இந்தியத் திரையுலகில் இன்றும் கனவுக்கன்னியாக இருப்பவர் நடிகை ஸ்ரீதேவி.

திருமணத்துக்குப் பிறகு நீண்ட காலம் நடிக்காமல் இருந்த இவர் இங்லீஷ் விங்லீஷ்‘ என்ற படத்தில் நடித்தார். இப்படத்தில் நடித்ததன் மூலம் ஸ்ரீதேவி இந்திய ரசிகர்கள் மட்டுமின்றி, ஜப்பான் நாட்டு ரசிகர்களையும் கவர்ந்துள்ளார். ஜப்பான் திரைப்பட விழாவில் திரையிடப்பட்ட இப்படம் அங்கு பெரும் வரவேற்பு பெற்றது.

இந்நிலையில், மீண்டும் ஒரு படத்தில் நடிக்க ஸ்ரீதேவி சம்மதம் தெரிவித்துள்ளார். தற்போது தெலுங்குத் திரையுலகின் முன்னணி இயக்குனர்களில் ஒருவரான கோனா வெங்கட் சொன்ன கதை அவரை மிகவும் கவர்ந்து விட்டதாம்.

இப்படத்தை நடிகை ஸ்ரீதேவியின், கணவரும் பிரபல தயாரிப்பாளருமான போனி கபூர், மூன்று மொழிகளில் தயாரிக்க திட்டமிட்டுள்ளார். படத்தின் தலைப்பு மற்றும் மற்ற விவரங்கள் விரைவில் வெளியிடப்படும் என்று கோனா வெங்கட் தெரிவித்துள்ளார்.