சந்தானம் தமிழ் சினிமாவின் காமெடி நட்சத்திரங்களில் தவிர்க்க முடியாதவர். என்ன தான் கவுண்டமணி பாணி காமெடி என்றாலும் சந்தானத்தின் புதுபுது வார்த்தைகள், கவுண்டர் டயலாக் என இன்றைய ட்ரெண்ட் இளைஞர்களை கவர்ந்தார்.

லொல்லு சபா நிகழ்ச்சி மூலம் அறிமுகமாகி, ஒரு படத்தில் இரண்டாவது காமெடியன், ஒரு சில காட்சி என்று தான் தலையை காட்டினார்.

பின் தன் கடின உழைப்பால் கொஞ்சம் கொஞ்சமாக முன்னேறி பிறகு நம்பர் 1 காமெடி நட்சத்திரம் என்ற அந்தஸ்தை அடைந்தார்.

அதை தொடர்ந்து இதோடு என் பயணம் நிற்கவில்லை என ஹீரோவாகவும் அவதாரம் எடுத்தார், அதில் தில்லுக்கு துட்டாக பந்தயம் கட்டி வெற்றியும் பெற்றார்.

ஒரு காலத்தில் செல்வராகவனின் 7ஜி ரெயின்போ காலனியை கிண்டல் செய்து நம்மை சிரிக்க வைத்தவர், தற்போது அவர் படத்திலேயே நடித்து நம்மை ஆச்சரியப்படுத்தி வருகின்றார்.

இப்படி சந்தானத்தில் வெற்றி பயணம் ஹீரோவாகவே தொடர்ந்தாலும் கொஞ்சம் காமெடியையும் டச் செய்யுங்கள் என்பதே சாமனிய ரசிகனின் விருப்பமும் கூட, சந்தானம் இதை இரண்டையும் திறம்பட செய்ய அவரின் பிறந்தநாளான இன்று சினிஉலகம் தன் வாழ்த்துக்களை தெரிவித்துக்கொள்கின்றது.

-cineulagam.com