வல்லவனுக்கு புல்லும் ஆயுதம் படத்தை தொடர்ந்து சந்தானம் தனது அடுத்தப் படத்திற்கு தயாராகி வருகிறார்.

இந்தப் படத்தை இயக்குபவர் முருகானந்தம். இவர்தான், சந்தானம் பிரபலமாக காரணமாக இருந்த விஜய் தொலைக்காட்சியின் லொள்ளு சபா நிகழ்ச்சியை இயக்கியவர். இந்த படத்திற்கு ‘தில்லுக்கு துட்டு’ என்று தலைப்பு வைக்கப்பட்டுள்ளதாம்.

சந்தானம் மீண்டும் இந்த படத்தில் நாயகனாக நடிக்கிறார். இது அவர் நாயகனாக நடிக்கவிருக்கும் இரண்டாவது படம். படத்தில் அவருக்கு ஜோடியாக நடிக்க இரண்டு முன்னணி நடிகைகளிடம் பேச்சுவார்த்தை நடைபெறுகிறது. கண்ணா லட்டு தின்ன ஆசையா படத்தை ராம.நாராயணனுடனும், வல்லவனுக்கு புல்லும் ஆயுதம் படத்தை பிவிபி சினிமாவுடனும் இணைந்து சந்தானமே தயாரித்திருந்தார்.

அதேபோல் இந்தப் படத்தையும் யுடிவி நிறுவனத்துடன் இணைந்து தயாரிக்க வாய்ப்பு இருப்பதாக கூறப்படுகிறது. முழுக்க முழுக்க நகைச்சுவையை மையமாக வைத்து இந்தப் படம் தயாராகவுள்ளது. விரைவில் படம் குறித்த அதிகாரப்பூர்வ அறிவிப்பை எதிர்பார்க்கலாம்.