தெலுங்கில் பிரமாண்டமாக தயாராகியிருக்கும் 3டி சரித்திரப் படம், ருத்ரம்மாதேவி. குணசேகர் இயக்கத்தில் அனுஷ்கா 13 -ஆம் நூற்றாண்டைச் சேர்ந்த ராணி ருத்ரம்மாதேவியாக நடித்துள்ளார். உடன் ராணா, அல்லு அர்ஜுன் ஆகியோரும் நடித்துள்ளனர்.

இளையராஜா இந்தப் படத்துக்கு இசையமைத்துள்ளார். படம் பிடித்ததால் படத்தின் ட்ரெய்லருக்கு மட்டும் பின்னணி இசையமைக்க 3 நாள்கள் அவர் எடுத்துக் கொண்டதாக கூறப்படுகிறது.

தற்போது படத்தின் பின்னணி இசைக்காக அவர் லண்டன் சென்றுள்ளார். அங்குள்ள ஆர்கெஸ்ட்ராவை வைத்து அவர் பின்னணி இசையை அமைக்கிறார். அதற்காக அவர் இரண்டு வாரங்கள் லண்டனில் தங்கியிருப்பார் என கூறப்படுகிறது.

70 கோடிகளில் தயாராகியிருக்கும் இப்படம், அடுத்த மாதம் திரைக்கு வரும் என எதிர்பார்க்கப்படுகிறது.

-http://123tamilcinema.com