டிவி சீரியல்கள், ஊழல்களையும், நாட்டின் அவலங்களையும், திசை திருப்பி வருகிறது என்று பாமக முதல்வர் வேட்பாளர் அன்புமணி குற்றம் சாட்டியுள்ளார். சட்டசபையில், இதுவரை, 500 முறை, 110 விதியில் அறிவித்த திட்டங்களில், வெறும், 3 சதவீதம் மட்டுமே நிறைவேற்றப்பட்டுள்ளது. அதனால், ‘110’ சட்டசபை விதியல்ல; அது தமிழக மக்களின் தலைவிதி,”என, பா.ம.க., அன்புமணி சாடியுள்ளார். சேலத்தில், பா.ம.க., சார்பில், தமிழக அரசியல் மாற்றத்துக்கான மாணவர்கள் மாநாட்டில் பேசிய அன்புமணி, அரை நூற்றாண்டாக ஆட்சி செய்யும், திராவிட கட்சிகள், நாட்டையே நாசப்படுத்தி விட்டன. இதேநிலை, இன்னொரு நாட்டில் ஏற்பட்டிருந்தால், புரட்சி ஏற்பட்டிருக்கும்.

டிவி சீரியல்கள், ஊழல்களையும், நாட்டின் அவலங்களையும், திசை திருப்பி வருகிறது. கருணாநிதி, 1971ல், சாராய கலாச்சாரத்தை துவக்கி வைத்தார். இப்போது, மது அருந்தும் வயது, 13 ஆக குறைந்துவிட்டது.

பூரண மதுவிலக்கு கோரி, பா.ம.க., நிறுவனர் ராமதாஸ், ரட்சகனாக இருந்து, 30 ஆண்டாக போராடி வருகிறார். ஒரு கட்சி தலைவருக்கு சொந்தமான இடத்தில், எட்டு ஆண்டாக மதுக்கடை இருந்துள்ளது. அது, தனக்கு, அவமானம் எனக்கூறி, அவர், திடீரென போராட்டம் நடத்துவது சந்தர்ப்ப சூழலால் உருவான போராட்டம். விஜயகாந்த் உண்ணாவிரதம் இருக்கும் அளவுக்கு, பூரண மதுவிலக்கு போராட்டம், தீவிரமடைந்திருப்பது, பா.ம.க.,வுக்கு கிடைத்த முதல் வெற்றி.