மேற்கு வங்காளத்தில் அனைத்து பள்ளிகளிலும் பெங்காலி மொழி கட்டாயம் என திரிணாமுல் காங்கிரஸ் அரசு தெரிவித்து உள்ளது.
கொல்கத்தா, மேற்கு வங்காள மாநிலத்தில் அம்மாநில பள்ளி கல்வித்துறையின் கீழ் செயல்படும் பள்ளிகள் மற்றும் பிற கல்வி வாரியங்கள் கீழ் செயல்படும் அனைத்து பள்ளிகளிலும் பெங்காலி மொழியை கட்டாயமாக்க திரிணாமுல் காங்கிரஸ் அரசு முடிவு எடுத்து உள்ளது. திரிணாமுல் காங்கிரஸ் அரசின் இந்த முடிவானது மாநிலத்தில் நேர்மறையானது பதிலை பெற்று உள்ளது. மாநிலத்தில் செயல்படும் ஆங்கில வழி தனியார் பள்ளிகள் உள்பட அனைத்து பள்ளிகளிலும் பெங்காலி மொழியை கட்டாயமாக்கி உள்ளது.
நேற்று மாலை செய்தியாளர்களை அழைத்த அம்மாநில கல்வித்துறை மந்திரி பார்தா சட்டர்ஜி இந்த அறிவிப்பினை வெளியிட்டு உள்ளார்.
“இப்போது இருந்து, அனைத்து பள்ளிகளிலும் பெங்காலி மொழியை கற்பிக்க வேண்டும் என்பது கட்டாயம் ஆக்கப்படுகிறது. ஆங்கில வழி பள்ளிகள் பெங்காலியை தேர்வு பாடமாக்க வேண்டும். ஒன்றாம் வகுப்பு முதல் அனைத்து மாணவர்களும் பெங்காலி மொழியை இரண்டாவது அல்லது மூன்றாவது மொழியாக கட்டாயமாக படிக்கவேண்டும்” என சட்டர்ஜி குறிப்பிட்டு உள்ளார். மேற்கு வங்காள அரசின் இத்திட்டத்தை அம்மாநிலத்தவர்கள் சமூக வலைதளங்களில் பாராட்டி வருகிறார்கள். மாநில பள்ளிகளில் பெங்காலியை கற்பிக்க வேண்டும் என்ற ஷரத்து இருந்தாலும், கட்டாயம் ஆக்கப்படவில்லை, இப்போது அறிவிக்கப்பட்டு உள்ளது.
கேரளாவில் இடதுசாரிகள் அரசு அனைத்து பள்ளிகளிலும் கேரள மொழியை கட்டாயம் ஆக்கிய நிலையில் மேற்கு வங்காளத்தில் மம்தா அரசு பெங்காலி மொழியை கட்டாயம் ஆக்கிஉள்ளது.
-dailythanthi.com
இது தமிழகத்தின் அனைத்துப்பள்ளிகளிலும் அமலாக்கப்பட வேண்டும் இது தமிழ் வாழவும் வளரவும் வழி வகுக்கும்.60 ஆண்டுகளாக திணிக்கப்படும் வடமாநில மொழி 3000 ஆண்டுக்கும் மேலான தமிழை அழிக்க இடம் கொடுக்கக் கூடாது
இந்தியாவில் உள்ள கல்வி வழிமுறை சம நீதிக்கு ஒவ்வாதது. பல மொழிகளை கொண்ட நாடுகளில் சிங்கப்பூரில் உள்ள கல்வி வழிமுறை நல்ல பலன் அளிக்கும். இந்தியாவில் தாய் மொழி தேர்வு கட்டாயமாக்கப்பட வேண்டும்,.அத்துடன் ஆங்கிலம் மற்றும் ஒரு வடக்கு மொழி அல்லது ஒரு தெற்கு மொழியும் கட்டாயமாக்கப்பட வேண்டும். அது சிங்கப்பூரைப்போல் நடைமுறையாக்கப்பட வேண்டும். அத்துடன் ஒரு கல்வி கொள்கை இருக்க வேண்டும். இந்தி திணிக்கப்பட்ட விடக்கூடாது. ஆனாலும் நியாயமாக அங்கு ஏதும் நடக்காது,.
