ஆல் இன் ஆல் அழகுராஜா படத்தில் நகைச்சுவை நடிகர் சந்தானம் பெண் வேடமிட்டு நடித்திருக்கிறார்.
தீபாவளிக்கு திரைக்கு வரவிருக்கும் படம் ஆல் இன் ஆல் அழகுராஜா. இதில் கார்த்தி நாயகனாகவும், காஜல் அகர்வால் நாயகியாகவும் நடித்துள்ளனர். இவர்களுடன் பிரபு, சரண்யா பொன்வண்ணன், சந்தானம் உள்பட பலர் நடித்திருக்கின்றனர். முழுக்க முழுக்க காமெடியை மையமாகக் கொண்டு எடுக்கப்பட்டுள்ள இப்படத்தை ராஜேஷ் இயக்கியுள்ளார். தமன் இசையமைத்துள்ளார். ஸ்டூடியோ கிரீன் நிறுவனம் தயாரித்துள்ளது.
இப்படத்தில் சந்தானம் பெண் வேடமிட்டு நடித்திருக்கிறார். படத்தின் கதைப்படி கார்த்தி, காஜல் அகர்வாலை காதலிக்கிறார். ஆனால் காஜலோ, கார்த்தியை காதலித்தாலும் அதை சொல்லாமல் பிகு பண்ணிக் கொண்டிருப்பாராம். எனவே, காஜல் மனதில் இருக்கும் காதலை எப்படியாவது வெளி கொண்டுவர நினைக்கிறார் கார்த்தி. உடனே அவர், தன் நண்பன் சந்தானத்தை பெண் வேடம் போடச்சொல்லி காஜல் முன்னால் ரொமான்ஸ் பண்ணுவது போன்று வெறுப்பேற்றுவாராம். இதை சகிக்க முடியாத காஜல் தன்னுள் இருக்கும் காதலை சொல்லிவிடுவாராம்.
ஏற்கனவே சந்தானம் சிறுத்தை மற்றும் சிங்கம் புலி படத்தில் சந்தானம் பெண் வேடமிட்டு நடித்திருப்பது நினைவிருக்கலாம்.
