கோடை வெயிலின் தாக்கத்தை தாங்காமல் இந்த ஆண்டு பல்வேறு மாநிலங்களில் 2 ஆயிரத்து 300 பேர் பலியாகியுள்ளனர். இந்நிலையில் வரும் ஆண்டுகளில் கோடை காலத்தில் வெயிலின் தாக்கம் மேலும் அதிகரிக்கும் என்று ஆய்வு ஒன்றில் தெரிய வந்துள்ளது. இந்தியாவில் ஆண்டுதோறும் கோடை காலத்தில் வெயிலின் தாக்கம் அதிகரித்துக் கொண்டே போகிறது. இந்த ஆண்டு கோடை காலத்தில் 2 ஆயிரத்து 300 பேர் வெயிலின் உக்கிரத்தை தாங்க முடியாமல் பலியாகினர். இந்நிலையில் மும்பையில் உள்ள ஐஐடியில் இனி வரும் காலத்தில் கோடை காலத்தில் வெயிலின் தாக்கம் எப்படி இருக்கும் என்று ஆய்வு நடத்தப்பட்டது.

எதிர்காலத்தில் தென்னிந்தியாவில் அனல் காற்று அதிகமாக இருக்கக்கூடிய வாய்ப்பு உள்ளது என ஐஐடி மும்பையில் சிவில் என்ஜினியரிங் பிரிவு துணை பேராசிரியரும், ஆய்வை நடத்தியவர்களில் ஒருவருமான சுபிமால் கோஷ் தெரிவித்துள்ளார். இந்தியாவில் எதிர்காலத்தில் கோடை காலத்தில் வெப்பத்தின் தாக்கம் மிகவும் அதிகமாக இருக்கும் என்று ஆய்வில் தெரிய வந்துள்ளது.