டி என் எஸ் மூவி புரடக்ஷன் சார்பில் மலேசியாவை சேர்ந்த செல்வி சங்கரலிங்கம் தயாரிக்கும் படம் ‘கககபோ‘.

இதில் நாயகனாக புதுமுகம் கேஷவ் அறிமுகமாகிறார். நாயகியாக சாக்ஷி அகர்வால் நடிக்கிறார். இவர்களுடன் முக்கிய கதாபாத்திரத்தில் கருணாஸ், பஞ்சு சுப்பு,பவர் ஸ்டார், சிங்கம்புலி, ரோபோ ஷங்கர், மயில்சாமி, வி.எஸ்.ராகவன், சாண்டி (மானாட மயிலாட), ஜாக்குவார் தங்கம், மதன் பாபு, நிரோஷா, வடிவுக்கரசி, ஆதவன் மற்றும் பலர் நடிக்கிறார்கள்.

முற்றிலும் நகைச்சுவையை மையமாகக் கொண்டு உருவாகும் இப்படத்தில் சுமார் பத்துக்கும் மேற்பட்ட நகைச்சுவை நடிகர்கள் நடிக்கிறார்கள். இதன் படப்பிடிப்பு முடிவடையும் நிலையில் உள்ளது. இதில் அனைத்து பாடல்களையும் மிக சிறப்பாக கொடுத்துள்ளாராம் பி.சி.சிவன். குறிப்பாக கானா பாலாவின் பாடல் அடுத்த வருடத்தின் சிறந்த பாடல் வரிசையில் இடம்பெறும் என்கிறார்கள். படத்தின் இசையை வரும் ஜனவரியில் வெளியிட திட்டமிட்டுள்ளனர்.

-http://www.dinamani.com