சிங்கப்பூரும் இந்தியாவைத்த தான் பின்பற்றுகிறது. தாய்மொழி, தேசிய மொழி, ஆங்கிலம். தமிழ் நாட்டில் தேசிய மொழி வேண்டாம் என்று ஒதுக்கிவிட்டு அத்தோடு தமிழையும் ஒதுக்கிவிட்டார்கள்! அதனால் தமிழ் நாட்டில் ஆங்கிலம் தான்பி ரதான மொழியாகவும் தமிழனின் தாய் மொழியாகவும் ஆகிவிட்டது!
ஐயா abraham terah அவர்களே– சிங்கப்பூர் இந்தியாவை பின்பற்றவில்லை. எது அங்கு- இந்தியாவில் -தேசிய மொழி? இந்தி திணிப்பினால் தமிழ் நாட்டில் இந்திக்கு பெரும் எதிர்ப்பு. இந்தி பேசுபவர்கள் தமிழர்களை இந்தியர்களாகவே ஏற்று கொள்வதில்லை. தமிழை கொலை செய்வது 50 ளிலேயே ஆரம்பித்து விட்டது– இதில் முக்கியமாக குமுதம் வார இதழை கூறலாம்– இதன் காரணமாகவே நான் குமுதம் வாசிப்பதை தவிர்த்தேன். அதிலும் தற்போது தமிழர்கள் தம் பிள்ளைகளுக்கு என்ன பேர் வைக்கின்றனர்?? தமிழ் பற்று இல்லாத ஈனங்கள் அதிகம்– அதிலும் கடந்த ஆண்டு vijey தொலைக்காட்சியில் நீயா நானாவில் படித்துக்கொண்டிருக்கும் இளைஞர்களிடம் பெயர் பற்றிய விவாதத்தில் 99 % பங்கேற்றவர்கள் தமிழ் பெயர் பற்றி மிகவும் கீழ்த்தரமான எண்ணங்களை கொண்டிருந்தனர். நம்மவர்கள் இவ்வளவு மட்டமானவர்கள் என்று நம்பவே முடியவில்லை. இவ்வளவுக்கும் காரணம் நம்மவர்களின் இனப்பற்றும் மொழிப்பற்றும் இல்லாததுதான். மகா கவி பாரதியின் இறப்பிற்க்கே எத்தனை பேர் வந்தனர்? இதிலிருந்து தெரியவேண்டும்– இன்னும் எவ்வளவோ— சிங்கப்பூரில் இரண்டாவது மொழி கட்டாயம்– இதில் தேறாவிட்டால் பல்கலை கழகத்திற்கு அனுமதி இல்லை.
இந்தியாவின் தேசிய மொழி இந்தி. அதனை இந்தி திணிப்பு என்று சொல்லி தமிழ் நாட்டில் திராவிடக் கட்சிகள் எதிர்த்தனர். இன்றுவரை அது அப்படியே உள்ளது. ஆனால் இந்த திராவிடக் கட்சிகள் ஆந்திரா, கேரளா, கர்நாடகா மாநிலங்களில் இந்தியை எதிர்க்கவில்லை! அவர்கள் இந்தியைப் படித்துவிட்டு மத்திய அரசாங்க வேலைகளில் இருக்கின்றனர். தமிழ் நாட்டில் பிராமணர்கள் சொந்த முயற்சியில் இந்தி படித்தவிட்டு மத்திய அரசாங்க வேலைகளில் இருக்கின்றனர். இந்தியை நாம் அனைவரும் தெரிந்து கொள்ளுவது போல திராவிடக் கட்சிகள் எதிர்த்தனர். ஆனால் தமிழை மறைமுகமாக திராவிடக் கட்சிகள் அழித்தனர். ஆங்கிலத்தை வளர்த்தனர். இப்போது தமிழனுக்கு தனது பாரம்பரியம், கலாச்சாரம் எதுவுமே தெரியவில்லை! தமிழனை மட்டமான நிலைக்கு கொண்டு சென்றவர்கள் திராவிடக் கட்சிகள்! எல்லா மாநிலங்களிலும் இந்தி மொழியை கற்றிருக்கும் போது தமிழனுக்கு இந்தி தெரியவில்லை என்றால் யார் அவனை மதிப்பார்? இந்தியை எதிர்த்தார்களே திராவிடக் கட்சிகள் அதனால் தமிழ் நாட்டில் இந்தி ஒழிந்து விட்டதா? ஒன்றரை கோடி இந்தி தெரிந்தவர்கள் தமிழ் நாட்டில் வேலை செய்கிறார்கள்! அது தமிழனுக்கு நஷ்டம் இல்லையா? தமிழனின் இளிச்சவாயத்தனைத்தை நினைக்கும் போது……………………!