்க சம்மதித்துவிட்டார் என பூரிப்புடன் கூறினார் இயக்குனர் பாலஸ்ரீராம்.
சுமார் 50 நாட்கள் படபிடிப்பு நடைபெற்ற இப்படம் நாமக்கல், தொட்டியத்தில் உள்ள ஒரு பொறீயியல் கல்லூரியிலும், சென்னையின் முக்கிய இடங்களிலும் படமாக்கபட்டுள்ளது.
